17-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள்,அவரை விசுவாசிப்பதற்கு அவருடைய ஆசிர்வாதத்தை பெறுங்கள்!

25. மற்றச் சீஷர்கள்: கர்த்தரைக் கண்டோம் என்று அவனுடனே சொன்னார்கள். அதற்கு அவன்: அவருடைய கைகளில் ஆணிகளினாலுண்டான காயத்தை நான் கண்டு, அந்தக் காயத்திலே என் விரலையிட்டு, என் கையை அவருடைய விலாவிலே போட்டாலொழிய விசுவாசிக்கமாட்டேன் என்றான்.
26. மறுபடியும் எட்டுநாளைக்குப்பின்பு அவருடைய சீஷர்கள் வீட்டுக்குள்ளே இருந்தார்கள்; தோமாவும் அவர்களுடனேகூட இருந்தான்; கதவுகள் பூட்டப்பட்டிருந்தது. அப்பொழுது இயேசு வந்து நடுவே நின்று: உங்களுக்குச் சமாதானம் என்றார்.
27. பின்பு அவர் தோமாவை நோக்கி: நீ உன் விரலை இங்கே நீட்டி, என் கைகளைப் பார், உன் கையை நீட்டி, என் விலாவிலே போடு, அவிசுவாசியாயிராமல் விசுவாசியாயிரு என்றார்.(யோவான் 20:25-27) NKJV

பொதுவாக நீங்கள் ஒரே குடும்பத்தில் வளர்க்கப்படும் போது, அதில் அன்பும் பகிர்வும், நம்பிக்கையும் முக்கியமான பங்கு வகிக்கும்போது,குடும்ப உறுப்பினர்களின் கூட்டு அனுபவத்தை ஏற்காமல் இருப்பதும் ,எந்த நேரத்திலும் முரணாக சாட்சி கொடுப்பதும் நிச்சயம் மிகப்பெரிய பிளவை ஏற்படுத்தும்.
ஆனால், மேற்கண்ட வசனங்களில் குறிப்பிடப்பட்டுள்ள சூழ்நிலையில்,உயிர்த்தெழுந்த ஆண்டவர் இயேசு மீண்டும் அவர்கள் அனைவருக்கும் தோன்றினார், முதன்முறையாக அவர் தோன்றியபோது அவர்கள் மத்தியில் தோமா இல்லாத காரணத்தினால் அவர்மீண்டும் காட்சியளித்து அவர்களில்,ஒற்றுமை மற்றும் சமாதானம் நிலவ வேண்டும் என்ற நோக்கத்துடன் அவ்வாறு செய்தார் .
மனித முரண்பாடுகள் மற்றும் நம்பிக்கையின்மை இருந்தபோதிலும் கர்த்தராகிய இயேசுவின் பெருந்தன்மையையும் உறுதியான அன்பையும் மட்டுமே இது காட்டுகிறது.

தன்னால் இயற்கையாகப் பார்க்க முடியாததை விசுவாசிப்பது ஒவ்வொரு மனிதனுக்குள்ளும் உள்ளது. மேலும், இயற்கையாகக் காணக்கூடியவற்றை எளிதில் விசுவாசிப்பது ஒவ்வொரு மனிதனுக்குள்ளும் உள்ளது.
இருப்பினும், நாம் சாதாரணமாக அல்லது இயல்பாக பார்க்க முடியாததை தொடர்ந்து நம்புவதற்கு தெய்வீக ஆசீர்வாதம் தேவை. உயிர்த்தெழுந்த ஆண்டவரின் சுவாசத்தின் விளைபொருளான புதிய படைப்பின் மீது தங்கியிருக்கும் ஆசீர்வாதம் இது.

தோமா இந்த ஆசீர்வாதத்தை முதல் நிகழ்வில் தவறவிட்டார்.ஆனால், இயேசுவுக்கே மகிமை ! இயேசு இன்னும் இரண்டாவது முறையாக தோமாவைத் தேடி வந்தார். தோமா இரண்டாவது தோற்றத்தின் போது விசுவாசித்து இந்த ஆசீர்வாதத்தைப் பெற்றார் .
என் அன்பானவர்களே,நாம் பார்க்கும் உலகத்தை விட நம்மால் பார்க்க முடியாத உலகமே உண்மையானது. இன்று நீங்கள் இந்த பகுதியை வாசிக்கும்போது கண்ணுக்குத் தெரியாததைக் காண ஆண்டவர் உங்களை ஆசீர்வதிக்கக் காத்திருக்கிறார்.
ஆமென் 🙏

இயேசுவே உயிர்த்தெழுதல்,ஜீவன் என்று பாருங்கள்,அவரை விசுவாசிப்பதற்கு அவருடைய ஆசிர்வாதத்தை பெறுங்கள்!

கிருபை  புரட்சி நற்செய்தி தேவாலயம்.

16-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள்,அவருடைய என்றென்றுமுள்ள நீதியுள்ள ஆசிர்வாதத்தை அனுபவியுங்கள் !

