15-05-24
இன்றைய நாளுக்கான  கிருபை!

மகிமையின் ராஜாவாகிய இயேசுவைச் சந்தித்து,எழும்பிப் பிரகாசியுங்கள்!

1. எழும்பிப் பிரகாசி; உன் ஒளிவந்தது, கர்த்தருடைய மகிமை உன்மேல் உதித்தது.
2. இதோ, இருள் பூமியையும், காரிருள் ஜனங்களையும் மூடும்; ஆனாலும் உன்மேல் கர்த்தர் உதிப்பார்; அவருடைய மகிமை உன்மேல் காணப்படும். ஏசாயா 60:1,2NKJV

தேவனின் மகிமை உங்கள் மீது உதித்தது என்பது அவருடைய வெளிப்பாட்டின் பிரகாசத்தை குறிக்கிறது.

இயேசுவே உலகத்தின் ஒளி!அவர் தேவனின் மகிமையின் பிரகாசமாகவும்,சர்வவல்லமையுள்ள கடவுளின் வெளிப்படையான உருவமாகவும் இருக்கிறார்.அவர் தான் மனிதகுலத்திற்கு கடவுளின் இறுதி வெளிப்பாடு. (எபிரேயர் 1:3) இயேசுவே உங்கள் ஒவ்வொரு தேவைக்கும் பதில், அதாவது தேவனின் வெளிப்படுத்தப்பட்ட வார்த்தை. தேவனுடைய வாயிலிருந்து வரும் வார்த்தை – (RHEMA WORD) உங்களை எழும்பி பிரகாசிக்கச் செய்கிறது.அதுவே விசுவாசம் கேள்வியினாலே வரும், கேள்வி தேவனுடைய வசனத்தினாலே வரும்.(ரோமர் 10:17)என்று எழுதப்பட்டுள்ளது. ஆம், கிறிஸ்துவின் ஒரு வார்த்தை உங்கள் எல்லா பிரச்சனைகளையும் முதலும்,கடைசியுமாய் முடிவுக்கு கொண்டுவரும்.

அவருடைய வார்த்தை வரும்போது,தேவனுடைய மகிமை வெளிப்படும்.இதை வேறு வார்த்தைகளில் கூறுவதானால்,மகிமை என்பது தேவனின் வெளிப்படுதல்!தேவன் எல்லா இடங்களிலும் இருக்கிறார். மக்களால் உணர முடியாவிட்டாலும்,பார்க்க முடியாவிட்டாலும் அவர் எங்கும் நிறைந்தவர். இருப்பினும், இயேசுவானவர் வெளிப்படும்போது நம் புலன்கள் உணரும்படி வெளிப்படுவார் அதுவே மகிமை!.
இது நடக்க,முதலில் தேவநீதி வெளிப்பட வேண்டும். அதுவே சங்கீதம் 85:13ல்“ நீதி அவருக்கு முன்னாகச் சென்று, அவருடைய அடிச்சுவடுகளின் வழியிலே நம்மை நிறுத்தும் என்று கூறப்பட்டுள்ளது .
அவருடைய நீதி முன்னே போவதாக எழுதப்பட்டுள்ளது: ஆம்,அது மகிமைக்கு முன் செல்கிறது,பிறகு எல்லா மக்களும் பார்த்து விசுவாசிக்கும்படியாக தேவனுடைய மகிமை அவருடைய நீதிக்குப் பின் வெளிப்படுகிறது.

என் அன்பானவர்களே, இந்த நாளில் அவருடைய மகிமை உங்கள் மீது காணப்படும்,அது அனைவருக்கும் தெரியும் மற்றும் அனைவரையும் ஆச்சரியப்படுத்தும். ஆமென் 🙏
அவருடைய நீதியைத் தேடுங்கள்,அப்பொழுது மற்றவைகள் எல்லாமே உங்களைத் தேடி வரும்! இயேசுவின் கீழ்ப்படிதல்தான் உங்கள் வாழ்வில் அவருடைய எல்லா ஆசீர்வாதங்களையும் என்றென்றும் முத்திரையிட்டது. இயேசுவின் பாவமில்லாத கீழ்ப்படிதலின் காரணமாக நீங்கள் பெற வேண்டிய அனைத்தையும் பெற்றுக்கொள்ள நீங்கள் கவனம் செலுத்துகிறீர்கள் என்று கர்த்தரிடம் சொல்லுங்கள், ஏனென்றால் இயேசு உங்களுக்கும் எனக்கும் தகுதியான அனைத்தையும் (தண்டனையை) பெற்றார்.இந்நாளில் அவருடைய நீதி உங்களுக்கு முன்பாகச் சென்று அவருடைய மகிமையையும் அவருடைய வெற்றியையும் நீங்கள் அனுபவிக்க வழி செய்கிறது! ஆமென் 🙏

மகிமையின் ராஜாவாகிய இயேசுவைச் சந்தித்து,எழும்பிப் பிரகாசியுங்கள்.

கிருபை நற்செய்தி தேவாலயம்!

14-05-24
இன்றைய நாளுக்கான  கிருபை!

மகிமையின் ராஜாவாகிய இயேசுவைச் சந்தித்து,உங்களை பிரகாசிக்கச் செய்யும் வெளிப்பாட்டின் வார்த்தையை (RHEMA )பெறுங்கள்!

