28-02-24
இன்றைய நாளுக்கான  கிருபை!

மகிமையின் ராஜாவாகிய இயேசுவைப் பார்த்து,சூழ்நிலைகள் இன்று உங்களுக்கு சாதகமாகத் திரும்புவதை அனுபவியுங்கள்!!

26. அவர்: நான் போகட்டும், பொழுது விடிகிறது என்றார். அதற்கு அவன்: நீர் என்னை ஆசீர்வதித்தாலொழிய உம்மைப் போகவிடேன் என்றான்.
27. அவர்: உன் பேர் என்ன என்று கேட்டார்; யாக்கோபு என்றான்.
28. அப்பொழுது அவர்: உன் பேர் இனி யாக்கோபு என்னப்படாமல் இஸ்ரவேல் என்னப்படும்; தேவனோடும் மனிதரோடும் போராடி மேற்கொண்டாயே என்றார்.ஆதியாகமம் 32:26-28 NKJV

தேவனோடு ஒரு பகிரங்க சந்திப்பு வேண்டும் என்ற ஏக்கம் உங்களை தேவனிடம் நெருங்கச் செய்யும்,அவரை ஆவலோடு தேடும் அந்த நம்பிக்கையான இதயம் தேவனால் ஒருபோதும் வெறுக்கப்படாது.
அச்சம் மற்றும் பயமுறுத்தலால் பாதிக்கப்பட்ட யாக்கோபு (தன் சகோதரன் ஏசாவின் பயம் மற்றும் லாபானின் பயம்) விடுதலைக்காகவும்,வேதனையைக் கூட்டாத பரிபூரண ஆசீர்வாதத்திற்காகவும் தேவனைத் தேடினார்.

யாக்கோபு முழு இருதயத்தோடும்,ஆத்துமாவோடும்,பலத்தோடும் இறைவனைத் தேடினார். சில சமயங்களில்,இறைவனின் மௌனம் அல்லது நமது ஜெபங்களுக்கு மறுப்புத் தெரிவிப்பது போல தோன்றுவது என்பது,அவரை நோக்கிய நமது நம்பிக்கையான அழுகைகளிலும் கடுமையான கண்ணீரிலும் வெளிப்படுத்தப்படும் நமது தீவிரத்தன்மையின் அளவைப் பார்ப்பதற்காகவேத்தான்.

கர்த்தராகிய இயேசுவும் அதே சோதனையை அனுபவித்தார்,தாம் தேவனின் குமாரனாக இருந்தபோதிலும், தேவனிடம் கடுமையான அழுகை மற்றும் கண்ணீருடன் ஜெபங்களையும் வேண்டுதல்களையும் செய்தார் (எபிரெயர் 5:7,8).

என் பிரியமானவர்களே,உங்களுக்கு பாதகமான விஷயங்கள் நடக்கும்போதோ அல்லது மனிதர்களிடம் உங்களுக்கு தயவு கிடைக்காதபோதோ,தேவனின் தயவு எப்போதும் உண்டு என்பதை நினைவில் வையுங்கள். தேவன் ஒருவரே உங்களை உயரத்திற்கு மாற்ற முடியும் மற்றும் கால அட்டவணையை உங்களுக்கு ஆதரவாக மாற்ற முடியும்,நிச்சயமாக எதிர்நிலை சூழ்நிலைகள் உங்களுக்கு சாதகமாக நடக்கும்! மகிழுங்கள்!!

இயேசு உங்களை என்றென்றும் நீதிமான்களாக்கினார், எனவே நீதிமான்களின் பயனுள்ள ஊக்கமான ஜெபம் பெரும் வல்லமையைக் கொண்டுள்ளது மற்றும் அற்புதமான முடிவுகளைத் தருகிறது (யாக்கோபு 5:16b NLT) என்ற புரிதலுடன் அவரைத் தேடுங்கள்.இயேசுவின் பெயரில் சூழ்நிலைகள் இன்று உங்களுக்கு சாதகமாக மாறுகின்றன.ஆமென் 🙏

மகிமையின் ராஜாவாகிய இயேசுவைப் பார்த்து,சூழ்நிலைகள் இன்று உங்களுக்கு சாதகமாகத் திரும்புவதை அனுபவியுங்கள்.

