30-09-24
இன்றைய நாளுக்கான கிருபை!
தேவ ஆட்டுக்குட்டியானவர் மற்றும் மகிமையின் ராஜாவாகிய இயேசுவை சந்தித்து,ராஜாக்களாகவும், ஆசாரியர்களாகவும் ஆட்சி செய்யுங்கள்!
17. அல்லாமலும், ஒருவனுடைய மீறுதலினாலே,அந்த ஒருவன்மூலமாய், மரணம் ஆண்டுகொண்டிருக்க, கிருபையின் பரிபூரணத்தையும் நீதியாகிய ஈவின் பரிபூரணத்தையும் பெறுகிறவர்கள் இயேசு கிறிஸ்து என்னும் ஒருவராலே ஜீவனை அடைந்து ஆளுவார்களென்பது அதிக நிச்சயமாமே. ரோமர் 5:17
10. எங்கள் தேவனுக்குமுன்பாக எங்களை ராஜாக்களும் ஆசாரியர்களுமாக்கினீர்; நாங்கள் பூமியிலே அரசாளுவோம் என்று புதிய பாட்டைப் பாடினார்கள்.வெளிப்படுத்துதல் 5:9,10 NKJV
கர்த்தராகிய இயேசு கிறிஸ்துவிற்குள் அன்பானவர்களே, இந்த மாதத்தின் இறுதிக்குள் வரும்போது, ஒரு எளிய மற்றும் அற்புதமான உண்மையை உங்கள் நினைவுக்காக விட்டுச் செல்ல விரும்புகிறேன்: தேவனிடம் இருந்து பெறுவதின் மூலம் நீங்கள் வாழ்வில் ஆட்சி செய்கிறீர்கள்.
நீங்கள் ஒரு காரியத்தை அடைவதின் மூலமாக ஆட்சி செய்வதில்லை மாறாக தேவனிடத்திலிருந்து பெறுவதின் மூலமே ஆட்சி செய்கிறீர்கள்.
வாழ்க்கையில் ஆட்சி செய்வதற்கு முக்கியமான காரியம் உங்கள் கீழ்ப்படிதல் அல்ல. மாறாக, தேவனின் ஆட்டுக்குட்டியாகிய இயேசு கிறிஸ்துவின் கீழ்ப்படிதல்– அதாவது உங்கள் எல்லா பாவங்களையும், உங்கள் எல்லா நோய்களையும்,உங்கள் வளர்ச்சிக்கும் உயர்வுக்கும் தடையாக இருந்த அனைத்து குறைபாடுகள் மற்றும் தடைகளையும் தன் மேல் ஏற்று நீக்கிவிட்டார் என்ற சரியான விசுவாசத்தின் மூலமே ஆளுகை சாத்தியமாகிறது.
தேவனின் ஏராளமான கிருபையையும் நீதியின் வரத்தையும் பெறுவதும் மற்றும் தொடர்ந்து பெற்றுகொள்வதும் அவசியம். இந்த வல்லமை வாய்ந்த உண்மையை நம்புவதன் மூலம்,நீங்கள் வாழ்க்கையில் ஆட்சி செய்வீர்கள்.
நீங்கள் அவருடைய கிருபையையும் நீதியையும் பெற்றுகொண்டே இருக்கும்பொழுது நிரம்பி வழிய ஆரம்பிக்கிறீர்கள். ஆம், நீங்கள் தேவனின் மிகச் சிறந்ததைப் பெறுவதால் உங்களால் மிகச் சிறந்ததைக் கொடுக்க முடிகிறது.நீங்கள் தேவனிடம் பெறும்போது,நீங்கள் கொடுக்கிறீர்கள் மேலும் நீங்கள் பெற்றதை பிறருக்கு கொடுக்கும் போது ஆட்சி செய்கிறீர்கள்! அல்லேலூயா
ஆம் என் பிரியமானவர்களே,வரும் அக்டோபர் மாதத்தில் பரிசுத்த ஆவியானவர் “பெற்றுக்கொள்வதில்” நமக்கு அதிக வெளிச்சம் கொடுப்பார் என்று விசுவாசிக்கிறேன்.
பரிசுத்த ஆவியானவர் செப்டம்பர் மாதம் முழுவதும் இயேசுவின் இரத்தத்தைப் பற்றிய அவரது அற்புதமான வெளிப்பாடுகளை அன்புடனும் கிருபையுடனும் நமக்குக் கற்பித்ததற்காக நான் அவரைப் பாராட்டுகிறேன். ஒவ்வொரு நாளும் என்னுடன் தின தியானத்தில் இணைந்ததற்கு நன்றி.
நீங்கள் மீட்கப்பட்டு, இயேசுவின் இரத்தத்தால் ஆசாரியர்களாகவும் ராஜாக்களாகவும் நியமிக்கப்பட்டுள்ளீர்கள்! ஆமென் 🙏
தேவ ஆட்டுக்குட்டியானவர் மற்றும் மகிமையின் ராஜாவாகிய இயேசுவை சந்தித்து,ராஜாக்களாகவும், ஆசாரியர்களகவும் ஆட்சி செய்யுங்கள்.
நம்முடைய நீதியான இயேசு கிறிஸ்துவைப் போற்றுவோமாக!
கிருபை( பு) நற்செய்தி பேராலயம்!!