1. எழும்பிப் பிரகாசி; உன் ஒளிவந்தது, கர்த்தருடைய மகிமை உன்மேல் உதித்தது.
2. இதோ, இருள் பூமியையும், காரிருள் ஜனங்களையும் மூடும்; ஆனாலும் உன்மேல் கர்த்தர் உதிப்பார்; அவருடைய மகிமை உன்மேல் காணப்படும். ஏசாயா 60:1,2NKJV

‘உன் ஒளி வந்தது’என்று மேற்கண்ட வசனம் கூறும்போது, அது சூரிய ஒளியையோ, ட்யூப் லைட்டையோ அல்லது பிரகாசமான ஒளிரும் நட்சத்திரத்தையோ குறிக்கவில்லை. ‘உங்கள் ஒளி’ என்பது தேவனின் பொருத்தமான வார்த்தையாகும் (RHEMA ),அது உங்கள் தேவைக்காக வடிவமைக்கப்பட்ட அல்லது முன்குறிக்கப்பட்டது.பரிசுத்த ஆவியானவர் எல்லாவற்றையும் ஆராய்ந்து,அதை எடுத்து உங்களுக்கு வெளிப்படுத்துகிறார்.இந்த வெளிப்படுத்ததலே “RHEMA” வார்த்தை’ என்பார்கள்!

வேதத்தில் அவருடைய மகிமையான வார்த்தைகள் நிறைந்திருந்தாலும்,உங்கள் வாழ்க்கையில் குறிப்பிட்ட சூழ்நிலைக்கு கடவுளின் மகிமையைக் கொண்டுவரும் ஒரு ஏற்ற வார்த்தை உள்ளது.
எரேமியா 15:16 இல் -எரேமியா தீர்க்கதரிசி இதை அழகாகக் கூறுகிறார், உம்முடைய வார்த்தைகள் கிடைத்தவுடனே அவைகளை உட்கொண்டேன்; உம்முடைய வார்த்தைகள் எனக்குச் சந்தோஷமும், என் இருதயத்துக்கு மகிழ்ச்சியுமாயிருந்தது என்பதாக. தீர்க்கதரிசியின் இதயம் அந்த வார்த்தையினிமித்தம் மகிழ்ச்சியில் பொங்கியது.அவர் பயம், நோய், பற்றாக்குறை, மனச்சோர்வு மற்றும் நம்பிக்கையின்மை ஆகியவற்றிலிருந்து விடுவிக்கப்பட்டார்.அல்லேலூயா!

என் பிரியமானவர்களே,அப்போஸ்தலனாகிய பவுல் ரோமர் 10:8-ல் சொல்வது போல்,இந்த வார்த்தை நமக்குச் சமீபமாய் நம் வாயிலும் நம் இருதயத்திலும் இருக்கிறது என்றும் சொல்லுகிறது; இந்த விசுவாசத்தின் வார்த்தையே நாங்கள் பிரசங்கிக்கிற வார்த்தை.நானும் தொடர்ந்து இந்த வார்த்தையினால் உந்தி ஊக்குவிக்கிறேன். தேவன் உங்களை எவ்வாறு பாவம் நீக்கி நீதியுள்ளவர்களாகப் பார்க்கிறார் என்பதை பல்வேறு கோணங்களில் விளக்கி, விசுவாசத்தின் நீதியின் இந்த வார்த்தையை உங்களுக்குக் கொண்டு வருகிறேன். எனவே,உங்களின் அனைத்து பெலவீனம்,மற்றும் முரண்பாடுகளின் நிஜத்தை பொருட்படுத்தாமல் அவர் எல்லா நேரத்திலும் உங்களுக்கு ஆதரவாக இருக்கிறார். அவர் உங்கள் பக்கத்தில் இருக்கிறார்.அவருடைய கிருபை உங்கள் பக்கம் இருக்கிறது. இயேசுவின் கீழ்ப்படிதலினால் அவருடைய நீதி உங்களுக்கு சாதகமாக இருக்கிறது.

உங்களுக்கு இலவசப் பரிசாகக் கொடுக்கப்பட்ட தேவனின் தயவு மற்றும் தேவ நீதியைப் பற்றிய செய்திகளைக் கேட்டுப் படித்துக்கொண்டே இருங்கள்,அப்பொழுது உங்கள் வாழ்க்கையில் தேவனால் வடிவமைக்கப்பட்ட மகத்துவத்தை நீங்கள் கட்டாயமாக அனுபவிப்பீர்கள். ஆமென் 🙏

மகிமையின் ராஜாவாகிய இயேசுவைச் சந்தித்து,உங்களை பிரகாசிக்கச் செய்யும் வெளிப்பாட்டின் வார்த்தையை (RHEMA )பெறுங்கள்.

கிருபை நற்செய்தி தேவாலயம்!

13-05-24
இன்றைய நாளுக்கான  கிருபை!

மகிமையின் ராஜாவாகிய இயேசுவைச் சந்தித்து,எழும்பிப் பிரகாசியுங்கள்!

1. எழும்பிப் பிரகாசி; உன் ஒளிவந்தது, கர்த்தருடைய மகிமை உன்மேல் உதித்தது.
2. இதோ, இருள் பூமியையும், காரிருள் ஜனங்களையும் மூடும்; ஆனாலும் உன்மேல் கர்த்தர் உதிப்பார்; அவருடைய மகிமை உன்மேல் காணப்படும். ஏசாயா 60:1,2NKJV

என் அன்பானவர்களே, உங்கள் ஒளி வந்தது!.உங்களுடைய டைய மேன்மைக்கான நேரம் வந்துவிட்டது! உங்கள் வாழ்வில் தேவன் சந்திக்கும் நேரம் வந்துவிட்டது! ஆம்,எல்லா எதிர்ப்புகளின் மத்தியிலும் தேவனின் மகிமை உங்கள் வாழ்வில் காணப்படும்.

