13-04-23
இன்றைய  நாளுக்கான  கிருபை !

ஜீவ அப்பமாகிய இயேசுவைப் நோக்கிப் பாருங்கள், உங்கள் அனுக்கிரகக் காலத்தை இப்போதே அனுபவியுங்கள் !

1. தேவனுடைய கிருபையை நீங்கள் விருதாவாய்ப் பெறாதபடிக்கு, உடன்வேலையாட்களாகிய நாங்கள் உங்களுக்குப் புத்திசொல்லுகிறோம்.
2. அநுக்கிரக காலத்திலே நான் உனக்குச் செவிகொடுத்து, இரட்சணியநாளிலே உனக்கு உதவிசெய்தேன் என்று சொல்லியிருக்கிறாரே; இதோ, இப்பொழுதே அநுக்கிரககாலம், இப்பொழுதே இரட்சணிய நாள்.
II கொரிந்தியர் 6:1-2 (NKJV)

நாம் இனி தேவனிடமிருந்து எதையும் பெற காத்திருக்கவில்லை. மாறாக ,கடவுள் ஏற்கனவே எல்லாவற்றையும் வழங்கியுள்ளார் என்று விசுவாசத்தோடு பெற்றுக்கொள்கிறோம் . நம்முடைய பாவத்திற்காக அவர் பாவமாக மாறினார் அப்படியே அவருடைய நீதியால் நாம் நீதிமான்களாக்கப்பட்டோம் இது இன்றைய வேத பகுதிக்கு முந்தைய வசனத்தில் கூறப்பட்டிருக்கிறது .

கடவுள் ஏற்கனவே நம்மை நீதிமான்களாக ஆக்கிவிட்டார் என்பதை நாம் புரிந்துகொண்டு, அவர் நம்முடைய நீதி என்று ஒப்புக்கொள்ளும்போது, ​​அவருடைய தயவை நாம் பெற்றுக்கொள்கிறோம் மற்றும் அனுக்கிரக காலத்தில் இப்போதே (NOW ) அடையாளங்களையும், அற்புதங்களையும் அனுபவிக்கிறோம் .

ஏசாயா 49:8 வசனத்தில் வாக்குறுதியயாக கூறப்பட்டது நிறைவேறும் நாள் இப்போதே(NOW) என்று அப்போஸ்தலனாகிய பவுல் மேற்கோள் காட்டுகிறார் .ஆம் என் அன்பனவர்களே, உங்கள் ஆசீர்வாதம் இன்று! உங்கள் அதிசயம் இப்போதே (NOW ) !

இயேசுவே உங்கள் நீதி என்றும் அவர் மரித்தோரிலிருந்து உயிர்த்தெழுந்தார் என்று விசுவாசித்து அறிக்கை செய்யுங்கள். உங்கள் அதிசயத்தைப் பெற உங்கள் மனதை ஒருங்கிணைத்து எதிர்ப்பாகும்போது இப்போதே (NOW ) தேவ கிருபை உங்கள் வாழ்வில் நிஜமாகிறது . அல்லேலூயா !!!ஆமென் 🙏

ஜீவ அப்பமாகிய இயேசுவைப் நோக்கிப் பாருங்கள்,உங்கள் அனுக்கிரகக் காலத்தை இப்போதே அனுபவியுங்கள்!

கிருபை  புரட்சி நற்செய்தி தேவாலயம்.

12-04-23
இன்றைய  நாளுக்கான  கிருபை !

ஜீவ அப்பமாகிய இயேசுவைப் நோக்கிப் பாருங்கள்,அவருடைய உயிர்த்தெழுதலின் வல்லமையை அனுபவியுங்கள் !

இப்பொழுது நீ தாமதிக்கிறதென்ன? நீ எழுந்து கர்த்தருடைய நாமத்தைத் தொழுதுகொண்டு, ஞானஸ்நானம்பெற்று, உன் பாவங்கள் போகக் கழுவப்படு என்றான்.அப்போஸ்தலர் 22:16 (NKJV)

பவுல் என்று அழைக்கப்பட்ட சவுலுக்கு அனனியா சொன்ன வார்த்தைகள் இவை. பவுலின் உண்மையான மனமாற்றத்தைப் பார்த்த அனனியா,பவுல் உடனடியாக ஞானஸ்நானம் பெறுவதற்குத் தன் அவசரத்தைக் காட்டினார்.

