14-01-25
இன்றைய நாளுக்கான கிருபை!
மகிமையின் பிதாவை அறிவது, அவரை “அப்பா பிதா!” என்று அழைப்பதற்கான புத்தம் புதிய வழியை திறக்கிறது!
49.அதற்கு அவர்: நீங்கள் ஏன் என்னைத் தேடினீர்கள்? என் பிதாவுக்கடுத்தவைகளில் நான் இருக்கவேண்டியதென்று அறியீர்களா என்றார்.
50.தங்களுக்கு அவர் சொன்ன வார்த்தையை அவர்கள் உணர்ந்துகொள்ளவில்லை.லூக்கா 2:49-50 NKJV
இயேசுவின் பூமிக்குரிய பெற்றோர்கள் யூத வழக்கப்படி பஸ்கா பண்டிகைக்காக பன்னிரண்டாம் வயதில் சிறுவனாக இருந்த இயேசுவுடன் எருசலேமுக்குச் சென்றனர். இருப்பினும், பண்டிகையின் போது அவர்கள் கூட்டத்தில் தங்கள் மகனை இழந்து மிகவும் கவலையும் பீதியும் அடைந்தனர்.கடைசியாக 3 நாட்களின் தீவிர தேடுதலுக்குப் பிறகு ஆலயத்தில் அவரைக் கண்டுபிடித்து, அவரிடம் தங்கள் பதட்டத்தை வெளிப்படுத்தினர் (வசனம் 46,48).
சிறுவனாகிய இயேசுவின் பதில் முற்றிலும் அற்புதமாக இருந்தது, அது என்னையும் உங்களையும் உண்மையாக சிந்திக்க வைக்க வேண்டும், அவருடைய பெற்றோருக்குக்கூட அவர் என்ன சொன்னார் என்று புரியவில்லை (வசனம் 50).
பரலோகத்திலுள்ள என் பிதாவின் பிரியமானவர்களே, இயேசுவின் பிறப்பிலிருந்து ஒரு புத்தம் புதிய காலகட்டம் தொடங்கிவிட்டது என்பதை புரிந்துகொள்வோம்.
இது கிருபை மற்றும் சத்தியத்தின் காலம் என்று அழைக்கப்படுகிறது – நாம் தற்போது இருக்கும் காலகட்டம் தான் அது.
இது பிதா, உண்மையாக ஆராதிப்பவர்களை தேடும் காலம், (யோவான் 4:23),
தேவனின் குமாரன் தொலைந்து போனவர்களைத் தேடிக் காப்பாற்றும் காலம் (லூக்கா 19:10),
“அப்பா பிதாவே” (கலாத்தியர் 4:6) என்று கூப்பிட்டு, அவருடைய குமாரனின் ஆவி நம் இருதயங்களுக்குள் அனுப்பப்படும்படி, பரிசுத்த ஆவியானவர் நம் இருதயத்தைத் தேடும் காலம்.
திரித்துவம் தனித்தனியாக உங்களைத் தேடும் போது, நீங்கள் இன்னும் எதைத் தேடுகிறீர்கள்?! சிந்திப்போமாக!
இயேசுவால் அறிமுகப்படுத்தப்பட்ட இந்த கிருபையும் சத்தியமும், அளவிட முடியாத ஒரு பெரிய ஆசீர்வாதமாகும். அது நீங்கள் “அப்பா பிதா” என்று உரிமையோடு கூப்பிட வழி வகுக்கிறது.
அப்பா பிதா என்று நாம் கூப்பிடும்போது, நம் தேவைகள் எதையும் ஆர்வத்துடன் அல்லது தீவிரமாக தேட வேண்டிய அவசியமே இல்லை, ஏனென்றால் “அப்பா!” என்று நாம் கூப்பிடும்போது அவருடைய பதில் உடனடியாகவும் எதிர்பார்ப்பதை விட அப்பாற்பட்டதாகவும் இருக்கும். ஆமென்🙏
மகிமையின் பிதாவை அறிவது,அவரை”அப்பா பிதா!” என்று அழைப்பதற்கான புத்தம் புதிய வழியை
திறக்கிறது.
நீங்கள் கிறிஸ்து இயேசுவில் தேவனுடைய நீதி!
கிருபை (பு) நற்செய்தி பேராலயம்!