இருளின் நடுவில்,தேவனின் கிருபையும் தேவனின் நன்மையும் (அவருடைய ஒளி) வெளிப்படுகிறது!
பஞ்சத்தின் மத்தியில்,தேவனின் தங்கச்சுரங்கம் வெளிப்படுகிறது!
சோதனையின் மத்தியில்,தேவனின் வெற்றி வெளிப்படுகிறது!
உங்கள் சோகக் கதையின் நடுவே,தேவனின் மகிமை வெளிப்படுகிறது!

மனிதனின் மோசமான நேரம் தேவனின் சிறந்த நேரம்!நீங்கள் எந்த இருளினால் சூழ்ந்து இருந்தாலும், கர்த்தருடைய மகிமையால் இருள் முற்றிலும் மறைந்துவிடும்.இருளால் ஒருபோதும் ஒளியை வெல்ல முடியாது! அல்லேலூயா!!

என் அன்பு நண்பர்களே, கவலைப்படதிருங்கள்! இயேசு உங்களுக்கு முன் செல்கிறார். அவருடைய நீதி உங்களுக்கு முன்பாகச் சென்று, எல்லா கோணலானவைகளையும் நேராக்குகிறது.
நம்முடைய கர்த்தரும் நம்முடைய நீதியுமான இயேசுவின் நாமத்தில் அவருடைய மகிமை இந்த வாரம் உங்கள் வாழ்க்கையில் வெளிப்படுவதை நீங்கள் அனுபவிப்பீர்கள். ஆமென் 🙏

மகிமையின் ராஜாவாகிய இயேசுவைச் சந்தித்து,எழும்பிப் பிரகாசியுங்கள்.

கிருபை நற்செய்தி தேவாலயம்!

10-05-24
இன்றைய நாளுக்கான  கிருபை!

மகிமையின் ராஜாவாகிய இயேசுவைச் சந்தித்து,நீதிமானாக்கப்படுவதின் ஆசீர்வாதங்களை அனுபவியுங்கள்!

14. நமக்கு எதிரிடையாகவும் கட்டளைகளால் நமக்கு விரோதமாகவும் இருந்த கையெழுத்தைக் குலைத்து, அதை நடுவிலிராதபடிக்கு எடுத்து, சிலுவையின்மேல் ஆணியடித்து; கொலோசெயர் 2:14 NKJV

இயேசு சிலுவையில் மனிதனுக்குத் தகுதியான மரணம் உட்பட அனைத்து தண்டனையையும் ஏற்றுக்கொண்டபோது,நியாயப்பிரமாணத்தின் தீவிர கோரிக்கைகளை அவரது சொந்த உடலில் முழுமையாக நிறைவேற்றப்பட்டன.

தேவனுடைய நியாயப்பிரமாணத்தின் தேவைகள் ஒரு திவாலான மனிதனிடமிருந்து நீதியைக் கோரியது. ஆனால், பெலனற்ற அவல நிலையில் இருந்த மனிதனுக்கு தண்டனையும் அனுபவிக்க வேண்டிய நிலை இருந்தது.நமது ரட்சகராகிய கிறிஸ்து உங்களுக்கும் எனக்கும் ஏற்பட வேண்டிய தீர்ப்பையும், தண்டனையையும் ஏற்ற்றுக்கொண்டு முழுமையாக சுமந்து தீர்த்தார் .

இயேசு கிறிஸ்து தான் நியாயப்பிரமாணத்தின் நிறைவாக இருக்கிறார்.விசுவாசிக்கிற ஒவ்வொருவருக்கும் நீதிக்கான நியாயப்பிரமாணத்தின் முடிவாக கிறிஸ்துவே இருக்கிறார் (ரோமர் 10:4). மனிதன் குற்றத்திலிருந்தும் தண்டனையிலிருந்தும் விடுவிக்கப்படுவதோடு மட்டுமல்லாமல்,மனிதன் நீதிமானாக அறிவிக்கப்படுகிறான் (அவன் பாவம் செய்யாதது போலவே). அல்லேலூயா!

என் அன்பானவர்களே, தேவனின் பார்வையில் உங்களால் சிறப்பாக செயல்பட முடியாமல் போனதற்கு காரணம்,உங்களால் செயல்பட முடியவில்லை என்பதல்ல,ஆனால்,கடந்த வாழ்வில் நடந்த குற்றங்களினால் குற்ற உணர்வுகளும்,எதிர்காலத்தில் தோல்வி ஏற்படும் என்ற பயமும் உங்களைச் செயல்படவிடாமல் தடுக்கிறது.

இன்று,அபிஷேகம் செய்யப்பட்ட இயேசு (கிறிஸ்து) எல்லா குற்றங்களையும் துடைத்து,எல்லா பயத்தையும் உங்கள் வாழ்க்கையிலிருந்து என்றென்றும் விரட்டுகிறார்.அவர் உங்கள் வலது கையைப் பிடித்து உங்கள் கற்பனைக்கு அப்பாற்பட்ட வெற்றியை அடையச் செய்கிறார், ஏனென்றால் அவர் சிலுவையின் மரணத்தின் போது நமக்கு எதிராக நிற்கும் ஒவ்வொரு எதிர் சக்தியையும் அடக்கினார்,ஆண்டு கொண்டார்.

இயேசு கிறிஸ்துவே என் நீதி (Jehovah T’sidkenu) என்று நீங்கள் கூறும்போது , பாவம் அல்லது நோய், பயம் அல்லது அவமானம் என ஒவ்வொரு அடிமைத்தனத்தையும் உடைக்கும் அபிஷேகத்தை நீங்கள் அனுபவிப்பீர்கள்.உங்களுக்குத் தகுதியான தண்டனை அனைத்தையும் இயேசு சுமந்ததால்,அவருடைய கீழ்ப்படிதலின் மூலம் அவருக்குத் தகுதியான அனைத்தையும் நீங்கள் நிச்சயமாக அறுவடை செய்வீர்கள். இன்று, நீங்கள் சுதந்திரமாக மட்டுமல்ல, நீங்கள் ஆளுகையும் செய்கிறீர்கள்! ஆமென் 🙏

மகிமையின் ராஜாவாகிய இயேசுவைச் சந்தித்து,நீதிமானாக்கப்படுவதின் ஆசீர்வாதங்களை அனுபவியுங்கள்.