அந்தப்படி, கிரியைகளில்லாமல் தேவனாலே நீதிமானென்றெண்ணப்படுகிற மனுஷனுடைய பாக்கியத்தைக் காண்பிக்கும் பொருட்டு:
7. எவர்களுடைய அக்கிரமங்கள் மன்னிக்கப்பட்டதோ, எவர்களுடைய பாவங்கள் மூடப்பட்டதோ, அவர்கள் பாக்கியவான்கள்.
8. எவனுடைய பாவத்தைக் கர்த்தர் எண்ணாதிருக்கிறாரோ, அவன் பாக்கியவான் என்று தாவீது சொல்லியிருக்கிறான்.(ரோமர் 4:6-8 )NKJV.

அப்போஸ்தலராகிய பவுல் சங்கீதம் 32:1,2ல் இருந்து மேற்கோள் காட்டுகிற காரியமாவது , கடவுளால் மட்டுமே மனிதனை “நீதிமான்”என்று அறிவிக்க முடியும். இது சாதி, மதம், நிறம் அல்லது கலாச்சாரம் ஆகியவற்றைப் பொருட்படுத்தாமல் ஒவ்வொரு மனிதனுக்கும் வழங்கப்பட்ட கடவுளின் ஆசீர்வாதம். நம்மிடமிருந்து தேவைப்படுவது எல்லாம் அவரை ‘நம்புவது’ மட்டுமே.

மனிதன் தன் சொந்த தியாகத்தினாலோ அல்லது நற்காரியங்கள் மூலமோ கடவுளின் பார்வையில் நீதிமான் ஆக முடியாது.பூமியில் வாழ்ந்த மனிதர்களில் உண்மையான நீதிமானாக வாழ்ந்து காட்டியவர் இயேசு நாதர் மட்டுமே. அவர் பூமியில்வாழ்ந்த நாட்களில் நியாயப்பிரமானத்தின் அனைத்து தேவைகளையும் அவரால் மட்டுமே பூர்த்தி செய்ய முடிந்தது.உலகம் முழுவதற்கும் – இருந்தவர்களும், இருப்பவர்களும், வருபவர்களுமாகிய அனைவருடைய பாவங்களை சுமந்து அவர்களை நீதிமானாக்கத் தம்மையே அர்ப்பணித்தார்.

கடவுள் சிலுவையில் இயேசுவினுடைய இந்த பலியை ஒப்புக்கொண்டார், ஆகவே ,முழு உலகத்தின் பாவங்கள் அனைத்தையும் அவருடைய மகன் இயேசுவின் மீது சுமத்தினார். மேலும் தெய்வீக பரிமாற்றத்தின் மூலம் தேவ நீதியை இலவசமாக மனிதனுக்கு கொடுத்தார் .இதன் விளைவாக என்றென்றுமுள்ள நித்திய ஆசீர்வாதம் அவரை விசுவாசிக்கும் ஒவ்வொருவருக்கும் அளிக்கப்பட்டது.அல்லேலூயா !

எனவே ,இயேசுவின் காரணமாக நீங்கள் என்றென்றும் நீதிமான்களாக அறிவிக்கப்படுகிறீர்கள். உயிர்த்தெழுந்த கர்த்தராகிய இயேசு இந்த ‘என்றென்றும் நீதியுள்ள’ ஆசீர்வாதத்தால் உங்களை ஆசீர்வதித்தார். இதை நீங்கள் நம்புகிறீர்களா?
உங்கள் செயலோ அல்லது உங்கள் முற்பிதாக்களின் செயலோ இந்த ‘என்றென்றும் நீதியுள்ள’ஆசீர்வாதத்தை மாற்ற முடியாது.

நீ என்றென்றும் மாற்றமுடியாத நீதிமான்!  எனவே,மற்ற எல்லா ஆசீர்வாதங்களும் இயேசுவின் பெயரில் மாற்ற முடியாத உங்கள் பங்காகும்! அவருடைய என்றென்றும் நீதி நம்மை என்றென்றும் ஆசீர்வதித்திருக்கிறது ! ஆமென் 🙏

இயேசுவே உயிர்த்தெழுதல்,ஜீவன் என்று பாருங்கள்,அவருடைய என்றென்றுமுள்ள நீதியுள்ள ஆசிர்வாதத்தை அனுபவியுங்கள் !

கிருபை  புரட்சி நற்செய்தி தேவாலயம்.

15-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய என்றென்றுமுள்ள ஆசிர்வாதத்தை அனுபவியுங்கள் !

50. பின்பு அவர் பெத்தானியாவரைக்கும் அவர்களை அழைத்துக்கொண்டுபோய், தம்முடைய கைகளை உயர்த்தி, அவர்களை ஆசீர்வதித்தார்.
51. அவர்களைt ஆசீர்வதிக்கையில், அவர்களை விட்டுப் பிரிந்து, பரலோகத்துக்கு எடுத்துக்கொள்ளப்பட்டார்.லூக்கா 24:50-51 NKJV

உயிர்த்தெழுந்த இயேசு தம்முடைய உயிர்த்தெழுதலின் மூலம் புதிய சிருஷ்டியாக மாறிய தம் சீஷர்களை முதலில் ஆசீர்வதிக்காமல் அவர் பரலோகத்திற்கு ஏறியிருக்கமாட்டார்.
அவர் அவர்களை ஆசிர்வதித்த கணமே அவர்களிடமிருந்து பிரிந்தார் என்பதே உண்மை. மகிமையின் ராஜா மகிமையோடு பரத்துக்கு எடுத்துக்கொள்ளப்பட்டார் ! அல்லேலூயா!!
விசுவாசிகள் (புதிய சிருஷ்டிகள்) பெற்ற இறைவனின் இந்த ஆசீர்வாதத்தின் தனித்தன்மை என்ன?
புதுசிருஷ்டி அழியாத, என்றென்றுமுள்ள ஆசீர்வாதம் நிறைந்தது என்பதாகும் ! அல்லேலூயா!