மேலும், கர்த்தராகிய இயேசு ஏற்கனவே உங்கள் பாவங்களைத் தம்மீது ஏற்றுக்கொண்டார் என்பதை நீங்கள் அறிந்தால், நீங்கள் முழுமையாக மன்னிக்கப்பட்டு, என்றென்றும் நீதிமான்களாக்கப்பட்டீர்கள்,ஆகவே இப்போது (NOW )உங்கள் வாழ்க்கையில் கடவுளின் ஒவ்வொரு ஆசீர்வாதத்திற்கும் நீங்கள் தகுதியுடையவர்கள் என்பதை அறிவீர்கள் . வேதத்தில் எழுதப்பட்டுள்ளபடி “ *தேவனுடைய ஆசீர்வாதம் நீதிமான்களின் தலையின்மேல் தங்கியிருக்கும் ” (நீதிமொழிகள் 11:26).

இன்று கடவுளின் ஆசீர்வாதங்களை அனுபவிப்பதிலிருந்து நம்மைத் தடுப்பது “பாவ உணர்வு” ,மற்றும் ” நம் செயல்திறனை நம்பும் மனப்பான்மை” ஆகும், எனவே நாம் “தேவ குமாரன் உணர்வு (son conscious )”ஆக இருக்க வேண்டும்,அவர் ஏற்கனவே நம் வாழ்க்கைக்குத் தேவையான மற்றும் தெய்வீகத்தைப் பற்றிய அனைத்தையும் வழங்கியிருக்கிறார் (2 பேதுரு 1:3). ஆகையால் ,இப்போது (NOW ) ஒவ்வொரு ஆசீர்வாதத்தாலும் நாம் ஆசீர்வதிக்கப்படுவதைத் தடுக்க எதுவும் இல்லை! அல்லேலூயா !

என் பிரியமானவர்களே, இயேசு ஏற்கனவே உங்களுக்காக இதைச் செய்திருக்கிறார் என்று தெரிந்தும் நீங்கள் இன்னும் என்ன நடக்கவேண்டும் என்று காத்திருக்கிறீர்கள்? உங்கள் இயற்கையான கண்கள் அவற்றைப் பார்க்காவிட்டாலும், உங்கள் இயற்கை புலன்கள் உணராவிட்டாலும், இந்த உண்மையை ஆவியானவரின் உதவியுடன் உணர்ந்துகொள்ளும்போது , ஒவ்வொரு ஆசீர்வாதத்திற்காகவும் கர்த்தருக்கு நன்றி செலுத்தும் இதயப்பூர்வமான நன்றியை நிச்சயமாக ஏற்படுத்தும்.

கிறிஸ்து இயேசுவில் நீங்கள் கடவுளின் நீதி என்பதை அறிக்கை செய்யத் தொடங்குங்கள்.இந்த உலகில் கடவுளின் அற்புதத்தை வெளிப்படுத்தும் பரிசுத்த ஆவியின் உயிர்த்தெழுதல் வல்லமையை அனுபவியுங்கள்.ஆமென் 🙏

ஜீவ அப்பமாகிய இயேசுவைப் நோக்கிப் பாருங்கள்,அவருடைய உயிர்த்தெழுதலின் வல்லமையை அனுபவியுங்கள்!

கிருபை  புரட்சி நற்செய்தி தேவாலயம்.

11-04-23
இன்றைய  நாளுக்கான  கிருபை !

ஜீவ அப்பமாகிய இயேசுவைப் நோக்கிப் பாருங்கள்,அவருடைய உயிர்த்தெழுதலின் வல்லமையை அனுபவியுங்கள்!