கிருபை நற்செய்தி தேவாலயம்!

09-05-24
இன்றைய நாளுக்கான  கிருபை!

மகிமையின் ராஜாவாகிய இயேசுவைச் சந்தித்து,அவர் கிருபை உங்கள் தேவைகளை மிஞ்சுவதை அனுபவியுங்கள்!

13. உங்கள் பாவங்களினாலேயும், உங்கள் மாம்ச விருத்தசேதனமில்லாமையினாலேயும் மரித்தவர்களாயிருந்த உங்களையும் அவரோடேகூட உயிர்ப்பித்து, அக்கிரமங்களெல்லாவற்றையும் உங்களுக்கு மன்னித்து;
14. நமக்கு எதிரிடையாகவும் கட்டளைகளால் நமக்கு விரோதமாகவும் இருந்த கையெழுத்தைக் குலைத்து, அதை நடுவிலிராதபடிக்கு எடுத்து, சிலுவையின்மேல் ஆணியடித்து;
15. துரைத்தனங்களையும் அதிகாரங்களையும் உரிந்துகொண்டு, வெளியரங்கமான கோலமாக்கி, அவைகளின்மேல் சிலுவையிலே வெற்றிசிறந்தார். கொலோசெயர் 2:13-15 NKJV

கிறிஸ்துவின் நீதி உங்களுக்கு முன்பாக சென்று,எல்லா கோணலானவைகளையும் நேராக்கியது .

கிறிஸ்துவானவர் பின்வருவனவற்றைச் செய்துள்ளார்:
1. அவர் உங்கள் எல்லா பாவங்களையும் குற்றங்களையும் என்றென்றும் மன்னித்தார்.உங்கள் கடந்தகால வெறுக்கத்தக்க செயல்கள் இனி உங்கள் உயர்வுக்கு தடையாக இருக்க முடியாது.

2. தேவ கரங்களால் எழுதப்பட்ட பத்து கட்டளைகள்- மனிதனால் ஒருபோதும் நிறைவேற்ற முடியாத நியாயப்பிரமாணம் என்பதால் அவர் அனைத்து எதிர்பார்ப்புகளையும் மனிதனிடமிருந்து எடுத்துவிட்டார். உங்கள் தற்போதைய வாழ்க்கை தேவனின் எதிர்பார்ப்புகள் உள்ள வாழ்க்கை அல்ல.

3. உங்களுக்கு எதிராக முயற்சிக்கும் அனைத்து தீய சக்திகளின் ஆயுதங்களையும் அவர் நிராயுதமாக்கியுள்ளார்.குறிப்பாக குற்ற உணர்வு மற்றும் பயம் என்ற ஆயுதங்களை சிலுவையில் அறைந்ததன் மூலம் நம்மை விட்டு முற்றிலும் நீக்கினார்.உங்கள் எதிர்காலம் நம்முடைய கர்த்தராகிய கிறிஸ்து இயேசுவில் முற்றிலும் பாதுகாப்பானது.

இயேசுவே நமது நீதி! இது நம்மீது அவருடைய வெற்றிக்கொடி.அவர் நிபந்தனையற்ற கிருபையின் எண்ணற்ற ஆசீர்வாதங்களை அனுபவிக்க இரட்டைக் கதவுகளைத் திறந்துள்ளார், அது உங்களை ஆளுகை செய்ய வைக்கிறது.உங்களிடமிருந்து அவருக்கு எந்த எதிர்பார்ப்பும் இல்லை, இருப்பினும் உங்களைச் சுற்றியுள்ள மக்களின் எதிர்ப்புகள் உங்கள்மீது இருக்கிறது.அதை சந்திக்க அவரது வலிந்தோடும் கிருபை அந்த நபர்களின் எதிர்பார்ப்புகளை மிஞ்சுகிறது.

என் பிரியமானவர்களே, கிறிஸ்து இயேசுவின் மூலம் மகிமையில் தம்முடைய ஐசுவரியத்தின்படி உங்கள் எல்லா தேவைகளையும் தேவன் எப்பொழுதும் பூர்த்தி செய்கிறார் என்ற மனநிலையை வைத்துக் கொள்ளுங்கள்.

நீங்கள் கிறிஸ்து இயேசுவுக்குள் தேவனுடைய நீதியாக இருக்கிறீர்கள் என்று அறிக்கை செய்து கொண்டே இருங்கள் ; நீங்கள் ஆபிரகாமின் சந்ததி; நீங்கள் ஆபிரகாமை நம்பும் ஆசீர்வாதத்தால் ஆசீர்வதிக்கப்பட்டவர் மற்றும் நீங்கள் உலகின் வாரிசாக இருக்கிறீர்கள்! ஆமென் 🙏

மகிமையின் ராஜாவாகிய இயேசுவைச் சந்தித்து,அவர் கிருபை உங்கள் தேவைகளை மிஞ்சுவதை அனுபவியுங்கள்!

கிருபை நற்செய்தி தேவாலயம்!

07-05-24
இன்றைய நாளுக்கான  கிருபை!

மகிமையின் ராஜாவாகிய இயேசுவைச் சந்தித்து,இயேசுவுக்குத் தகுதியான ஆசீர்வாதங்களை நாம் பெற்று ஆளுகை செய்வோம்!