ஆபிரகாம் தனது மகன்களை ஆசீர்வதித்த பிறகு,அவர் மரித்து போனார்.ஈசாக்கு தன் மகன்களை ஆசீர்வதித்த பிறகு, அவரும் கடந்து சென்றார். யாக்கோபு அல்லது இஸ்ரேல் அவரது மகன்களை ஆசீர்வதித்த பிறகு,அவரும் கடந்து சென்றார், ஆரோன் மற்றும் மோசேயும் இப்படியே ஆசீர்வதித்தார்கள் . ஆனால் அந்த ஆசீர்வாதங்கள் என்றென்றும் நிலைத்திருக்கும் ஆசீர்வாதங்கள் அல்ல.
அந்த ஆசீர்வாதங்களைப் போலல்லாமல், கர்த்தராகிய இயேசு மரித்தோரிலிருந்து எழுந்த பிறகு அவர்களை ஆசீர்வதிக்கத் தேர்ந்தெடுத்தார், அவர் அவர்களை ஆசீர்வதித்த உடனேயே, அவர் பரலோகத்திற்கு பரமேறினார்.எனவே இந்த ஆசீர்வாதமானது நிரந்தரமாக என்றும் நிலைத்திருக்கும்.

இன்றும் என் பிரியமானவர்களே, இயேசு மரித்தோரிலிருந்து உயிர்த்தெழுந்தார் என்றும், அவர் பரலோகத்திற்கு ஏறி தேவனுடைய வலது பாரிசத்தில் அமர்ந்திருக்கிறார் என்றும் நீங்கள் விசுவாசிக்கும்போது, ​​நீங்கள் அவருடைய என்றென்றுமான ஆசீர்வாதத்தைப் பெறுவீர்கள் – உயிர்த்தெழுதலின் ஆசீர்வாதம்! இந்த ஆசீர்வாதம் யாராலும் மாற்ற முடியாதது. யார் உங்களை சபித்திருந்தாலும்,உயிர்த்தெழுதலின் இந்த ஆசீர்வாதத்திற்கு எதிராக எந்த சக்தியும் செயல்பட முடியாது. நீங்கள் என்றென்றும் ஆசீர்வதிக்கப்பட்டவர்கள் ! அல்லேலூயா! ! ஆமென் 🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய என்றென்றுமுள்ள ஆசிர்வாதத்தை அனுபவியுங்கள்!
கிருபை  புரட்சி நற்செய்தி தேவாலயம்.

12-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், நமது வாழ்வின் போராட்டங்களை இப்பொழுதே நிறுத்தும் வல்லமை கொண்ட அவருடைய ஆசிர்வாதத்தை அனுபவியுங்கள்!

29. அதற்கு இயேசு: தோமாவே, நீ என்னைக் கண்டதினாலே விசுவாசித்தாய், காணாதிருந்தும் விசுவாசிக்கிறவர்கள் பாக்கியவான்கள் என்றார். (யோவான் 20:29 )NKJV.

காண்பது விசுவாசத்தை ஏற்படுத்தும் ஆனால் முதலில் விசுவாசித்து பிறகு காண்கிறவர்கள் பாக்கியவான்கள்!
உயிர்த்தெழுந்த இயேசு தோமாவிடம் கூறியது போலவே இந்த ஆசீர்வாதத்தை நாம் பெறும் வரை சத்தியத்திற்கும் ( TRUTH ) ,நிஜத்திற்கும் ( FACT ) இடையே தொடர்ந்து போராட்டம் நடந்து கொண்டிருக்கிறது. 
நிஜத்திற்கு (FACT ) மேலாக சத்தியத்தை (TRUTH -ஐ ) ஊக்குவிக்க நீங்கள் முடிவு செய்யும் போது, ​​நீங்கள் இந்த ஆசீர்வாதத்தைப் பெறுவீர்கள்,மேலும் உங்கள் வாழ்வில் நம்பிக்கையின் போராட்டம் அடங்கிவிடும்! உண்மையில் நீங்கள் பாக்கியவான்களாவீர்கள் !! 
அப்படியானால் சத்தியம் என்றால் என்ன? இயேசு பேசியது மற்றும் அவர் இன்னும் பேசுவது அனைத்தும் சத்தியம் .  அவரே சத்தியம் !
4 உண்மையிலேயே உயிர்த்தெழுந்தார்! உங்கள் இரட்சகராகவும் இறைவனாகவும் இருக்க அவரை அழைக்கவும்.
சீஷர்களுக்கு ஏற்பட்ட அனுபவம் உங்களுக்கு இருந்திருக்காது, இருப்பினும் உங்கள் பாவமன்னிப்புக்காக இயேசு சிலுவையில் மரித்தார் என்ற உண்மையை நீங்கள் வெறுமனே நம்பி புதிய சிருஷ்டியானீர்கள் ! 