தேவன் நம்முடைய பிதாக்களுக்கு அருளிச்செய்த வாக்குத்தத்தம் நிறைவேறுமென்கிற நம்பிக்கைக்காகவே நான் இப்பொழுது நியாயத்தீர்ப்படைகிறவனாய் நிற்கிறேன்.
இரவும் பகலும் இடைவிடாமல் ஆராதனை செய்துவருகிற நம்முடைய பன்னிரண்டு கோத்திரத்தாரும் அந்த வாக்குத்தத்தம் நிறைவேறுமென்று நம்பியிருக்கிறார்கள். அகிரிப்பா ராஜாவே, அந்த நம்பிக்கையினிமித்தமே யூதர்கள் என்மேல் குற்றஞ்சாட்டுகிறார்கள்.
தேவன் மரித்தோரை எழுப்புகிறது நம்பப்படாத காரியமென்று நீங்கள் எண்ணுகிறதென்ன?(அப்போஸ்தலர் 26:6-8) NKJV.

இறப்பவர்கள் மரித்தோரிலிருந்து எழுப்பப்படும் ஒரு காலம் வரும் என்று இஸ்ரவேலின் முன்னோர்களும் அவர்கள் பிள்ளைகளும் கடவுளிடமிருந்து வாக்குறுதியைப் பெற்றனர்.

இயேசு கிறிஸ்துவை மரித்தோரிலிருந்து எழுப்பியதன் மூலம் கடவுள் இந்த வாக்குறுதியை நிறைவேற்றினார்,ஆண்டவராகிய இயேசு இனி ஒருபோதும் இறக்கமாட்டார்.உலக வரலாற்றில் மரித்தோரிலிருந்து முதலில் உயிர்த்தெழுப்பப்பட்டவர் அவர் தான் .ஆனால் யூதர்கள் எதிர்கொண்ட பிரச்சனை என்னவென்றால், இயேசுவை மரித்தோரிலிருந்து எழுப்பியதன் மூலம் கடவுள் தம்முடைய வாக்குறுதியை நிறைவேற்றினார் என்பதை அவர்கள் ஏற்றுக்கொண்டால், அவர்கள் இயேசுவைக் கொன்ற குற்றவாளியாக குற்ற உணர்வோடு காட்சியளிப்பார்கள். எனவே, இந்த உயிர்த்தெழுதலின் நற்செய்தியைப் பிரசங்கித்த அப்போஸ்தலன் பவுல் உட்பட இயேசுவை விசுவாசித்த யூதர்களை துன்புறுத்தினார்கள் .

என் அன்பானவர்களே, நற்செய்தி என்னவென்றால், இயேசு மரித்தோரிலிருந்து உயிர்த்தெழுந்ததால், எல்லா ஆசீர்வாதங்களும் முறையாக என்னுடையவை மற்றும் “இப்போது “(NOW ) அவைகள் நிறைவேற வேண்டும். நான் நாளைக்காகவோ அல்லது எதிர்காலத்தில் சில நாட்களுக்காகவோ காத்திருக்க வேண்டியதில்லை. இது யூத விசுவாசிகளால் மிகத் தெளிவாகப் புரிந்து கொள்ளப்பட்டது. ஆனால் புறஜாதி விசுவாசிகளான நமக்கு, பரிசுத்த ஆவியின் மூலமாக மட்டுமே தெளிவாக புரிந்துகொள்ள முடியும் .
நாம் பாவம் செய்ததால் கிறிஸ்து மரித்தது போல், நாம் நீதிமான்களாக்கப்பட்டதால் கிறிஸ்து மரித்தோரிலிருந்து உயிர்த்தெழுந்தார் . இதை நாம் விசுவாசித்து, நான் கிறிஸ்து இயேசுவுக்குள் தேவனுடைய நீதி என்று ஒப்புக்கொண்டு அறிக்கையிடும்பொழுது அவருடைய ,உயிர்த்தெழுதலின் வல்லமையை அனுபவிக்கிறேன், அது உடனடியாக என்னை உயிர்ப்பிக்கிறது.
இது
ரோமர் 4:25 இன் உண்மையான விளக்கம்.

 உயிர்த்தெழுதல் என்பது இப்போது என் வாழ்வில் அவரது அற்புதத்தை அனுபவிக்க செய்யும் சகாப்தம்!  ஆமென் 🙏

ஜீவ அப்பமாகிய இயேசுவைப் நோக்கிப் பாருங்கள்,அவருடைய உயிர்த்தெழுதலின் வல்லமையை அனுபவியுங்கள்!