கிருபை நற்செய்தி தேவாலயம்!

27-02-24
இன்றைய நாளுக்கான  கிருபை!

மகிமையின் ராஜாவாகிய இயேசுவைப் பாருங்கள்,வாழ்வில் வேதனையற்ற ஆசீர்வாதம் பெறுங்கள்!

5. எனக்கு எருதுகளும், கழுதைகளும், ஆடுகளும், வேலைக்காரரும், வேலைக்காரிகளும் உண்டென்றும், உம்முடைய கண்களில் எனக்குத் தயவுகிடைக்கத்தக்கதாக ஆண்டவனாகிய உமக்கு இதை அறிவிக்கும்படி ஆட்களை அனுப்பினேன் என்றும் உம்முடைய தாசனாகிய யாக்கோபு சொல்லச்சொன்னான் என்று சொல்லும்படி கட்டளைகொடுத்துத் தனக்கு முன்னாக அவர்களை அனுப்பினான்
26. அவர்: நான் போகட்டும், பொழுது விடிகிறது என்றார். அதற்கு அவன்: நீர் என்னை ஆசீர்வதித்தாலொழிய உம்மைப் போகவிடேன் என்றான்.ஆதியாகமம் 32:5,26 NKJV

யாக்கோபு தனது சொந்த நாட்டை விட்டும் தனது சொந்த குடும்பத்தை விட்டும் ஓடினான்,ஏனெனில் அவன் சகோதரன் ஏசாவின் ஆசீர்வாதத்தைத் திருடியதால் தன்னைக் கொன்றுவிடுவான் என்று பயத்தில் யாக்கோபு ஓடினான்,பரதேசியாய் ஓடி வந்த யாக்கோபு தனது மாமா லாபானுக்கு கடினமாக வேலைசெய்து, மனைவிகள், குழந்தைகள், காளைகள், கழுதைகள், மந்தைகள், ஆண் மற்றும் பெண் வேலைக்காரர்கள் போன்ற பல ஆசீர்வாதங்களைப் பெற்று அதோடு கூட மா வேதனையையும் அனுபவித்தான்!

கர்த்தருடைய ஆசீர்வாதமே ஐஸ்வரியத்தை தரும் ,ஆனால் அதனோடு எந்த வேதனையையும் கூட்டார் என்பதை யாக்கோபு ஒரு காலகட்டத்தில் உணர்ந்தான் (நீதிமொழிகள் 10:22). அந்தோ ! இதை உணர்ந்து கொள்ள அவனுக்கு சுமார் 20 ஆண்டுகள் பிடித்தன.

ஆனால்,தேவன் எப்போதும் உண்மையாகவே இருந்தார்.யாக்கோபு இந்த இருபது வருட போராட்டங்களையும்,வேதனையையும் கடந்து செல்வதற்கு முன்பே,கர்த்தர் பெத்தேலில் அவனுக்குத் தோன்றி,இந்தப் பயணம் முழுவதும் மற்றும் எதிர்கொள்ளும் பெரும் சோதனையின் நேரத்திலும் அவனோடு இருப்பேன் என்று உறுதியளித்தார்.அவர் மனிதர்களை வற்புறுத்துவதில்லை,இருப்பினும் தேர்வை மனிதர்களிடம் விட்டுவிட்டு,அவருடைய நீதியான வழிகளைத் தேர்ந்தெடுக்கும் சுதந்திரத்தை அவர்களுக்கு அளிக்கிறார்.அவருடைய நுகம் எளிதானது, அவருடைய சுமை இலகுவானது என்று இயேசு சொன்னார்!

