இன்று உங்களுக்குக்கான கிருபை!
17 செப்டம்பர் 2026
ஆவியானவர் தேவனுடைய பிள்ளைகளை மகிமையான சுதந்திரத்திற்குள் வழிநடத்துகிறார்!
வேதவசனம்
“தேவனுடைய ஆவியால் நடத்தப்படுகிறவர்கள் எவர்களோ, அவர்கள் தேவனுடைய புத்திரராயிருக்கிறார்கள்.”ரோமர் 8:14
“கர்த்தருடைய ஆவி எங்கேயோ அங்கே விடுதலையுண்டு… கர்த்தருடைய ஆவியினாலே… மகிமையிலிருந்து மகிமைக்கு மாற்றப்படுகிறோம்.”2 கொரிந்தியர் 3:17–18
கர்த்தராகிய இயேசுவின் அன்புக்குரியவர்களே,
புத்திரத்துவம் என்பது வெறும் ஒரு பட்டம் அல்ல;அது ஆவியானவரால் நடத்தப்படும் ஒரு வாழ்க்கை.
புத்திரத்துவத்தின் ஆவி நம்மை மகிமையான சுதந்திரத்தின் மெய்மைக்குள்ளாக வழிநடத்துகிறது:
1. பயம், ஒடுக்குமுறை மற்றும் திகிலிலிருந்து விடுதலை — ரோமர் 8:15; ஏசாயா 54:14
நாம் இனி பயத்திற்கு அடிமைகளாக வாழ்வதில்லை;மாறாக,தங்கள் பிதாவை உறுதியாக அறிந்திருக்கும் பிள்ளைகளாக வாழ்கிறோம்.
2. அடிமை மனப்பான்மையிலிருந்து விடுதலையாகி பிதாவின் சுதந்திரத்தைப் பெறுதல் — ரோமர் 8:17; லூக்கா 15:31
மூத்த குமாரன் தன் தகப்பனின் வீட்டிலேயே இருந்தும், ஒரு வேலைக்காரனின் மனப்பான்மையுடனேயே வாழ்ந்தான். அவனது தகப்பன் அவனுக்கு நினைவூட்டினார்: “மகனே, நீ எப்போதும் என்னோடு இருக்கிறாய், எனக்குள்ளதெல்லாம் உன்னுடையது.”
3. அழிவுக்குரிய தன்மையின் எல்லைகளிலிருந்து விடுதலை — ரோமர் 8:23; பிலிப்பியர் 3:21
மகிமையான சுதந்திரத்தின் உச்சகட்ட வெளிப்பாடு நம் சரீரங்களின் மீட்பே ஆகும்; அப்போது கிறிஸ்து நம்முடைய தாழ்மையான சரீரங்களைத் தம்முடைய மகிமையுள்ள சரீரத்தைப் போல மாற்றுவார்.
பரிசுத்த ஆவியானவர் நம்மைப் படிப்படியாக வழிநடத்துகிறார்:
பயத்திலிருந்து நம்பிக்கைக்கு.
குற்ற உணர்விலிருந்து நீதிக்கு.
அடிமைத்தனத்திலிருந்து விடுதலைக்கு.
மகிமையிலிருந்து மகிமைக்கு.
நாம் பரிசுத்த ஆவியானவருக்கு நம்மை ஒப்புக்கொடுக்கும்போது, அவர் நம்மை கிறிஸ்துவின் சாயலாக மாற்றுகிறார். மனித முயற்சியால் மட்டும் நாம் மாறுவதில்லை; ஆவியானவரால் நாம் மாற்றப்படுகிறோம்.
ஆகவே, பிரியமானவர்களே, நேற்றைய எல்லைகளுக்குள் சிறைப்பட்டு நிற்காதீர்கள்.
உங்கள் தற்போதைய அனுபவம், உங்களுக்கான தேவனுடைய நோக்கத்தின் இறுதி வெளிப்பாடு அல்ல.
இன்னும் அதிகமான மகிமை முன்னால் காத்திருக்கிறது!
ஜெபம்
அப்பா பிதாவே,இயேசுவை அனுப்பியதற்கும், எனக்குள் வாசம் செய்ய பரிசுத்த ஆவியானவரைத் தந்ததற்கும் உமக்கு நன்றி.
ஆசீர்வதிக்கப்பட்ட பரிசுத்த ஆவியானவரே, தேவனுடைய உண்மையான பிள்ளையாக என்னை ஒவ்வொரு நாளும் வழிநடத்தும். எல்லா அடிமைத்தனத்திலிருந்தும் எல்லைகளிலிருந்தும் என்னை விடுவித்து, மகிமையிலிருந்து மகிமைக்கு இயேசுவின் சாயலாக என்னை மாற்றும். இயேசுவின் நாமத்தில். ஆமென். 🙏
விசுவாச அறிக்கை
நான் தேவனுடைய ஆவியால் வழிநடத்தப்படுகிறேன்!
நான் தேவனுடைய குமாரன்!
கிறிஸ்து இயேசுவுக்குள் நான் தேவனுடைய நீதியாயிருக்கிறேன்!
நான் தேவனுடைய சுதந்திரவாளியும், கிறிஸ்துவுடன் கூட்டு -சுதந்திரவாளியுமாக இருக்கிறேன்!
நான் பயத்திலிருந்தும் அடிமைத்தனத்திலிருந்தும் விடுதலையாக்கப்பட்டிருக்கிறேன்!
எனது தாழ்மையான சரீரத்திலிருந்து அவருடைய மகிமையுள்ள சரீரத்திற்கு நான் மாற்றப்பட்டு வருகிறேன் – மகிமையிலிருந்து மகிமைக்கு!ஆமென் 🙏
கிறிஸ்து இயேசுவுக்குள் நான் தேவனுடைய நீதியாக இருக்கிறேன்.
உயிர்த்தெழுந்த இயேசுவைப் போற்றுங்கள்!
⸻
கிருபை நற்செய்தி பேராலயம்!