நிஜ வாழ்க்கையில் , உங்கள் உடல் நிலை இன்னும் குணமடையாமல் இருக்கலாம், நீங்கள் இன்னும் குணமடைய முயல்கிறீர்களா , வலி ​​அதிகமாக உள்ளதா ,நீங்கள் இன்னும் வேதனையில் “இறைவா நீங்கள் எங்கே இருக்கிறீர்கள்?” என்று கேள்வி எழுப்புகிறீர்களா ?. என் பிரியமானவர்களே, நீங்கள் கிறிஸ்து இயேசுவுக்குள் தேவனுடைய நீதியாக இருக்கிறீர்கள், ஆகையால் அவருடைய தழும்புகளால் நீங்கள் குணமாக்கப்பட்டீர்கள் என்பது சத்தியம். (1 பேதுரு 2:24). சத்தியத்தை பிடித்துக் கொண்டு, மறுக்க முடியாத நிஜத்துக்கு மேலாக சத்தியத்தை ஊக்குவியுங்கள், உங்கள் போராட்டம் இயேசுவின் நாமத்தில் ஒட்டுமொத்தமாக நிறுத்தப்படும்.

மேலும், ஒவ்வொரு அம்சத்திலும், நிஜ வாழ்க்கையில் நீங்கள் இன்னும் ஆசீர்வாதங்களைப் பார்க்க முடியாத நிலை இருக்கலாம் , மாறாக நீங்கள் பற்றாக்குறை, ஊதிய உயர்வு , போனஸ், உறவுகளை மீண்டும் இணைத்தல் ஆகியவற்றைக் காணாமல் இருக்கலாம் ,இப்பொழுது சத்தியமாகிய இயேசுவைப் பற்றிக் கொண்டு உயிர்த்தெழுந்து, நீங்கள் ஒரு புதிய சிருஷ்டியாக இருக்குறீர்கள் :அது தெய்வீகமான, நித்தியமான, எவராலும் வெல்ல முடியாத, அழிக்க முடியாத மற்றும் அழியாத. வாழ்க்கை. அந்த புது சிருஷ்டிக்கு எல்லா நிஜ வாழ்க்கை போராட்டங்களும் தலைவணங்கும். பார்க்காமல் நம்புகிறவர்கள் பாக்கியவான்கள்! இந்த ஆசீர்வாதம் ஒவ்வொரு போராட்டத்தையும் என்றென்றும் நிறுத்தும் சத்தியம் . எப்போதும் வெல்லும்!
இந்த மகிமைக்கு காரணர் இயேசு என்னுடையவர் ! ஆமென் 🙏

இயேசுவே உயிர்த்தெழுதல்,ஜீவன் என்று பாருங்கள், நமது வாழ்வின் போராட்டங்களை இப்பொழுதே நிறுத்தும் வல்லமை கொண்ட அவருடைய ஆசிர்வாதத்தை அனுபவியுங்கள்!

கிருபை  புரட்சி நற்செய்தி தேவாலயம்.

11-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள்,அவருடைய புதிய சிருஷ்டியின் வல்லமையினால் பிறரை மன்னிக்க இப்பொழுதே கிருபை பெறுங்கள் !

22. அவர்கள்மேல் ஊதி: பரிசுத்த ஆவியைப் பெற்றுக்கொள்ளுங்கள்
23. எவர்களுடைய பாவங்களை மன்னிக்கிறீர்களோ அவைகள் அவர்களுக்கு மன்னிக்கப்படும், எவர்களுடைய பாவங்களை மன்னியாதிருக்கிறீர்களோ அவைகள் அவர்களுக்கு மன்னிக்கப்படாதிருக்கும் என்றார் . (யோவான் 20:22-23) NKJV.

உயிர்த்தெழுந்த ஆண்டவர் இயேசு,சீஷர்களின் வாழ்வில் சுவாசத்தை ஊதிய தருணத்தில், அவர்கள் புதிய சிருஷ்டியாக மாறினார்கள்! சீஷர்களுக்கு கடவுள் கற்பித்த முதல் விஷயம்,புது சிருஷ்டி பாவங்களை மன்னிக்கும் ஆற்றல் கொண்டது என்பதாகும் .

ஒரு புதிய சிருஷ்டியின் சாராம்சமாக ,பாவங்களை மன்னிக்கவும் அல்லது பாவங்களை தக்கவைத்துக்கொள்ளவும் அதிகாரம் கொண்டது .மனிதன் கடவுளுக்கு எதிராக ( vertical relationship ) அல்லது சக மனிதனுக்கு எதிராக (Horizontal relationship ) பாவங்களைச் செய்யலாம்.
கடவுள் மனிதன் மீது கொண்ட அளவற்ற அன்பினால், முழு மனித இனத்தின் பாவங்களையும் – கடந்த கால, நிகழ்கால மற்றும் எதிர்கால பாவங்களையும் முழுமையாக இயேசுவின் மூலம் மன்னித்திருக்கிறார்! 
ஆனால்,மனிதனின் வாழ்க்கையில் , ஒரு சக மனிதனை முழு மனதோடு மன்னிக்க, (அவனை அல்லது அவளை) அவனுக்கு மன உறுதி தேவைப்படுகிறது.சில நேரங்களில் துரோகம் மிகவும் கடுமையானது, காயம் மிகவும் ஆழமானது ,பிறரை மன்னிக்கவும் ,மறக்கவும் நாம் உண்மையில் போராடுகிறோம். ஆனால் நாம் ஒரு புதிய சிருஷ்டியாக மாறும்போது, ” போகட்டும் விடுங்கள்” (LET GO)என்ற வல்லமை நம்மில் பிறக்கிறது, மேலும் இந்த விடுவிப்பின் கிருபை நம்மை மன்னிக்க உதவுகிறது.