1.கர்த்தராகிய நான் அபிஷேகம்பண்ணின கோரேசுக்கு முன்பாக ஜாதிகளைக் கீழ்ப்படுத்தி, ராஜாக்களின் இடைக்கட்டுகளை அவிழ்க்கும்படிக்கும், அவனுக்கு முன்பாக வாசல்கள் பூட்டப்படாதிருக்க, கதவுகளைத் திறந்துவைக்கும்படிக்கும், அவனைப் பார்த்து, அவன் வலதுகையைப் பிடித்துக்கொண்டு, அவனுக்குச் சொல்லுகிறதாவது:ஏசாயா 45:1 NKJV

பரிசுத்த ஆவியின் அபிஷேகம்தான் சவுலை இஸ்ரவேலின் முதல் ராஜாவாக ஆக்கியது. ராஜாவின் ஆளுகை அபிஷேகத்தில் இருந்து வருகிறது. பரிசுத்த ஆவியின் அபிஷேகத்தினால் நீங்கள் வாழ்க்கையில் ஆளுகை செய்கிறீர்கள்.

நீங்கள் அபிஷேகம் செய்யப்படும்போதும்,தேவன் உங்கள் வலது கையைப் பிடிக்கும்போதும் மூன்று விஷயங்கள் நடப்பதை நாம் காண்கிறோம்:
1. எதிரியை பாதபடியாக்குதல்
2. எதிரிகளின் பலத்தை நிராயுதாமாக்குதல்
3. இரட்டைக் கதவுகள் திறக்கப்பட்டு -அரச வரவேற்புடன் நீங்கள் சிரமமின்றி நுழைதல் .

சைரஸின் வாழ்க்கையில் இதுதான் நடந்தது, இயேசுவின் நாமத்தில் உங்களுக்கும் இதுதான் நடக்கும்.

கர்த்தராகிய இயேசு கிறிஸ்து உங்கள் மரணத்தை தாமே ஏற்றுக்கொண்டு உங்களுக்காக பாவமானார்,அதேபோல் இன்று அவருடைய நீதியைப் பெற்று நீங்கள் ஆளுகை செய்கிறீர்கள். சிலுவையில் அவர் தேவனுக்குக் கீழ்ப்படிந்ததால்,வாழ்க்கையில் ஆளுகை செய்வதற்கு தேவன் உங்களுக்கு அவருடைய நீதியை இலவசமாக வழங்கினார்.

சிலுவையில்,இயேசு உங்களுக்குத் தகுதியான பாவத்தை அவர் ஏற்றுக்கொண்டார்,அதே போல் அவருடைய பாவமற்ற வாழ்க்கை மற்றும் சர்வவல்லமையுள்ள தேவனுக்கு எப்போதும் முழுமையாக கீழ்ப்படிந்ததால் அவருக்குத் தகுதியான நீதியை இன்று நீங்கள் பெறுவீர்கள்.

நமக்குத் தகுதியானதை அவர் முழு மனதோடு பெற்றுக்கொண்டார்(ஏனெனில் நாம் தண்டனைக்கும் மரணத்திற்கும் மட்டுமே தகுதியானவர்கள்) எனவே,அவருக்குத் தகுதியானதை நாம் எதிர்பார்ப்போடு பெற வேண்டும்.அவை வாழ்வு, ஆரோக்கியம், நல்வாழ்வு, செல்வங்கள் உட்பட பரலோக மற்றும் பூமிக்குரிய ஆசீர்வாதங்கள். இது தான் தெய்வீக பரிமாற்றம்!
நீங்கள் கிறிஸ்து இயேசுவில் தேவனுடைய நீதி என்று ஒப்புக்கொள்வதில் நீங்கள் எவ்வளவு தீவிரமாக இருக்கிறீர்களோ (கர்த்தராகிய இயேசுவுக்குத் தகுதியானதை நீங்கள் பெறுவீர்கள்), இயேசுவின் நாமத்தில் சிரமமின்றி மற்றும் மகிழ்ச்சியுடன் வாழ்க்கையில் ஆளுகை செய்ய அவருடைய அபிஷேகத்தையும் அப்படியே அனுபவிப்பீர்கள். ஆமென் 🙏

மகிமையின் ராஜாவாகிய இயேசுவைச் சந்தித்து,இயேசுவுக்குத் தகுதியான ஆசீர்வாதங்களைப் பெற்று நாம் ஆளுகை செய்வோம் .

கிருபை நற்செய்தி தேவாலயம்!

06-05-24
இன்றைய நாளுக்கான  கிருபை!

மகிமையின் ராஜாவாகிய இயேசுவைச் சந்தித்து,ஆசீர்வாதங்களை பெறுவதற்கான அபிஷேகத்தை பெறுங்கள்!

1. கர்த்தராகிய நான் அபிஷேகம்பண்ணின கோரேசுக்கு முன்பாக ஜாதிகளைக் கீழ்ப்படுத்தி, ராஜாக்களின் இடைக்கட்டுகளை அவிழ்க்கும்படிக்கும், அவனுக்கு முன்பாக வாசல்கள் பூட்டப்படாதிருக்க, கதவுகளைத் திறந்துவைக்கும்படிக்கும், அவனைப் பார்த்து, அவன் வலதுகையைப் பிடித்துக்கொண்டு, அவனுக்குச் சொல்லுகிறதாவது:ஏசாயா 45:1 NKJV

வரலாற்று ரீதியாகப் பார்த்தால் ,தேவன் தாம் தேர்ந்தெடுத்த ஜனமாகிய இஸ்ரவேலை பாபிலோனிலிருந்து விடுவிப்பதற்காகவும்,அவர்கள் வாக்களிக்கப்பட்ட தேசத்தை மீண்டும் சுதந்தரிப்பதற்காகவும் பெர்சியாவின் புறஜாதி அரசரான சைரஸை அபிஷேகம் செய்தார்.
தீர்க்கதரிசனமாகப் பார்த்தால் ,இன்று தேவன் நமக்கு கொடுத்த சுந்தந்திரத்தை பெறுவதற்கு வாக்குத்தத்தமாக இருக்கும்..