யாக்கோபு இந்த போராட்டங்கள் மற்றும் வேதனைகள் அனைத்தையும் எளிதாகத் தவிர்த்திருக்க முடியும், ஆனால் அவன் செய்யவில்லை,ஏனெனில் அவனது மனம் ஏற்கனவே தாய்மாமன் வீட்டிற்கு செல்வதில் உறுதியாக இருந்தது.கடினமான வழியில் வாழ்க்கையின் பாடங்களைக் கற்கும் கொள்கையின் சீஷராக அவன் விரும்பினான் .எந்த ஒரு நல்ல முடிவும் அனுபவத்திலிருந்து வருகிறது,ஆனால் அனுபவமே மோசமான முடிவிலிருந்து தான் வருகிறது என்ற கூற்றின்படி வாழ நினைப்பது,உண்மையான வேதாகம அர்த்தத்தில் ஞானம் அல்ல.

என் பிரியமானவர்களே,இன்று நாம் கடினமான பாதையில் சென்றுகொண்டிருந்தாலும் சரி,இனிமேல் அப்படி செல்ல நேர்ந்தாலும் சரி,ஒவ்வொரு தவறையும் சரிசெய்து நம்மை நடத்தும் அவருடைய மகத்தான அன்பும்,தேவ நீதியும் நம்மோடு இருக்கிறது.”கடினத்தின் மூலம் பாடங்களை கற்றுக்கொள்வது” என்ற கொள்கை வழியாக செல்வதைத் தடுக்க இயேசுவே நமது பகுத்தறிவும் ஞானமுமாய் இருக்கிறார்!ஆமென் 🙏

நீங்கள் கிறிஸ்து இயேசுவுக்குள் தேவனுடைய நீதி என்று அறிக்கையிடுங்கள்.அவர் உண்மையுள்ளவர் மற்றும் அவருடைய நீதி உங்கள் கால்களை இடறாமலும் ,சிக்கிக்கொள்ளாமலும் காக்க வல்லது! அல்லேலூயா!! ஆமென் 🙏🏽

மகிமையின் ராஜாவாகிய இயேசுவைப் பாருங்கள்,வாழ்வில் வேதனையற்ற ஆசீர்வாதம் பெறுங்கள்!

கிருபை நற்செய்தி தேவாலயம்!

26-02-24
இன்றைய நாளுக்கான  கிருபை!

மகிமையின் ராஜாவாகிய இயேசுவைப் பாருங்கள்,வாழ்வில் என்றென்றும் ஆளுகை செய்ய ஆசீர்வாதம் பெறுங்கள்!

26. அவர்: நான் போகட்டும், பொழுது விடிகிறது என்றார். அதற்கு அவன்: நீர் என்னை ஆசீர்வதித்தாலொழிய உம்மைப் போகவிடேன் என்றான்.ஆதியாகமம் 32:26 NKJV

தேவன் நம் வேதனைக்கு காரணம் அல்ல,ஆனால் அவர் நம் வேதனையை ஒரு பெரிய ஆதாயமாக மாற்றுகிறார்.ஈசாக்கின் மகன் யாக்கோபு,தன் சகோதரனுக்கு அஞ்சி தன் தகப்பன் வீட்டை விட்டு உயிரைக் காத்துக்கொள்ள ஓடிப்போனான்.தன் தாய் மாமன் லாபானிடம் தஞ்சம் புகுந்த பிறகு யாக்கோபு தன் மாமன் வீட்டில் அவர் மந்தையை மேய்ப்பதற்காக வேலை செய்து,அவர் மகள்களில் ஒருத்தியை மணந்துகொள்ளலாம் என்று எத்தனித்திருந்தான்

காலப்போக்கில்,லாபான் தனது தந்திரங்களை பயன்படுத்தி யாக்கோபிடமிருந்து வேலைகளை தனக்கு சாதகமாக பெற்றுக்கொண்டான்.யாக்கோபு தனது சொந்த சகோதரனின் கோபத்திலிருந்து தஞ்சம் தேடி ஓடிய அவல நிலையை அறிந்ததால் அவனை லாபான் ஏமாற்றினான் .(ஆதியாகமம் 31:13) என்று வேதாகமத்தில் பார்க்கிறோம்.