ஸ்டெயின்ஸ் மற்றும் அவரது குடும்பத்தினர் இயேசுவின் அன்பைப் பகிர்ந்து கொள்ள இந்திய தேசத்திற்கு வந்த மிஷனரிகள், கிரஹாம் ஸ்டெய்ன்ஸ் இரக்கமின்றி அவரது அழகான இரண்டு சிறிய மகன்களுடன் உயிருடன் எரிக்கப்பட்டார். இது தேசிய அளவில் செய்தியாகி, குற்றவாளிகள் பிடிபட்டனர்.
இருப்பினும், கிரஹாம் ஸ்டெயின்ஸின் மனைவியும் அவரது விலைமதிப்பற்ற மகளும் அவர்களை முழு மனதுடன் தங்கள் மணிப்பதாக கூறி அவர்களை விடுவிக்கும்படி கோரினர் , ஏனென்றால் அவர்கள் ஒரு புதிய சிருஷ்டியாக இருந்தனர், மன்னிக்கும் வல்லமை கொண்டவர்கள் – கடவுளைப் போலவே தெய்வீகமானவர்கள். புதிய சிருஷ்டிப்பு தெய்வீகமானது, நித்தியமானது, எவராலும் வெல்ல முடியாதது, அழிக்க முடியாதது மற்றும் அழியாதது. .ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள்,அவருடைய புதிய சிருஷ்டியின் வல்லமையினால் பிறரை மன்னிக்க இப்பொழுதே கிருபை பெறுங்கள் !

கிருபை  புரட்சி நற்செய்தி தேவாலயம்.

10-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள் !

ஆதலால் இயேசுவுக்கு அன்பாயிருந்த சீஷன் பேதுருவைப் பார்த்து: அவர் கர்த்தர் என்றான். அவர் கர்த்தர் என்று சீமோன்பேதுரு கேட்டவுடனே, தான் வஸ்திரமில்லாதவனாயிருந்தபடியினால், தன் மேற்சட்டையைக் கட்டிக்கொண்டு கடலிலே குதித்தான்.
10. இயேசு அவர்களை நோக்கி: நீங்கள் இப்பொழுது பிடித்த மீன்களில் சிலவற்றைக் கொண்டுவாருங்கள் என்றார்.
11. சீமோன்பேதுரு படவில் ஏறி, நூற்றைம்பத்துமூன்று பெரிய மீன்களால் நிறைந்த வலையைக் கரையில் இழுத்தான்; இத்தனை மீன்கள் இருந்தும் வலை கிழியவில்லை.(யோவான் 21:7, 10-11) NKJV

கர்த்தராகிய இயேசுவின் நற்செய்திகளின் மிக அற்புதமான பகுதிகளில் இதுவும் ஒன்றாகும். இயேசுவின் மரணத்தின் காரணமாக சீடர்கள் முற்றிலும் மனச்சோர்வடைந்தனர், ஆனால், கர்த்தர் மீண்டும் உயிர்த்தெழுந்து அவர்களுக்குத் தோன்றியபோது, ​​திடீரென்று அவர்களின் வாழ்க்கை வார்த்தைகளால் விவரிக்க முடியாத புத்துணர்வு பெற்றது .
அவர்கள் புதிய வாழ்க்கையைப் பெற்றனர் – தெய்வீக வாழ்க்கை, நித்திய வாழ்க்கை மற்றும் புதிய சிருஷ்டியாக மாறினர் ! எனினும், அவர்களின் புதிய இயல்பின் வல்லமையை – புதிய படைப்பின் உள்ளார்ந்த வல்லமையை அவர்கள் உணரவில்லை.  பின்பு உயிர்த்த இயேசு மீண்டும் அவர்களுக்கு வெளிப்பட்டார் .இந்த முறை பேதுரு இதை உணர்ந்த கணத்தில், அவர்களால் கூட்டாக இழுக்க முடியாத பெரிய மீன்கள் நிறைந்த வலையை, பேதுரு மட்டும் தனியாக கரைக்கு இழுத்து வந்தார்.

என் அன்பானவர்களே , நம்மில் பலர் புதிய சிருஷ்டியாக இருந்தாலும், நம்மில் குடியிருக்கும் வல்லமையை – புதிய வல்லமையின் சக்தியை முழுமையாக அறியாதவர்களாகவே இருக்கிறோம்.  நாம் இன்னும் பலவீனமாக இருக்கிறோம்,நாம் திறமையற்றவர்கள் என்று உணர்கிறோம். நமது உடல் உணர்வுகள் மற்றும் நமது சூழ்நிலைகளால் நாம் நகர்த்தப்படுகிறோம்.
* ஆனால் , உயிர்த்தெழுந்த இரட்சகர் மற்றும் கர்த்தராகிய இயேசுவின் புதிய வெளிப்பாடு மட்டுமே நம்மை புது சிருஷ்டியின் வெற்றி பாதையில் நடத்தும் .கிறிஸ்துவுக்குள் புது சிருஷ்டியாகிய நீங்கள் யார்?- புது சிருஷ்டியாகிய நீங்கள் ஒரு தெய்வீகமான,நித்தியமான,வெல்ல முடியாத,அழிக்க இயலாத வல்லமையைப் பெறுவீர்கள் இதைக் குறித்த அறிவும்,தொடர்ந்து செய்கிற விசுவாச அறிக்கையே நம்மில் புதிய சிருஷ்டியின் வல்லமையை வெளிப்படுத்தும்.ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்.