தேவன் சைரஸை அபிஷேகம் செய்தது போல், நசேரனாகிய இயேசுவை பரிசுத்த ஆவியினாலும் வல்லமையினாலும் அபிஷேகம் செய்தார், அவர் நன்மை செய்து, பிசாசினால் ஒடுக்கப்பட்ட அனைவரையும் குணப்படுத்தினார், ஏனென்றால் தேவன் இயேசுவோடு இருந்தார் (அவரது வலது கையைப் பிடித்தார்) அப்போஸ்தலர் 10:38.

இன்று, அந்த அபிஷேகம் செய்யப்பட்ட இயேசு(கிறிஸ்து) கர்த்தராக உயர்ந்தவர் மற்றும் அவர் உங்கள் வலது கையைப் பிடித்து, பரிசுத்த ஆவியினாலும்,வல்லமையினாலும் உங்களை அபிஷேகம் செய்ய விரும்புகிறார்.

சைரஸ் ராஜாவுக்கும் மற்ற தேசங்களின் ராஜாக்களுக்கும் இடையே வித்தியாசத்தை ஏற்படுத்தியது இந்த அபிஷேகம்! இன்றும் கூட, அபிஷேகம்தான் உங்கள் சமகாலத்தவர்களிடமிருந்து – குறிப்பாக இந்த மாதம் மற்றும் உங்கள் வாழ்நாள் முழுவதும் உங்களை வேறுபிரித்துக் காண்பிக்கும். அல்லேலூயா!

என் அன்பானவர்களே, வாழ்க்கையின் ஒவ்வொரு அம்சத்திலும் ஆட்சி செய்ய உங்களுக்கு பரிசுத்த ஆவியும் அவருடைய வல்லமையும் தேவை. மற்றவற்றிலிருந்து உங்களை வேறுபிரித்துக் காண்பிக்கும் இந்த அபிஷேகத்தை நீங்கள் பெறவில்லை என்றால், நீங்கள் இன்று அதைப் பெறலாம்!
இயேசுவே சிலுவையில் கீழ்ப்படிவதன் மூலம் தேவனின் இந்த மிக வல்லமை வாய்ந்த பரிசைப்(பரிசுத்த ஆவியானவர்) பெற உங்களைத் தகுதிப்படுத்துகிறார்.
தேவனின் இந்த மாபெரும் பரிசை நீங்கள் பெற்றிருந்தால், நீங்கள் உயர்ந்த நிலைக்குச் செல்ல வேண்டும். இயேசு தேவனுக்குக் கீழ்ப்படிந்து, உங்களை என்றென்றும் நீதிமான்களாக்கிய அவருடைய இரத்தத்தைச் சிந்தியதால் இந்த அபிஷேகம் வருகிறது.

ஜெபம்: அன்பான பரலோகத் தகப்பனே, இயேசுவின் ஜீவாதார பலியின் நிமித்தம் என் எல்லா பாவங்களையும் மன்னித்து, என்னை என்றென்றும் நீதியுள்ளவனாக்கியதற்கு நன்றி. இந்த அடிப்படையில்,பரிசுத்த ஆவியை வரமாகப் பெற நான் உங்களிடம் கேட்கிறேன். நான் இயேசுவை என் கர்த்தராகவும் இரட்சகராகவும் விசுவாசித்து ஏற்றுக்கொள்கிறேன். ஆமென் 🙏

.மகிமையின் ராஜாவாகிய இயேசுவைச் சந்தித்து,ஆசீர்வாதங்களை பெறுவதற்கான அபிஷேகத்தை பெறுங்கள்

கிருபை நற்செய்தி தேவாலயம்!

03-05-24
இன்றைய நாளுக்கான  கிருபை!

மகிமையின் ராஜாவாகிய இயேசுவைச் சந்தித்து,மறைப்பிடத்தின் பொக்கிஷங்களை அனுபவியுங்கள்!

ஆண்டவர் கூறுவது இதுவே:சைரஸ்(உங்கள் பெயரை உச்சரியுங்கள்),நான் உனக்கு முன்னே சென்று மலைகளைத் தரைமட்டமாக்குவேன். நான் வெண்கல வாயில்களை இடித்து இரும்புக் கம்பிகளை வெட்டுவேன். இருளில் மறைந்திருக்கும் பொக்கிஷங்களையும் – ஒளிபடிதின் செல்வங்களை நான் உங்களுக்கு தருவேன். நான் இஸ்ரவேலின் தேவனாகிய கர்த்தர்,உன்னைப் பெயர் சொல்லி அழைத்தவர் என்று நீ அறியும்படி இதைச் செய்வேன்.ஏசாயா 45:2-3 NLT

ஒவ்வொரு முறையும் சில காரியங்களைச் செய்வதாக தேவன் நமக்கு வாக்களித்தால்,நாம் எதையும் செய்யாமல்,அதை முழுவதுமாகச் செய்து முடிக்க அவர் முழுப் பொறுப்பையும் ஏற்றுக்கொண்டார் என்று அர்த்தம்.
ஏனென்றால்,நம்மால் செய்ய முடியாததை தான் தேவன் நமக்கு வாக்குத்தத்தமாக வாக்களிக்கிறார்.அதைச் செய்வது நம் சக்திக்கு உட்பட்டது என்றால்,அதை நாமே செய்ய முடியும் என்றால் தேவனுடைய வாக்குறுதிகளின் அவசியம் என்ன?

