09-10-23
இன்றைய நாளுக்கான கிருபை!
ஆட்டுக்குட்டியான இயேசுவைப் பார்ப்பது,உங்கள் உன்னதமான இலக்கின் திறவுகோல்!.
7.அந்த ஆட்டுக்குட்டியானவர் வந்து, சிங்காசனத்தின்மேல் உட்கார்ந்தவருடைய வலதுகரத்திலிருந்த புஸ்தகத்தை வாங்கினார்.
8. அந்தப் புஸ்தகத்தை அவர் வாங்கினபோது, அந்த நான்கு ஜீவன்களும், இருபத்துநான்கு மூப்பர்களும் தங்கள் தங்கள் சுரமண்டலங்களையும், பரிசுத்தவான்களுடைய ஜெபங்களாகிய தூபவர்க்கத்தால் நிறைந்த பொற்கலசங்களையும் பிடித்துக்கொண்டு, ஆட்டுக்குட்டியானவருக்குமுன்பாக வணக்கமாய் விழுந்தனர் :
(வெளிப்படுத்துதல் 5:7-8) NKJV
என் அன்பான நண்பர்களே ,தேவன் உங்களுக்காக சிறந்த திட்டங்களை வைத்திருக்கிறார்.இது வரை யாரும் பார்த்திராத, கேட்டிராத, மனிதனுடைய இருதயத்தில் தோன்றிராத ஆசீர்வாதங்கள் உங்களுக்கென்று வைக்கப்பட்டிருக்கிறது.1 கொரிந்தியர் 2:9.கூறப்பட்டபடி தேவனிடமிருந்து உறுதியான வாக்குறுதி இருப்பதால் ,இந்த மாதத்தில் தேவன் அதை வெளிப்படுத்துவார் என்று நம்பிக்கையோடு எதிர்பார்க்கிறோம்.. ஆமென்!
ஆம் என் பிரியமானவர்களே, நாம் ஒரு புதிய வாரத்தைத் தொடங்கும்போது, இந்த நாளிலிருந்து தேவனின் திட்டங்கள் வெளிப்படும் என்று எதிர்பார்க்கிறோம்.
ஆனால், கேள்வி என்னவென்றால்,நமக்காக தேவனுடைய எல்லா திட்டங்களையும் சுமந்து இருக்கும் சுருளைக் கர்த்தராகிய இயேசுவைத் தவிர மற்ற ஒருவராலும் திறக்க முடியாதபடி தேவன் ஏன் செய்ய வேண்டும்?
ஏனென்றால், உங்களுக்காகவும் எனக்காகவும்,மற்றும் ஒட்டுமொத்த மனிதகுலத்திற்காகவும் துன்பங்களைச் சந்திக்க,பாவங்களை சுமக்க,சிலுவையில் மரிக்க தயாராக இருந்த இயேசுவானவருக்குத்தான் புகழும்,தகுதியும் சேர வேண்டும்.இங்கு குறிக்கப்படும் ஆட்டுக்குட்டியான இயேசு,தேவனின் சாந்தத்தோடும் மனத்தாழ்மையயோடும்,மனிதகுலத்தின் துன்பத்தை ஏற்க தயாராக இருந்த நோக்கத்தின் நிமித்தமாக தேவன் அவரை நிகரற்றவராகவும், என்றென்றும் தகுதியுடையவராகவும் ஆக்க்கினார் !
ஆகவே பலியான ஆட்டுக்குகுட்டியான இயேசுவினுடைய இரத்தம் உங்களுக்காக அவருடைய திட்டங்களை வெளிப்படுத்துகிறது. இந்த வாரம், கர்த்தர் உங்களுக்காக தேவனின் இணையற்ற மற்றும் உன்னதமான திறவுகோலை கொண்டு நமக்கு முன்குறிக்கப்பட்ட ஆசீர்வாதங்களை இயேசுவின் நாமத்தில் அவருடைய பரிசுத்த ஆவியின் மூலம் வெளிப்படுத்துகிறார்.ஆமென் 🙏
ஆட்டுக்குட்டியான இயேசுவைப் பார்ப்பது,உங்கள் உன்னதமான இலக்கின் திறவுகோல்!.
கிருபை நற்செய்தி தேவாலயம் .