09-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள் !

அவர்கள்மேல் ஊதி: பரிசுத்த ஆவியைப் பெற்றுக்கொள்ளுங்கள்;(யோவான் 20:22) NKJV
அப்பொழுது வேதவாக்கியங்களை அறிந்துகொள்ளும்படி அவர்களுடைய மனதை அவர் திறந்து அவர்களை நோக்கி:(லூக்கா 24:45 ) NKJV

உயிர்த்த ஆண்டவராகிய இயேசு, மரித்தோரிலிருந்து உயிர்த்தெழுந்த உடனேயே, “பரிசுத்த ஆவியைப் பெறுங்கள்”என்று சீடர்கள் மீது ஊதினார், உடனே அந்த சீடர்கள் ‘புதிய சிருஷ்டி ‘ ஆனார்கள். அல்லேலூயா ! அவர்கள் தெய்வீக ஜீவனையும், நித்திய ஜீவனையும் பெற்று, அவர்கள் எவராலும் வெல்ல முடியாதவர்களாக மாறினார்கள் . அவர்களின் வாழ்க்கை முறை பரிசுத்த ஆவியால் முற்றிலும் மாற்றப்பட்டது. அவர்களின் பார்வை மாறியது,அவர்களின் நடத்தை மாறியது  ஏனெனில் அவர்களின் புரிதல் முற்றிலும் மாறிவிட்டது.

இயேசுவின் உயிர்த்தெழுதலின் ஜீவன் அவர்களின் புரிதலைத் திறந்து, அவர்களால் வேதவசனங்களை விளங்க முடிந்தது.
அதுவரை அவர்களுக்குப் போதித்தவர்கள் அவர்களுடைய ஆசாரியர்கள்,ரபிகள், தீர்க்கதரிசிகள் மற்றும் கர்த்தராகிய இயேசுவே.
ஆனால், இப்போது பரிசுத்த ஆவியானவர்,உயிர்த்தெழுந்த இயேசுவின் சுவாசத்தால், அவர்களில் வாசம் செய்து,அவர்களுக்கு ‘போதகர்’ ஆனார். அவர்கள் எல்லாவற்றையும் அறியத் தொடங்கினர் (“ஆனால் உங்களுக்குப் பரிசுத்தரால் அபிஷேகம் உண்டு, நீங்கள் எல்லாவற்றையும் அறிவீர்கள்.”
I யோவான் 2:20 NKJV) அவர்கள் ஆவியானவர் வழிநடத்தும் வாழ்க்கையை வாழ ஆரம்பித்தார்கள், இதுவே பூமியில் வாழ்கின்ற நித்திய ஜீவனாகும்!

என் அன்பானவர்களே ,இது உங்கள் அனுபவமாகவும் இருக்கலாம். இந்த சீடர்களில் பலர் வெறும் மீனவர்கள், அவர்கள் படிக்காதவர்களாகவும்,உலகம் அறியாதவர்களாகவும் இருந்தனர். ஆனால் உயிர்த்த இயேசுவின் மூச்சு அவர்களை ‘புதிய சிருஷ்டியாக ’ ஆக்கியது – முற்றிலும் புதிய இனமாக மாற்றியது .

நீங்களும் இந்த அனுபவத்தைப் பெறலாம்- பரிசுத்த ஆவியானவர்-உங்கள் அனுபவமாக ! கிறிஸ்து உங்களுக்குள் அனுபவமாக ! -24*7 – கற்றுத்தரும் ஆவியானவரின் அனுபவமாக ! உங்கள் புரிதல் ஒளிரும் மற்றும் உங்கள் வாழ்க்கை ஒருபோதும் பழைய நிலையில் இருக்காது.
இந்த புரிதலுக்காகத் தான் கௌதம புத்தர் தனது குடும்பத்தையும், தனது அன்புக்குரியவர்களையும் விட்டுவிட்டு வீட்டை விட்டு வெளியேறினார்.
ஆனால், கிறிஸ்து மூலமாக, பரிசுத்த ஆவியின் உருவில் உள்ள கடவுள், உங்களில் வசிப்பதற்காகவும், தெய்வீகத்திற்கு மட்டுமே சொந்தமான அத்தகைய ஆற்றலையும் புரிதலையும் அளிக்க உங்களைத் தேடி வந்துள்ளார்! உங்கள் இதயத்தைத் திறந்து, இயற்கைக்கு அப்பாற்பட்ட வாழ்க்கையை அனுபவிக்க, அன்பான இரட்சகரும், அற்புதமான ஆண்டவருமான இயேசுவை இன்று உங்கள் வாழ்க்கையில் ஏற்றுக் கொள்ளுங்கள்! ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்

08-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள் !