இரண்டாவதாக,”நான் உங்களுக்கு முன் சென்று, எல்லா தடைகளையும் சமன் செய்வேன், உங்களை முன்னேற விடாமல் தடுத்துள்ள ஒவ்வொரு மூடிய கதவுகளையும் உடைப்பேன்” என்று அவர் கூறும்போது, ​​அவர் ஏற்கனவே சென்றுவிட்டார்,இரவு நேரத்தில். நீங்கள் தூங்கும்போது அவர் வாக்குறுதியளித்ததைச் செய்து முடித்தார் என்பதை உறுதியாக அறிந்து கொள்ளுங்கள். இதைத்தான் சங்கீதம் 127:2ல் சங்கீதக்காரன் கூறுகிறான்,”நீ அதிகாலையில் எழுவதும்,தாமதமாக உட்காருவதும், துக்கத்தின் அப்பத்தை உண்பதும் வீண்; ஏனென்றால்,அவர் தம்முடைய அன்பானவருக்குத் தூக்கத்தைக் கொடுக்கிறார்.”

நீங்கள் ஓய்வெடுக்கும்போது தான் தேவன் செயல்படுகிறார்.

என் அன்பானவர்களே,இயேசு தேவனுக்குக் கீழ்ப்படிந்து கல்வாரி சிலுவையில் மரித்ததன் நோக்கம், நீங்கள் தேவனுக்குக் கீழ்ப்படிந்து ஆசீர்வதிக்கப்படுவதற்குப் போராடாமல் இருப்பதை உறுதிசெய்வதாகும், ஏனென்றால் நீங்கள் தேவனுக்கு 100% எப்போதும் கீழ்ப்படிய முடியாது.
ஆனால்,இந்த விஷயத்தின் உண்மை என்னவென்றால்,நீங்கள் நிபந்தனையின்றி தேவனால் ஆசீர்வதிக்கப்படும்போது, அந்த ஆசீர்வாதத்துடன் அவருடைய சித்தத்தின் வல்லமை வருகிறது,அவருடைய சித்தத்தைச் செய்ய உங்களை உற்சாகப்படுத்துகிறது. அல்லேலூயா! இது தான் நற்செய்தி! ஆமென் 🙏

மகிமையின் ராஜாவாகிய இயேசுவைச் சந்தித்து,மறைப்பிடத்தின் பொக்கிஷங்களை அனுபவியுங்கள்.

கிருபை நற்செய்தி தேவாலயம்!

02-05-24
இன்றைய நாளுக்கான  கிருபை!

மகிமையின் ராஜாவாகிய இயேசுவைச் சந்தித்து,மறைக்கப்பட்ட பொக்கிஷங்களை அவர் திறப்பதை அனுபவியுங்கள்!

2. நான் உனக்கு முன்னே போய், கோணலானவைகளைச் செவ்வையாக்குவேன்.
3. உன்னைப் பெயர்சொல்லி அழைக்கிற இஸ்ரவேலின் தேவனாகிய கர்த்தர் நானே என்று நீ அறியும்படிக்கு,ஏசாயா 45:2-3 NKJV

கிறிஸ்துவுக்குள் அன்புக்குரியவர்களே,இனிய புதிய மாதத்தின் வாழ்த்துக்கள்!

இந்த புதிய மே மாதத்திற்குள் நாம் அடியெடுத்து வைத்திருக்கும் வேளையில், கோணலான பாதைகளை நேராக்க கர்த்தர் உங்களுக்கு முன்பே சென்றிருக்கிறார் என்பதை அறிந்து கொள்ளுங்கள்.

ஆம் என் பிரியமானவர்களே, இந்த மாதம் கர்த்தர் எல்லா தடைகளையும் உடைத்து, உங்களுக்கு எதிராக தன்னை உயர்த்தும் ஒவ்வொறு காரியத்தையும் தரைமட்டமாக்குவதை அனுபவிப்பீர்கள், ஒவ்வொரு மூடிய கதவுகளையும் திறந்து,பெரிய கர்த்தர் உங்களுக்காக சேமித்து வைத்திருக்கும் பொக்கிஷங்களையும் – மறைந்திருக்கும் பொக்கிஷங்களையும்,இரகசிய செல்வங்களையும் நீங்கள் சுதந்தரிப்பீர்கள். அல்லேலூயா!

பரிசுத்த ஆவியானவர் கூறுகிறார் 1 கொரிந்தியர் 2:9 (NLT) ல்,எழுதியிருக்கிறபடி: தேவன் தம்மில் அன்புகூருகிறவர்களுக்கு ஆயத்தம்பண்ணினவைகளைக் கண் காணவுமில்லை, காதுகேட்கவுமில்லை, அவைகள் மனுஷனுடைய இருதயத்தில் தோன்றவுமில்லை;

ஆம்! மனித மற்றும் தேவ தூதர்கள் கண்களுக்கு மறைக்கப்பட்ட கற்பனைக்கு அப்பாற்பட்ட அற்புதமான விஷயங்கள் – எதிர்பாராத விஷயங்கள் நடக்கும் என்று எதிர்பார்க்கும்படி பரிசுத்த ஆவியானவர் நம்மை ஊக்குவிக்கிறார் என்பதே இதன் பொருள். அல்லேலூயா!