கிருபை  புரட்சி நற்செய்தி தேவாலயம்

07-04-23
இன்றைய  நாளுக்கான  கிருபை !

ஜீவ அப்பமாகிய இயேசுவைப் நோக்கிப் பாருங்கள்,அவருடைய அளவிட முடியாத அன்பின் ஆழத்தை அனுபவியுங்கள் !

நாமோ நியாயப்படி தண்டிக்கப்படுகிறோம்; நாம் நடப்பித்தவைகளுக்குத்தக்க பலனை அடைகிறோம்; இவரோ தகாததொன்றையும் நடப்பிக்கவில்லையே என்று அவனைக் கடிந்துகொண்டு,
42. இயேசுவை நோக்கி: ஆண்டவரே, நீர் உம்முடைய ராஜ்யத்தில் வரும்போது அடியேனை நினைத்தருளும் என்றான்.
43. இயேசு அவனை நோக்கி: இன்றைக்கு நீ என்னுடனேகூடப் பரதீசிலிருப்பாய் என்று மெய்யாகவே உனக்குச் சொல்லுகிறேன் என்றார்.(லூக்கா 23:41-43) NKJV

 

ஆசீர்வதிக்கப்பட்ட புனித வெள்ளி வாழ்த்துக்கள் என் அன்பு நண்பர்களே !
இந்தப் வேதாகமத்தின் பகுதியை நான் ஒவ்வொரு முறையும் கடந்து செல்லும்போது, ​​அவருடைய அன்பைக் கண்டு வியந்து என் கண்களில் கண்ணீர் வழிகிறது!

இந்த குற்றவாளி,தனக்கு தகுதியான தண்டனையை அனுபவித்தார் , ஏனென்றால் அவரே ஒப்புக்கொள்கிறார், தன் செயல்களுக்கு ஏற்ற தண்டனையை தான் பெற்றதாக .
ஆனால், தேவனுடைய ராஜ்யத்தின் நீதி மன்றத்தில், மரணத்தின் நிலையிலும் இரக்கம் எப்போதும் இருக்கிறது,ஏனெனில் அந்த குற்றவாளி சிலுவையில் மரிக்கும்போது இயேசுவிடம் இப்படியாக விசுவாசமாய் ஜெபிக்கிறார்: “ஆண்டவரே, நீர் உமது ராஜ்யத்திற்கு வரும்போது என்னை நினைவுகூரும். ”.

இந்த குற்றவாளியில் பாராட்டப்படதக்க விசுவாசத்தை நாம் காண்கிறோம். இவருடைய இந்த விசுவாசம் எங்கிருந்து வந்தது என்று நீங்கள் ஆச்சரியப்படலாம்.
காரணம் , இயேசு பூமியில் மனிதனாக வாழ்ந்த காலத்தில் கடவுளின் வல்லமை நிறைந்தவராக பல அற்புதங்கள் வெளிப்படுத்திய நேரத்தில் அந்த குற்றவாளிஅவரை காணவில்லை , இயேசு தனது சிம்மாசனத்தில் அமர்ந்திருக்கும் நேரத்திலும் அவரைக் காணவில்லை . மாறாக கோர சிலுவையில் தன்னைப்போல தொங்கிக்கொண்டிருந்த நிலையில் எந்த குற்றமும் இல்லாத அவர் தண்டிக்கப்பட்டார் என்று கண்டு விசுவாசித்தான்.இது உண்மையிலேயே ஒரு அற்புதமான விசுவாசம் .

என் அன்பானவர்களே , ஒன்றை நினைவில் வையுங்கள்:
புனித வெள்ளி என்பது கடவுளின் அன்பின் ஆழத்தின் செய்தியாகும், இது மனிதகுலத்தின் மிகக் கீழ் நிலைக்குத் தள்ளப்பட்டவரையும் காப்பாற்றுகிறது, ஏனெனில் அவரது அன்பு மனிதனின் துரோகத்தை விட ஆழமானது.அல்லேலூயா !
அவருடைய அளவிட முடியாத இந்த பெரிய அன்பின் ஆழத்தைப் பெறுவதற்கு உங்களிடமிருந்து “இயேசு” என்ற அற்புத நாமத்தை அறிக்கை செய்வதே போதுமானது . ஆமென் 🙏

ஜீவ அப்பமாகிய இயேசுவைப் நோக்கிப் பாருங்கள்,அவருடைய அளவிட முடியாத அன்பின் ஆழத்தை அனுபவியுங்கள்!