நம்முடைய பிதாவாகிய தேவனாலும் கர்த்தராகிய இயேசுகிறிஸ்துவினாலும் உங்களுக்குக் கிருபையும் சமாதானமும் உண்டாவதாக.
4. இயேசுகிறிஸ்துவைக்குறித்து தேவன் தம்முடைய தீர்க்கதரிசிகள் மூலமாய்ப் பரிசுத்த வேதாகமங்களில் முன்னே தம்முடைய சுவிசேஷத்தைப் பற்றி வாக்குத்தத்தம்பண்ணினபடி கர்த்தராகிய இயேசுகிறிஸ்துவானவர்,(ரோமர் 1:3-4 )NKJV.

மாம்சத்தின்படி தாவீதின் சந்ததியில் ஆண்டவராகிய இயேசு உலகத்தில் தோன்றினார், ஆனால்,ஆதி படைப்பின் முதல் நபராக ஆதாம் இருந்தார் அவருடைய கீழ்ப்படியாததின் காரணமாக பாவத்தின் அடிமைத்தனம், நோய், சிதைவு, சீரழிவு, மரணம் ஆகியவை தலைவிரித்து ஆடியது .சிலுவையில் ஆண்டவராகிய இயேசுவின் மரணம் இந்த பழைய படைப்புக்கு முற்றுப்புள்ளி வைத்தது,
.
இயேசுவின் உயிர்த்தெழுதல் மனிதனுக்கு தெய்வீக வாழ்வைத் தந்தது, அது மனிதனை தெய்வீகமாகவும், நித்தியமாகவும், அழியாததாகவும், வெல்ல முடியாததாகவும், அழியாததாகவும் ஆக்கியது .

கடவுள் இயேசுவை மரித்தோரிலிருந்து எழுப்பினார் என்பதை நீங்கள் உங்கள் இதயத்தில் நம்பி, இயேசுவே உங்கள் நீதி என்று ஒப்புக்கொண்டு அறிக்கைச்செய்யும் போது (உங்கள் நன்மைகள் எதுவும் உங்களைக் காப்பாற்றாது), உயிர்த்த ஆண்டவர் இயேசு தன் உயிர்த்தெழுதலின் ஜீவனை உங்களில் ஊதுகிறார் , மேலும் நீங்கள் ஒரு புதிய படைப்பாக மாறுகிறீர்கள்.! நீங்கள் இயேசுவை முழுமையாக அனுபவிப்பீர்கள்! மனித புரிதலை மிஞ்சிய ஒரு விவரிக்க முடியாத அமைதி உங்களில் இருக்கும், உலகத்தால் வழங்க முடியாத மற்றும் ,உலகத்தால் எடுத்துச் செல்ல முடியாத சமாதானத்தை உங்களுக்கு அளிக்கிறார். உங்கள் வாழ்க்கை எப்போதும் இந்த அவல நிலையில் இருக்காது. நீங்கள் நித்திய மகிழ்ச்சி, சொல்ல முடியாத மகிழ்ச்சி மற்றும் மகிமை நிறைந்ததாக இருப்பீர்கள். என்ன ஒரு அற்புதமான அனுபவம்! உயிர்த்தெழுதலின் மகிமையை வார்த்தைகளால் விவரிக்க முடியாது!  அல்லேலூயா !

என் அன்பானவர்களே,இந்த உயிர்த்த இயேசு உங்களை இன்று மிக உயர்ந்த நிலைக்கு உயர்த்துவார், முழு உலகமும் வியப்பில் நிற்கும்! நாம் இதை முழு மனதோடு நம்ப வேண்டும் ! ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்.

05-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள் !

24. அதற்கு மார்த்தாள்: உயிர்த்தெழுதல் நடக்கும் கடைசிநாளிலே அவனும் உயிர்த்தெழுந்திருப்பான் என்று அறிந்திருக்கிறேன் என்றாள்.
25. இயேசு அவளை நோக்கி: நானே உயிர்த்தெழுதலும் ஜீவனுமாயிருக்கிறேன், என்னை விசுவாசிக்கிறவன் மரித்தாலும் பிழைப்பான்; (யோவான் 11:24-25 )NKJV.

நான் இயேசுவை என் ஆண்டவராகவும் ,என் இரட்சகராகவும் நம்பி ஏற்றுக்கொண்ட என் ஆரம்ப நாட்களில், நான் கடவுளிடம் ஞானம், புரிதல், நீதி அன்பு, பொறுமை, பதவி உயர்வு, குணப்படுத்துதல் மற்றும் இது போன்ற தெய்வீக நற்பண்புகள் மற்றும் ஆசீர்வாதங்களை அருள ஜெபித்தேன் .

இந்த நற்பண்புகள் மற்றும் ஆசீர்வாதங்கள் அனைத்தும் ஒன்றுசேர்ந்த ஒரு நபர் என்பதை ஒரு நாள் பரிசுத்த ஆவியானவர் எனக்கு விளக்கினார், அவருடைய பெயர் இயேசு!
உயிர்த்தெழுதல் என்பது இறுதி நாளில் நிகழும் ஒரு நிகழ்வு என்பதை புரிந்துகொண்டதன் காரணமாக, கடைசி நாளில் தன் சகோதரன் மீண்டும் உயிர்த்தெழுப்பப்படுவார் என்று மார்த்தா நம்பினார். மேல உள்ள வேதக் குறிப்பில் இவ்வாறு காண்கிறோம் .
ஆனால் , அவரே உயிர்த்தெழுதல்,அவரே ஜீவன் என்பது இயேசுவின் பதில். அவர் உருவகப்படுத்தப்பட்ட உயிர்த்தெழுதல் மற்றும் ஜீவனாக இருக்கிறார் .இரண்டாவதாக, நாம் பிரச்சனையின் பதில் மற்றும் விரும்பும் ஆசீர்வாதம் இயேசு தான்.மற்றும் அது இறுதி நாளில் அல்ல இப்பொழுதே . அல்லேலூயா!