கர்த்தர் நமக்கு முன்பாகச் செல்லும்போதுதான் இது சாத்தியமாகும் என்பதை சங்கீதம் 85:13 இலிருந்து நாம் புரிந்துகொள்கிறோம்,அவருக்கு முன்பாக அவருடைய நீதியும் அவருடைய பாதச்சுவடுகளும் நமது பாதையாகின்றன – ஆம் வெற்றிக்கான பாதை! ஆகவே இயேசுவின் நீதியை நம்புவோம்,அவருடைய நீதியான செயலை நம்புவோம்,அவருடைய கீழ்ப்படிதலே பெரியது நம்முடையது அல்ல. அவருடைய நீதி இந்த நாளில் நாம் எல்லாவற்றிலும் எளிதாக வெற்றிபெறச் செய்யும். ஆமென் 🙏

மகிமையின் ராஜாவாகிய இயேசுவைச் சந்தித்து,மறைக்கப்பட்ட பொக்கிஷங்களை அவர் திறப்பதை அனுபவியுங்கள்.

கிருபை நற்செய்தி தேவாலயம்!

30-04-24
இன்றைய நாளுக்கான  கிருபை!

மகிமையின் ராஜாவாகிய இயேசுவைச் சந்தித்து,வாழ்வில் ஆளுகை செய்யுங்கள்!

18.அப்பொழுது இயேசு சமீபத்தில் வந்து, அவர்களை நோக்கி: வானத்திலும் பூமியிலும் சகல அதிகாரமும் எனக்குக் கொடுக்கப்பட்டிருக்கிறது. மத்தேயு 28:18 NKJV.

நம்முடைய கர்த்தராகிய இயேசு கிறிஸ்துவுக்குள் பிரியமானவர்களே,இந்த மாதத்தின் இறுதிக்குள் வரும்வேளையில், இந்த மாதத்தின் வாக்குறுதியை மீண்டும் ஒருமுறை சீர்தூக்கிப் பார்ப்போம்.
தேவன் தம்முடைய ஒரே பேறான குமாரனை இந்த உலகத்தை மீட்கும்படியாக அனுப்பினார், அவரை நாம் அனைவரும் இயேசு என்று அறிவோம்.

தேவன் இந்த இயேசுவை கர்த்தராகவும்,கிறிஸ்துவாகவும் அனுப்பினார் (அப்போஸ்தலர் 2:36). அவர் கிறிஸ்து, ஏனென்றால் அவர் நம்முடைய எல்லா பாவங்களையும் அவர் மீது சுமந்து நம்மை நீதிமான்களாக்கினார். தேவன் அவரை மரித்தோரிலிருந்து எழுப்பி,தம்முடைய வலது பாரிசத்தில் உட்காரவைத்து,பரலோகத்திலும்,பூமியிலும்,பூமியில் உள்ள சகல நாமங்களுக்கும் மேலாக உயர்த்தி,நம்மை அவருடன் அரசாள வைக்கும் போது அவர் என்றென்றுமாகிய கர்த்தர்.

இயேசுவின் மீது தேவன் வைத்த இந்த மேன்மையே நம்மை ஆபிரகாமின் சந்ததியாக்கியது,எனவே ஆபிரகாமின் ஆசீர்வாதத்தால் ஆசீர்வதிக்கப்படுகிறோம், மேலும் நாம் உலகின் வாரிசாக இருக்கிறோம்.

ஆகையால், இயேசு கிறிஸ்துவின் மரணம், அடக்கம் மற்றும் உயிர்த்தெழுதல் ஆகியவற்றின் காரணமாக நீங்கள் என்றென்றும் நீதிமான்களாக ஆக்கப்பட்டீர்கள் என்று நீங்கள் நம்பும்போதும், ஒவ்வொரு ஆசீர்வாதமும் உங்களுக்கும் உங்கள் வீட்டாருக்கும் உரித்தாகிறது. இதுவே ஆபிரகாம் நம்பிய நற்செய்தியாகும்,மேலும் ஆபிரகாமுக்கு அது நீதியாக எண்ணப்பட்டது.

நீங்கள் எதை நம்புகிறீர்களோ,யாரை நம்புகிறீர்களோ அதை வெளிப்படுத்துவது விசுவாச அறிக்கை என்று அழைக்கப்படுகிறது!
(2 கொரிந்தியர் 4:13) .
நீங்கள் கிறிஸ்து இயேசுவுக்குள் தேவனுடைய நீதி என்றும்,நீங்கள் ஆபிரகாமின் சந்ததி என்றும்,ஆபிரகாம் விசுவாசிக்கும் ஆசீர்வாதத்தால் நீங்களும் ஆசீர்வதிக்கப்படுகிறீர்கள் என்றும் தொடர்ந்து அறிக்கையிடுங்கள்,ஏனெனில் நீங்கள் உலகத்தின் வாரிசாக இருக்கிறீர்கள் மற்றும் ஒருபோதும் உலகத்தின் அடிமை அல்ல. அல்லேலூயா!ஆமென் 🙏

இந்த மாதத்தில் சத்தியத்தை மிகவும் கிருபையாக அருளி, தேவனுடைய தயவைப் பற்றிய ஒரு நுண்ணறிவைக் கொடுத்த ஆசீர்வதிக்கப்பட்ட பரிசுத்த ஆவியானவருக்கு நான் நன்றி கூறுகிறேன்,இதுவே மகிமையின் ராஜாவுடன் நம்மை ஆளுகை செய்ய வழிவகுத்தது!

என் அன்பானவர்களே, ஆண்டவரையும் அவருடைய நீதியையும் அறிய இந்த மாதத்தில் ஒவ்வொரு நாளும் என்னுடன் இணைந்ததற்கு நன்றி.

இயேசுவின் நாமத்தில்,நம் கர்த்தரின் மகத்தான வெளிப்பாடுகளுள்ள புதிய மாதத்திற்கு நாளை என்னுடன் மீண்டும் இணையுங்கள்.ஆமென் 🙏

மகிமையின் ராஜாவாகிய இயேசுவைச் சந்தித்து,வாழ்வில் ஆளுகை செய்யுங்கள்*!

கிருபை நற்செய்தி தேவாலயம்!