கிருபை  புரட்சி நற்செய்தி தேவாலயம்

06-04-23

இன்றைய  நாளுக்கான  கிருபை !

 

 ஜீவ அப்பமாகிய இயேசுவைப் நோக்கிப் பாருங்கள்,அவருடைய வாழ்க்கையை உங்களில் அனுபவியுங்கள் !

 

இஸ்ரவேல் புத்திரர் அதைக் கண்டு, அது இன்னது என்று அறியாதிருந்து, ஒருவரை ஒருவர் பார்த்து, இது என்ன என்றார்கள்; அப்பொழுது மோசே அவர்களை நோக்கி: இது கர்த்தர் உங்களுக்குப் புசிக்கக்கொடுத்த அப்பம்.

யாத்திராகமம் 16:15 NKJV.

வானத்திலிருந்திறங்கின அப்பம் இதுவே; இது உங்கள் பிதாக்கள் புசித்த மன்னாவைப் போலல்ல, அவர்கள் மரித்தார்களே; இந்த அப்பத்தைப் புசிக்கிறவனோ என்றென்றைக்கும் பிழைப்பான் என்றார்.(யோவான்

6:58 NKJV)

 

இஸ்ரவேல் புத்திரர் வனாந்தரத்தில் பயணம் செய்தபோது,தேவன் தினமும் வானத்திலிருந்து அப்பத்தை அனுப்பி அவர்களுக்கு உணவளித்தார்.

 

இஸ்ரவேல் மக்கள் எதிர்பார்த்த அப்பம் கடவுள் வழங்கியதிலிருந்து வேறுபட்டதாக இருந்தது . அவர்கள் மோசேயிடம்,“என்ன அது” என்று கேட்டார்கள். “என்ன” என்பது எபிரேய மொழியில் “மன்னா” என்று பொருள் படும். கடவுள் அப்பம் என்று அழைத்தார்,இஸ்ரவேல் மக்கள் ‘மன்னா'( WHAT -என்ன ) என்று அழைத்தார்கள் . அப்போதிருந்தே ,அவர்களால் அதை பரத்திலிருந்து வரும் அப்பமாக ஏற்றுக்கொள்ள முடியவில்லை.

இந்தக் கருத்து வேறுபாடு தான் பாலும் தேனும் ஓடும் தேசத்தை,கடவுள் ஏற்படுத்திய ஆசீர்வாதமான எதிர்காலத்தை இஸ்ரவேல் புத்திரர் இழக்கச் செய்தது மட்டுமல்லாமல், அவர்கள் வனாந்தரத்தில் இறந்தும் போனார்கள் .

 

என் அன்பானவர்களே , இயேசு கிறிஸ்து பரலோகத்திலிருந்து அனுப்பப்பட்ட ஜீவ அப்பம். இந்த ஜீவ அப்பத்தை விசுவாசத்தினால் உண்பவன் சாகமாட்டான். (ஏனெனில், சுவிசேஷம் அவர்களுக்கு அறிவிக்கப்பட்டதுபோல நமக்கும் அறிவிக்கப்பட்டது; கேட்டவர்கள் விசுவாசமில்லாமல் கேட்டபடியினால், அவர்கள் கேட்ட வசனம் அவர்களுக்குப் பிரயோஜனப்படவில்லை.- எபிரெயர் 4:2 )ஆமென் 🙏.

 

ஜீவ அப்பமாகிய இயேசுவைப் நோக்கிப் பாருங்கள்,அவருடைய வாழ்க்கையை உங்களில் அனுபவியுங்கள் !

 

கிருபை  புரட்சி நற்செய்தி தேவாலயம்.

05-04-23
இன்றைய  நாளுக்கான  கிருபை !

ஜீவ அப்பமாகிய இயேசுவைப் நோக்கிப் பாருங்கள்,அவருடைய முடிவில்லா வாழ்க்கையை அனுபவியுங்கள் !