உதவியற்ற யாக்கோபு துரோகம், ஏமாற்றுதல் மற்றும் நம்பிக்கையின்மை ஆகியவற்றால் பாதிக்கப்பட்டான்.அவன் தன் தந்தை வீட்டுக்கு திரும்பவும் முடியாமல் மற்றும் லாபானுடன் இருக்கவவும் முடியாது என்ற இக்கட்டில் சிக்கிக்கொண்டான்.20 ஆண்டுகளாக அவன் இந்த சோதனையை வேதனையோடு அனுபவித்தான். இந்த சகிக்க முடியாத வேதனை அவனது தெய்வீக இலக்கை அடையச்செய்யும் மாற்றமுடியாத ஆசீர்வாதத்தை தேவனிடமிருந்து தீவிரமாகத் தேடவும் பெறவும் வழிவகுத்தது. – அது சவாலற்ற மற்றும் இணையற்ற.ஆசீர்வாதம் .

என் அன்பானவர்களே, வேதனை என்பது என்னவென்றால்,ஒவ்வொருவரும் விதிவிலக்கு இல்லாமல் வேதனையை கடந்து செல்லக் காரணம் – பல சமயங்களில் அவர்கள் சுயஇச்சை தான், சில சமயங்களில் சூழ்நிலை அல்லது மக்களால் கூட துன்பம் ஏற்படலாம்.ஆனால், நல்ல செய்தி என்னவென்றால், எல்லா மனிதர்களும் கடந்து செல்லும் வேதனையை அனைத்தும் இயேசு கடந்து சென்று நமக்காக வெற்றி பெற்றார். எனவே, இந்த இயேசு உங்கள் வேதனையை இன்று பெரும் ஆதாயமாக மாற்றுகிறார்.

எப்பொழுதும் மீளமுடியாத,ஈடு இணையற்ற மற்றும் சவால் செய்ய முடியாத அவருடைய ஆசீர்வாதத்தைப் பெற இயேசுவைப் பற்றிக்கொள்ளுங்கள்!

நினைவில் கொள்ளுங்கள்,அவருடைய நீதியின் (நம்முடைய சுயநீதி அல்ல) அடிப்படையில் அவருடைய ஆசீர்வாதத்தைத் தேடும் போது மட்டுமே அது கிடைக்கும்.இயேசுவே நமது நீதி (T’sidkenu).அவருடைய இரத்தம் உங்களை நீதிமான்களாக்கியது,அவருடைய உயிர்த்தெழுதல் உங்களை என்றென்றும் நீதிமான்களாக்கியது. அல்லேலூயா! ஆமென் 🙏

மகிமையின் ராஜாவாகிய இயேசுவைப் பாருங்கள்,வாழ்வில் என்றென்றும் ஆளுகை செய்ய ஆசீர்வாதம் பெறுங்கள்

கிருபை நற்செய்தி தேவாலயம்!

23-02-24
இன்றைய நாளுக்கான  கிருபை!

மகிமையின் ராஜாவாகிய இயேசுவைப் பாருங்கள்,வாழ்வில் ஆளுகை செய்ய மனக்கண்கள் பிரகாசிக்கப் பெறுங்கள்!

47.அவன் நசரேயனாகிய இயேசு வருகிறாரென்று கேள்விப்பட்டு: இயேசுவே,தாவீதின் குமாரனே, எனக்கு இரங்கும் என்று கூப்பிடத் தொடங்கினான்
51. இயேசு அவனை நோக்கி: நான் உனக்கு என்னசெய்ய வேண்டும் என்றிருக்கிறாய் என்றார். அதற்கு அந்தக் குருடன்: ஆண்டவரே, நான் பார்வையடையவேண்டும் என்றான்.
52. இயேசு அவனை நோக்கி: நீ போகலாம், உன் விசுவாசம் உன்னை இரட்சித்தது என்றார். உடனே அவன் பார்வையடைந்து, வழியிலே இயேசுவுக்குப் பின்சென்றான்..மாற்கு 10:47,51,52 NKJV

மேசியாவின் முக்கிய அற்புதங்களில் ஒன்று பார்வையற்றவர்களின் கண்களைத் திறப்பது.உடல்நலக் குறைவால் பார்வையற்றவர்,பார்வை இழந்தவர் அல்லது பிறவி குருடராக பிறந்தவர்,பழைய ஏற்பாட்டில் குணமடைந்ததாக சரித்திரம் இல்லை என்ற செய்தியை நாங்கள் பார்த்ததில்லை.

