அவருடைய நீதிக்குத் திரும்புங்கள்!

இன்று உங்களுக்குக்கான கிருபை!
17ஆகஸ்ட் 2026

அவருடைய நீதிக்குத் திரும்புங்கள்!

வேதவசனம்:
“உன் ஜெபத்தைக் கேட்டேன்,உன் கண்ணீரைப் பார்த்தேன்;இதோ,உன் ஆயுசுநாட்களோடே இன்னும் பதினைந்து வருஷத்தைக் கூட்டுவேன்.”ஏசாயா 38:5

வாழ்க்கை நம்மைத் தவறான திசையில் அழைத்துச் செல்வது போன்ற தருணங்கள் உண்டு. தோல்வி, ஏமாற்றம், தாமதம் அல்லது தேவன் விரும்பிய பாதையிலிருந்து வெகுதூரம் விலகிவிட்டோம் என்று உணரவைக்கும் விளைவுகளை நாம் சந்திக்க நேரிடலாம்.

ஆனால் எசேக்கியாவின் கதை ஒரு அழகான உண்மையை வெளிப்படுத்துகிறது: கிறிஸ்துவிலுள்ள தேவ-நீதியிலிருந்து நாம் விலகி செல்லும்போது, ​​நித்திய தேவன் தம்முடைய இரக்கத்தினால் ஒரு மாற்றத்தை உண்டாக்குகிறார்; நம்மைத் தம்முடைய நீதிக்குத் திரும்பச் செய்வதன் மூலம், முழுமையான (360 டிகிரி) ஆசீர்வாதங்களை அனுபவிக்கும் நிலைக்கு நம்மை உயர்த்துகிறார். அல்லேலூயா 🙌

எசேக்கியா கர்த்தரை நோக்கித் தன் முகத்தைத் திருப்பி ஜெபித்தான். தேவன் அவன் ஜெபத்தைக் கேட்டு, அவன் கண்ணீரைப் பார்த்து, அவனுக்குப் பதிலளித்தார். இதில் நான்கு அழகான தருணங்கள் உள்ளன:
1. எசேக்கியா ஜெபித்து தேவனுடைய நீதிக்குத் திரும்பினான்,
2. தேவன் கேட்டார்,
3. தேவன் பார்த்தார், மற்றும்
4. தேவன் பதிலளித்தார்.

கிறிஸ்துவின் நீதிக்குத் திரும்புவது என்பது சுய-நீதிக்குத் திரும்புவதல்ல. வாழ்க்கையில் ஆளுகை செய்வதற்கான ஆசீர்வாதங்களைப் பெற ஒரே வழியாக இயேசு நமக்களித்த நீதியின் மீது சார்ந்திருக்கும் இடத்திற்குத் திரும்புவதே அதுவாகும்.

நேற்றைய அத்தியாயத்திலேயே நீங்கள் தங்கிவிட வேண்டியதில்லை.

தேவனுக்கு முன்பாக உங்கள் நிலையில் ஏற்படும் மாற்றம், உங்கள் சூழ்நிலைகளில் உயர்வை உருவாக்கக்கூடும்.

இன்று, உங்கள் இருதயத்தை அவரை நோக்கித் திருப்புங்கள். அவருடைய நீதியைப் பெற்றுக்கொள்ளுங்கள். அவருடைய கிருபையைப் பெற்றுக்கொள்ளுங்கள். பரிசுத்த ஆவியானவர் உங்களை நீங்கள் இருக்க வேண்டிய இடத்திற்கே திரும்பக் கொண்டுவரட்டும்.🙏

ஜெபம்
அப்பா தேவனே,என் இருதயத்தை முழுமையாக உம்மை நோக்கித் திருப்புகிறேன். இயேசுவின் மீதான விசுவாசத்தினால் நான் பெற்றுக்கொண்ட உம்முடைய நீதியை ஒரு பரிசாக எனக்குத் தந்தமைக்கு நன்றி. உம்முடைய ஆவியானவரால், என் வாழ்வில் இடம் மாறிய அனைத்தையும் சீராக்கியருளும். ஒவ்வொரு தவறான திசையும் ஒரு தெய்வீகத் திருப்பமாக மாறட்டும். என் ஜெபத்தைக் கேட்டு, என் கண்ணீரைப் பார்த்து, எனக்காக நீர் ஆயத்தம் செய்துள்ள அனைத்திற்கும் என்னை உயர்த்தும். இயேசுவின் நாமத்தில்,ஆமென் 🙏

📣 விசுவாச அறிக்கை
கிறிஸ்து இயேசுவில் நான் தேவனுடைய நீதியாய் இருக்கிறேன்!
நான் அவருடைய நீதிக்குத் திரும்புகிறேன், அவருடைய கிருபையால் உயர்த்தப்படுகிறேன்.
பரிசுத்த ஆவியானவர் என்னைச் சீராக்கிக் கொண்டிருக்கிறார்.
தேவன் என் ஜெபத்தைக் கேட்கிறார், தேவன் என்னைப் பார்க்கிறார், தேவன் எனக்குப் பதிலளிக்கிறார்.
வாழ்வில் ஏற்றப்படுவதற்காக நான் மாற்றப்படுகிறேன்!ஆமென் 🙏

⸻
கிருபை நற்செய்தி பேராலயம்!