நானே வானத்திலிருந்திறங்கின ஜீவ அப்பம்; இந்த அப்பத்தைப் புசிக்கிறவன் என்றென்றைக்கும் பிழைப்பான்; நான் கொடுக்கும் அப்பம் உலகத்தின் ஜீவனுக்காக நான் கொடுக்கும் என் மாம்சமே என்றார்.
ஜான் 6:51 NKJV.

மேற்கண்ட வசனத்தின் பொருள் என்னவென்றால் ,நமக்கு கொடுக்க ஆண்டவராகிய இயேசுவிடம் அப்பம் இருக்கிறது என்பதல்ல,மாறாக அவரே பரலோகத்திலிருந்து வந்த அப்பமாக இருக்கிறார். பழம் தாவரத்தின் உண்ணும் பகுதியாக இருப்பது போலவே, இயேசுவும்,எல்லையற்ற கடவுளை நாம் புரிந்து கொள்ளும் பகுதியாக இருக்கிறார்.அல்லேலூயா!

இயேசுஆதியில் இருந்த வார்த்தையாக அவதாரமாகி பூமிக்கு வந்தார் .பரிசுத்த ஆவியானவர் அந்த வார்த்தையை மனித வடிவமாக மாற்றியது போல் (வார்த்தை மாம்சமாக மாறியது), நாம் இராப்போஜனத்தில் பங்கு கொள்ளும் போது அந்த அப்பமானது ,கடவுளின் தீராத ஆற்றல் மூலமாக அனைத்து இயற்கை விதிகளையும் மீறி மனிதனை நித்திய ஜீவனாக மாற்றுகிறது .  இப்படித்தான் ஆசீர்வதிக்கப்பட்ட பரிசுத்த ஆவியானவர் வெறும் தண்ணீரை மனிதகுலம் இதுவரை ருசித்திராத, உடனடி( instantaneous) அற்புதமான, இனிமையான திராட்சரசமாக மாற்றினார்.

என் அன்பானவர்களே , இராப்போஜனத்தில் பங்கு பெரும்போது இயேசுவில் பங்குகொண்டு , அவருடைய முடிவில்லா வாழ்க்கையை அனுபவியுங்கள் .  அது ஒரு ரொட்டித் துண்டாகத் தோன்றினாலும்,அவரில் பங்கு கொள்ளும்போது சர்வவல்லமையுள்ள தேவனுடைய மகாவல்லமையை உங்களில் செயலாற்றி உங்களை மிக உயர்ந்த நிலைக்கு உயர்த்தும் .! ஆமென் 🙏

ஜீவ அப்பமாகிய இயேசுவைப் நோக்கிப் பாருங்கள்,அவருடைய முடிவில்லா வாழ்க்கையை அனுபவியுங்கள் !

கிருபை  புரட்சி நற்செய்தி தேவாலயம்.

04-04-23
இன்றைய  நாளுக்கான  கிருபை !

ஜீவ அப்பமாகிய இயேசுவைப் நோக்கிப் பாருங்கள்,உங்கள் மன விருப்பங்கள் நிறைவேறியதை அனுபவியுங்கள் !

26. இயேசு அவர்களுக்குப் பிரதியுத்தரமாக: நீங்கள் அற்புதங்களைக் கண்டதினால் அல்ல, நீங்கள் அப்பம் புசித்துத் திருப்தியானதினாலேயே என்னைத் தேடுகிறீர்கள் என்று மெய்யாகவே மெய்யாகவே உங்களுக்குச் சொல்லுகிறேன்.
27. அழிந்துபோகிற போஜனத்திற்காக அல்ல, நித்தியஜீவன்வரைக்கும் நிலைநிற்கிற போஜனத்திற்காகவே கிரியை நடப்பியுங்கள்; அதை மனுஷகுமாரன் உங்களுக்குக் கொடுப்பார் ; அவரைப் பிதாவாகிய தேவன் முத்திரித்திருக்கிறார் என்றார்.ஜான் 6:26-27 NKJV.

வாழ்க்கையில் உங்கள் முதன்மையான முன்னுரிமை என்ன? ஏனென்றால், உங்கள் வாழ்க்கையில் நீங்கள் எடுக்கும் அனைத்து முயற்சிகளும் இந்த பூமியில் நீங்கள் எதைச் சாதிக்க வேண்டும் என்று நினைக்கிறீர்களோ அதைத் தேடுவதில் முழுமையாக இயக்கப்படுகின்றன.