அந்த குருடன் கூக்குரலிட்டபோது,அவன் தற்செயலாகவோ அல்லது தவறாகவோ கூப்பிடவில்லை,மாறாக அவன் தாவீது ராஜாவின் வம்சத்திலிருந்து வந்த இயேசுவாகிய மேசியாவின் பெயரை தீவிரமாக கூச்சலிட்டான்.கர்த்தராகிய இயேசு நின்று உடனடியாக ஒரு ராஜாவிற்குரிய அதிகார வார்த்தையைப் பேசினார்,பிதாவாகிய தேவன் அதை உறுதிப்படுத்தினார்,பார்வையற்ற குருடன் பார்க்கத் தொடங்கினான். அல்லேலூயா!

என் அன்பானவர்களே,இன்று நாம் உடல்ரீதியாக பார்வையற்றவர்களாக இல்லாமல் இருக்கலாம்,ஆனால் நம்மில் பெரும்பாலோர் ஆன்மீக ரீதியில் பார்வையற்றவர்களாக இருக்கிறோம்.ஆகார் தனது மகனுடன் வெளியே அனுப்பப்பட்டாள்,தண்ணீர் இல்லாததால் பாலைவனத்தில் தனது மகன் இறக்கும் தருணத்தில்,தேவன் அந்த பையனின் அவலமான கூக்குரலைக் கேட்டு அவள் கண்களைத் திறந்தார், அவள் ஒரு தண்ணீர் ஊற்றைக் கண்டாள்.அந்த நேரத்தில் தேவன் அங்கு ஒரு ஊற்றை உருவாக்கவில்லை, மாறாக அந்த பாலைவனத்தில் ஏற்கனவே இருந்த ஊற்றைப் பார்க்க ஆகாரின் மூடியிருந்த கண்களைத் திறந்தார். இன்றும் கூட,உங்கள் பிரச்சனைக்கான தீர்வை நீங்கள் பார்க்காமல் இருக்கலாம், ஆனால் உங்கள் கண் முன்னே தீர்வு இருக்கிறது.இந்த குருட்டுத்தன்மையால் ஏற்படும் துன்பம் பயங்கரமானது!

உலகத்தின் ஒளியாக விளங்கும் மேசியாவாகிய ஆண்டவர் இயேசுவை நோக்கி கூப்பிடுங்கள்,அவர் உங்கள் கண்களைத் திறந்து ஒளிரச் செய்வார். (எபேசியர் 1:17-19) இதுவே இன்றைய உங்கள் வேதனைக்குத் தீர்வாகும்.மகிமையின் ராஜா இன்று உங்களை இம்மண்ணில் ஆளுகைச் செய்யும் ஒளி பெற உங்கள் கண்களைத் திறக்கிறார்.ஆமென் 🙏

மகிமையின் ராஜாவாகிய இயேசுவைப் பாருங்கள்,வாழ்வில் ஆளுகை செய்ய மனக்கண்கள் பிரகாசிக்கப் பெறுங்கள்.

கிருபை நற்செய்தி தேவாலயம்!

22-02-24
இன்றைய நாளுக்கான  கிருபை!

மகிமையின் ராஜாவாகிய இயேசுவைப் பார்ப்பது,உங்கள் விரக்தியை,விசாலமான எதிர்காலமாக மாற்றுகிறது!

47. அவன் நசரேயனாகிய இயேசு வருகிறாரென்று கேள்விப்பட்டு: இயேசுவே, தாவீதின் குமாரனே, எனக்கு இரங்கும் என்று கூப்பிடத் தொடங்கினான்.
48. அவன் பேசாதிருக்கும்படி அநேகர் அவனை அதட்டினார்கள். அவனோ: தாவீதின் குமாரனே, எனக்கு இரங்கும் என்று முன்னிலும் அதிகமாய்க் கூப்பிட்டான்.
49. இயேசு நின்று, அவனை அழைத்துவரச் சொன்னார். அவர்கள் அந்தக் குருடனை அழைத்து: திடன்கொள், எழுந்திரு, உன்னை அழைக்கிறார் என்றார்கள்.மாற்கு 10:47-49 NKJV

நீங்கள் விரக்தியடைந்து,உங்கள் அழுகை கேட்கப்படும் என்பதை அறிந்தால்,நீங்கள் எவ்வளவு எதிர்ப்பை சந்தித்தாலும்,விடாமல் தொடர்ந்து அதிசயத்தைப் பெற முன்னேறுவீர்கள்.

