18-03-26
இன்றைய நாளுக்கான கிருபை!
✨உங்களுக்குள் இருக்கும் கிறிஸ்துவே -புதிய உங்களை வெளிப்படுத்திகிறார்!✨
📖கலாத்தியர் 2:20 (NKJV)
“நான் கிறிஸ்துவுடனே சிலுவையில் அறையப்பட்டிருக்கிறேன்; இனி நான் அல்ல, கிறிஸ்துவே எனக்குள் வாழ்கிறார்.”
பிரியமானவர்களே,
நற்செய்தியின் மிக ஆழமான இரகசியங்களில் ஒன்று இதுதான்: கிறிஸ்து இப்போது உங்களுக்குள் வாழ்கிறார்.
கிறிஸ்தவ வாழ்க்கை என்பது தேவனைப் பிரியப்படுத்தக் கடினமாக முயற்சிப்பதல்ல. அது உங்களுக்குள் இருக்கும் கிறிஸ்துவின் ஜீவன் உங்கள் மூலம் வெளிப்பட அனுமதிப்பதாகும்.
நீங்கள் கிறிஸ்துவை ஏற்றுக்கொண்டபோது, உங்களுக்கு ஒரு புதிய அடையாளம் வழங்கப்பட்டது மட்டுமல்லாமல், அதைவிட மேலாக, நீங்கள் அவருடன் ஐக்கியப்படுத்தப்பட்டீர்கள். நீங்களும் கிறிஸ்துவும் பின்னிப் பிணைந்தவர்கள், பிரிக்க முடியாதவர்கள். உங்களைப் பார்ப்பதே கிறிஸ்துவைப் பார்ப்பது! ஆஹா! அற்புதம்!!
✨அவருடைய ஜீவன் உங்கள் ஜீவனானது.
✨அவருடைய நீதி உங்கள் நீதியானதாயிற்று.
✨அவருடைய வெற்றி உங்கள் வெற்றியானதாயிற்று.
இதன் பொருள், கிறிஸ்தவ வாழ்க்கை என்பது சுய முயற்சியின் வாழ்க்கை அல்ல, மாறாக விசுவாசியின் மூலம் வெளிப்படுத்தப்படும் கிறிஸ்துவின் வாழ்க்கை என்பதாகும்.
ஆகவே, புதிய நீங்கள் ஒரு வல்லமைவாய்ந்த உண்மையிலிருந்து வாழ்கிறீர்கள்:
✨ உங்களுக்குள் கிறிஸ்து — மகிமையின் நம்பிக்கை.
நம் வாழ்வில் அவருடைய குணமும் வல்லமையும் அதிகமாக வெளிப்படும்போது,கிறிஸ்து நமக்குள்ளே வாழ்வதை நாம் அதிகமாக உணர்வதே இந்த நம்பிக்கையாகும்.
✨ ஜெபம்
என் தகப்பனாகிய தேவனே!, கிறிஸ்து எனக்குள் வாழ்வதற்காக உமக்கு நன்றி. கிறிஸ்துவுடனான இந்த ஐக்கியத்தைப் பற்றிய அதிக விழிப்புணர்வுக்குள் உம்முடைய பரிசுத்த ஆவியானவர் என்னை அனுதினமும் வழிநடத்துவாராக.அவருடைய ஜீவன் என் மூலம் வெளிப்படுமாக. இயேசுவின் நாமத்தில், ஆமென்.
✨ விசுவாச அறிக்கை
கிறிஸ்து எனக்குள் வாழ்கிறார்.நானும் கிறிஸ்துவும் ஒன்றே – பின்னிப் பிணைந்தவர்கள். நான் கிறிஸ்துவின் அச்சுப் பிம்பமாக மாறும் வரை, பரிசுத்த ஆவியானவர் கிறிஸ்துவின் படிப்படியான வெளிப்பாட்டிற்குள் என்னை வழிநடத்துகிறார். 🙏ஆமென்
🌿நான் கிறிஸ்து இயேசுவில் தேவனின் நீதியாக இருக்கிறேன். ஆமென்🙏🙌
கிருபை நற்செய்தி பேராலயம்!