நான் இளங்கலைப் பட்டப்படிப்பை முடித்தபோது, ​​பட்டயக் கணக்காளர் (CA)ஆக வேண்டும் என்பது என் ஆசை. எனது முழு ஆற்றலையும் நேரத்தையும் அந்த முயற்சியில் செலவழித்தேன், இது எனக்கு மிகவும் இலாபகரமான மற்றும் ஆசீர்வாதமான எதிர்காலத்தைத் தரும் என்று நான் நம்பினேன். பரீட்சை நெருங்கியதும், ஒரு நாளைக்கு குறைந்தது 12-14 மணி நேரமாவது படிப்பில் செலவிடுவேன். நான் எல்லா நொறுக்குத் தீனிகளையும் குறைத்தேன், மேலும் பல விருப்பமான உணவுகளையும் தவிர்த்தேன், அதனால் எனது படிப்பில் கவனம் செலுத்த மிகவும் எச்சரிக்கையாக இருக்க முடியும்.வெற்றிகரமான பட்டயக் கணக்காளராக ஆவதே எனது ஒரே கவனம் மற்றும் ஆர்வமாக இருந்தது.
ஆண்டவருடைய கிருபையால் நான் பட்டயக் கணக்காளர்(CA) ஆனேன்.ஆனால் நான் பெற்ற அனுபவத்தில் சொல்ல வரும் கருத்து என்னவென்றால், எனது முயற்சிகள் எனது இலக்கை அடைய எனக்கு உதவியிருந்தாலும்,அந்த முயற்சிகள் மற்றும் அர்ப்பணிப்பு அனைத்தும் எந்த வகையிலும் என்னை கிறிஸ்துவில் உள்ள நித்திய ஜீவனுக்கு அழைத்துச் செல்லும் வழியாக அது இல்லை!

இன்று கர்த்தராகிய இயேசு நீங்கள் உங்கள் இலக்குகளைத் தொடரத் தேவையில்லை என்று சொல்லவில்லை, ஆனால் பரிசுத்த வேதாகமத்தில் கடவுளுடைய வார்த்தையில் வெளிப்படுத்தப்பட்ட இயேசுவை அறிந்துகொள்வதே வாழ்க்கையில் உங்கள் முதன்மையானதாக இருக்கட்டும் என்று கருணையோடு கூறுகிறார் .நீங்கள் அவரைத் தேடும்போது, ​​நிச்சயமாக வாழ்வும் அதன் மகிமையும் உங்களைத் தேடி வரும் . அவரை அறிவதே நித்திய ஜீவன்! அல்லேலூயா !

நான் இயேசுவை என் ஆண்டவராகவும் இரட்சகராகவும் ஏற்றுக்கொண்ட நேரத்தில் , ​​நான் வழிபடும் தேவாலயத்திற்கு ஒரு போதகர் வந்து , “நீ எங்கு சென்றாலும் பரிசுத்த வேதாகமத்தை உன்னோடு எடுத்துச் செல்,பரிசுத்த வேதாகமானது உன்னை உலகம் முழுவதும் கொண்டு செல்லும்” என்று என்னிடம் சவால் விடுத்தார்._அது ஒரு உண்மையான சவால் என்பதற்கு சாட்சியாக நான் இன்று நிற்கிறேன். நான் இரவும் பகலும் வேதாகமத்தை வாசிப்பதற்கு என்னை ஒப்புக் கொடுத்தேன், “இது போதும் ஆண்டவரே” என்று நான் சொல்லும் வரை, குறுகிய காலத்தில் 30 நாடுகளுக்கு மேல் அவருடைய ஊழியத்திற்காக கர்த்தர் என்னை அழைத்துச் சென்றார்.

என் பிரியமானவர்களே , பரிசுத்த வேதாகமத்தில் வெளிப்படுத்தப்பட்ட இயேசுவை அறிய உங்களை நீங்கள் ஒப்புக்கொடுங்கள் .அதுவே கர்த்தரை மகிழ்விக்கும் உழைப்பு, உண்மையிலேயே அவர் உங்கள் இதயத்தின் அனைத்து விருப்பங்களையும் நிறைவேற்றுவார்! ஆமென் 🙏

ஜீவ அப்பமாகிய இயேசுவைப் நோக்கிப் பாருங்கள்,உங்கள் மன விருப்பங்கள் நிறைவேறியதை அனுபவியுங்கள்!