மேற்கண்ட வேதப்பகுதியில் வரும் குருடன் முதன்முறையாக கூச்சலிட்டான்,அப்பொழுது சத்தத்தில் ஆண்டவர் இயேசு அவன் சத்தத்தை கேட்டும் கேளாததுபோல் அவனைக் கடந்து சென்றார்.சீஷர்கள் அவனை அமைதியாக இருக்கும்படி மிரட்டினர் .ஆனால்,பர்திமேயு தனது அழுகையின் தீவிரத்தை மேலும் அதிகரித்து கூச்சலிட்டான்.இது விரக்தியின் உச்சத்தை காட்டுகிறது.(முழுமையான உதவியற்ற தன்மையைக் காட்டுகிறது). ஆம்,அவனது விசுவாசம் தேவனின் கிருபையை சந்திக்கும் நேரம் அது.அல்லேலூயா!

என் அருமை நண்பர்களே,உங்களை எதிர்த்துக் குரல்கள் தொனிக்கின்றதா ?உங்கள் தற்போதைய மோசமான நிலையை நீங்கள் பொறுத்துக்கொள்ள வேண்டும் என்று இந்தக் குரல்கள் கூறுகின்றனவா? தற்சமயம் என்ன சூழ்நிலையில் நீங்கள் இருந்தாலும் அதில் சமரசம் ஆகுங்கள் என்று குரல்கள் தீவிரமாக வலியுறுத்துகின்றனவா?மனம் சோர்வடையாதிருங்கள்! மகிமையின் ராஜாவாகிய இயேசுவிடம் உங்கள் அழுகையின் கூக்குரலை உயர்த்துங்கள்.அவர் காது கேளாதவர் அல்ல,மாறாக அவரது காதுகள் எப்போதும் உங்கள் அழுகையை உன்னிப்பாகக் கேட்க தயாராக உள்ளது .

உங்கள் கூக்குரல் இயேசுவை அப்படியே நிற்க செய்யும்.அதுதான் அவர் சந்திப்பின் நேரம் ! அதாவது விசுவாசமும்,கிருபையும் சந்திக்கிற இடம் !அற்புதங்கள் தேவனால் மட்டுமே செய்யப்படுகின்றன,அவர் ஒரு அற்புதமான தேவன் என்பதைக் காட்டுவது மட்டுமல்லாமல்,நீங்கள் பரலோகத்தால் சான்றளிக்கப்பட்ட மற்றும் எல்லா மனிதர்களாலும் அங்கீகரிக்கப்பட்ட ஒரு தனித்துவமான விசுவாசி என்பதைக் காட்டவுமே அற்புதம் செய்கிறார்.ஆம் அவருடைய மாபெரும் கிருபைக்கும் அவருடைய அற்புதமான வல்லமைக்கும் நீங்களே சாட்சி! ஆமென் 🙏

மகிமையின் ராஜாவாகிய இயேசுவைப் பார்ப்பது,உங்கள் விரக்தியை,விசாலமான எதிர்காலமாக மாற்றுகிறது.

கிருபை நற்செய்தி தேவாலயம்!.

21-02-24
இன்றைய நாளுக்கான  கிருபை!

மகிமையின் ராஜாவாகிய இயேசுவைப் பார்ப்பது,அவருடைய கிருபையும் உங்கள் விசுவாசமும் சந்திக்கும் இடம்!