என் அன்பானவர்களே,இந்த வெளிப்பாடு எனக்கு வந்தபோது, ​​ஒவ்வொரு நற்பண்பு மற்றும் ஆசீர்வாதத்திற்கும் பதிலாக இயேசு கிறிஸ்துவின் ஆளுமையை நான் தேட ஆரம்பித்தேன்! “ இயேசுவே என் ஞானமும், புரிதலும்”, “இயேசுவே என் நீதி”, “இயேசுவே என் வெகுமதியும் பதவி உயர்வும் ” .ஏன் என்றால் அவரே ஒவ்வொரு நற்பண்பு மற்றும் ஆசீர்வாதமுமாய் இருக்கிறார் .எனவே, என் எதிர்பார்ப்பு இன்றே நடக்கும், அது உங்களுக்கும் இன்றே நடக்கும் என்று விசுவாசிக்கிறேன் .ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்

04-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

25. இயேசு அவளை நோக்கி: நானே உயிர்த்தெழுதலும் ஜீவனுமாயிருக்கிறேன், என்னை விசுவாசிக்கிறவன் மரித்தாலும் பிழைப்பான்;
26. உயிரோடிருந்து என்னை விசுவாசிக்கிறவனெவனும் என்றென்றைக்கும் மரியாமலும் இருப்பான்; இதை விசுவாசிக்கிறாயா என்றார்.
27. அதற்கு அவள்: ஆம், ஆண்டவரே, நீர் உலகத்தில் வருகிறவரான தேவகுமாரனாகிய கிறிஸ்து என்று நான் விசுவாசிக்கிறேன் என்றாள். யோவான் 11:25-27 NKJV.

இயேசு” யார்” என்ற வெளிப்பாடு நம்முடைய வாழ்வில் தோண்ட ,தோண்ட ஊறுகின்ற வற்றாத நீரூற்றை போல இருக்கிறது .நாம் அவரைப்பற்றிய அறிதலில் வளருவோம் .அவர் முதலில் “ தேவ ஆட்டுக்குட்டி “ என்று யோவான் ஸ்னாநகரால் அறிமுகப்படுத்தப்பட்டார்.

அப்போஸ்தலனாகிய யோவான் இந்த முற்போக்கான வெளிப்பாடுகளை அவர் எழுதிய நற்செய்தியில் மிக அழகாக வெளிப்படுத்துகிறார்.
11 வது அத்தியாயத்தில், “இயேசு யார்” என்ற மிக மகிமையான வெளிப்பாட்டைக் காண்கிறோம், அவர் உயிர்த்தெழுதலும், ஜீவனும் என்று இயேசுவே தன்னைப்பற்றி வெளிப்படுத்தினார்.  அல்லேலூயா!
இந்த வெளிப்பாட்டின் முதல் பெறுநர் மார்த்தா ஆவார்.மிகவும் அருமை ! ஆனால்,அது எப்படி? அவர் காலடியில் அமர்ந்து அவர் சொல்வதைக் கேட்கத் தன்னைக் கொடுத்த மேரிக்கு அல்லவா அது இருந்திருக்க வேண்டும், அவள் வாழ்க்கையில் முன்னுரிமைகளை அறிந்திருந்தாள். ஆனாலும், மேலே குறிப்பிடப்பட்ட வெளிப்பாட்டை முதலில் பெற்றவர் மார்த்தா.என்று நாம் பார்க்கிறோம் .

ஆனால் மார்த்தா அந்த வெளிப்பாட்டை புரிந்து கொண்டாளா? புரிந்து கொள்ளாமல் அவள் எப்படி நம்புவாள்? அவளுடைய தொடர்பில்லாத பதில் அவளுக்குப் புரியவில்லை என்பதைத் தெளிவாகக் காட்டுகிறது. இயேசு தேவனின் குமாரன் மற்றும் கிறிஸ்து என்று அவள் பதிலளித்தாள். அவரே கர்த்தர் என்பதில் சந்தேகமில்லை. ஆனால், அவளுடைய சகோதரனின் மரணத்திற்கு தீர்வைக் கண்டறிவதற்கான பொருத்தமான பதில் என்னவாக இருந்திருக்க வேண்டும் .”ஆம், ஆண்டவரே, இப்போதும் லாசருவை உயிர்த்தெழச்செய்யும் உயிர்த்தெழுதல் நீரே என்று நான் நம்புகிறேன்.மேலும், நீர் முடிவில்லாத நித்திய வாழ்க்கையாக இருக்கிறீர், மற்றும் இந்த உலகில் உயிருடன் இருப்பவர்கள் அனைவரும் உம்மை விசுவாசித்தால் ஒருபோதும் இறக்க மாட்டார்கள் .என்று விசுவாசிக்கிறேன் .

என் அன்பானவர்களே, இதை நீங்கள் நம்புகிறீர்களா ? ஆம் இயேசுவே உயிர்த்தெழுதல் மற்றும் ஜீவன் !ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்.