கிருபை  புரட்சி நற்செய்தி தேவாலயம்.

03-04-23
இன்றைய  நாளுக்கான  கிருபை !

ஜீவ அப்பமாகிய இயேசுவைப் நோக்கிப் பாருங்கள்,இப்புவியில் நித்திய வாழ்க்கையை அனுபவியுங்கள் !

ஜீவ அப்பம் நானே.

இதிலே புசிக்கிறவன் மரியாமலிருக்கும்படி வானத்திலிருந்திறங்கின அப்பம் இதுவே.(ஜான் 6:48, 50) NKJV

பிதாவாகிய தேவன் தடைசெய்யத பழத்தை ஆதாமும்,ஏவாளும் உண்டதால்,முழு மனித இனத்திற்கும் மரணம் தவிர்க்க முடியாததாயிற்று . அதுபோலவே ஜீவ அப்பத்தை உண்பதால், முழு மனித இனத்திற்கும் நித்திய ஜீவன் உண்டாகிறது .

ஏதெனில் தடைசெய்யப்பட்ட பழத்தை உண்டதால் மனிதன் வெறும் மனிதனாக மாறினான்.மற்றும் தெய்வீக சக்தியை இழக்கவேண்டியதாயிற்று இருப்பினும், இன்று இறைவனின் இராப்போஜனத்தில் பங்கேற்பதன் மூலம்.நாம் மீண்டும் இறைவனுடன் ஒன்றி உறவாடி இவ்வுலகில் நித்திய வாசியாக மாறி வெற்றி வாழ்க்கை வாழச்செய்கிறது . அல்லேலூயா!

கர்த்தராகிய இயேசுவின் அன்பானவர்களே,இந்த வாரம் தொடங்கும் போது, ​​அவருடைய இராப்போஜனத்தில் பங்குகொள்ள நம்மை அர்ப்பணிப்போம், நாம் தினமும் இருமுறை. இராப்போஜனத்தில்பங்குப்பெற உங்களை அன்புடன் அழைக்கிறேன். இதன் மூலம் கடவுளின் உண்மையான வாழ்க்கையை அனுபவிப்போம். அவர் தம் வார்த்தைக்கு உண்மையுள்ளவர்,ஆகையால் மேற்கூறப்பட்ட வசனத்தின்படி, அவரில் பங்கு கொண்டு நாம் இந்த பூமியில் மரிக்காமல் வாழ்ந்திருப்போம் .

அவருடைய இராப்போஜனத்தில் பங்கேற்பதன் மூலம், இயேசு உங்கள் மரணத்தை தான் ஏற்று மரித்தார் என்றும் நீங்கள் அவருடைய வாழ்க்கையை வாழ்கிறீர்கள் என்றும் அறிவிக்கிறீர்கள்.
மேலும் ,அவருடைய இராப்போஜனத்தில் பங்கேற்பதன் மூலம், அவர் உங்கள் எல்லா நோய்களையும், பாடுகளையும் எடுத்துக்கொண்டார்,ஆகவே அவருடைய தெய்வீக ஆரோக்கியத்தில் நடக்கிறீர்கள் என்றும் அறிவிக்கிறீர்கள். இந்த இராப்போஜனத்தில் பங்கேற்பதன் மூலம், அவர் உங்கள் எல்லா பாவங்களையும் ,சாபங்களையும் கூட சுமந்தார் என்று அறிவிக்கிறீர்கள், எனவே நீங்கள் இப்போது அவருடைய ஆசீர்வாதத்தில் நடக்கிறீர்கள் .அல்லேலுயா ! ஆமென் 🙏

ஜீவ அப்பமாகிய இயேசுவைப் நோக்கிப் பாருங்கள்,இப்புவியில் நித்திய வாழ்க்கையை அனுபவியுங்கள்!

கிருபை  புரட்சி நற்செய்தி தேவாலயம்