46. பின்பு அவர்கள் எரிகோவுக்கு வந்தார்கள். அவரும் அவருடைய சீஷர்களும் திரளான ஜனங்களும் எரிகோவைவிட்டுப் புறப்படுகிறபோது, திமேயுவின் மகனாகிய பர்திமேயு என்கிற ஒரு குருடன், வழியருகே உட்கார்ந்து, பிச்சை கேட்டுக்கொண்டிருந்தான்.
47. அவன் நசரேயனாகிய இயேசு வருகிறாரென்று கேள்விப்பட்டு: இயேசுவே, தாவீதின் குமாரனே, எனக்கு இரங்கும் என்று கூப்பிடத் தொடங்கினான்.
52. இயேசு அவனை நோக்கி: நீ போகலாம், உன் விசுவாசம் உன்னை இரட்சித்தது என்றார். உடனே அவன் பார்வையடைந்து, வழியிலே இயேசுவுக்குப் பின்சென்றான். மாற்கு 10:46-47, 52 NKJV

மேற்கண்ட பகுதியில் பார்த்த குருடனின் குணமடைய வேண்டும் என்ற விரக்தியான சூழ்நிலை இன்றும் உங்கள் விரக்தி,உங்கள் இலக்கிற்கு எப்படி வழி வகுக்கிறது என்பதைப் புரிந்துகொள்ள ஒரு அற்புதமான சான்றாகும்.

கிருபையானது ,கடைசியாக இருப்பவர்,குறைவானவர்,எல்லாம் இழந்தவர்,தாழ்ந்தவர் ஆகியவர்களைத் தேடி வருகிறது.இந்த கிருபை இயேசு கிறிஸ்துவின் உருவில் வருகிறது.இந்த கிருபையைப் பெறுவதே ராஜ்யத்தில் ஆசீர்வாதங்களைப் பெறுவதற்கான விதிமுறையாகும்!இருப்பினும்,ராஜ்யத்தில் அற்புதங்கள் தானாக நடப்பதில்லை.இந்த ராஜ்யத்தில் நம்மைத் தேடி வரும் கிருபையை பெற்றுக்கொள்ள நம் விசுவாசம் இன்றியமையாதது.இந்த ரகசியத்தை புரிந்துகொள்வதே இன்று உங்கள் அதிசயத்தை பெறுவதற்கான திறவுகோல்!

இயேசு எரிகோவிற்குள் வந்தார்,அவர் குருடனைக் கடந்து சென்றார்,வழியோரம் இருந்த அவனுக்கு எதுவும் நடக்கவில்லை என்று மேலே உள்ள பகுதி அழகாகக் கூறுகிறது.ஆனால்,இயேசு எரிகோவிலிருந்து புறப்பட்டு, இரண்டாம் முறை குருடனைக் கடந்து செல்லவிருந்தபோது,அந்த குருடன்,இரண்டாவது முறை அவரைத் தவறவிட்டால் மீண்டும் ஒரு வாய்ப்பு கிடைக்காமல் போகலாம் என்பதை அறிந்து,தன் முழு பலத்துடன் கூக்குரலிட்டான்.இந்த விரக்திதான் அந்த வழியாகச் சென்று கொண்டிருந்த கிருபையானவரை அப்படியே நிற்க வைத்தது.இந்த விரக்தியின் கூக்குரலைத்தான் இயேசு விசுவாசம் என்று அழைக்கிறார்.

நம்மை நாடி வரும் கிருபையோடு நம் விசுவாசம் சந்திப்பதன் விளைவு அதிசயம்! பார்வையற்ற பர்திமேயு தன் விரக்தியில் கூக்குரலிட்டான் காரணம்”இப்போது இல்லை என்றால் எப்போதும் இல்லை”என்று ஒரு விஷயத்தை அவன் கூக்குரல் எதிரொலித்தது.

என் அன்பானவர்களே,இன்றே உங்கள் நாள்,இப்போதே உங்கள் அதிசயத்தின் நேரம். உங்கள் முழு இருதயத்தோடும் முழு ஆத்துமாவோடும் இயேசுவை நோக்கி கூக்குரலிடுங்கள்,அவருடைய கிருபையை நீங்கள் இன்றே பெறுவீர்கள்!
அவருடைய நீதியானது ஒவ்வொரு தவறான பாதையையும் சரிப்படுத்தி,கோணலானவைகளை நேராக்கும்! இயேசுவின் நாமத்தில் இன்றே உங்கள் அற்புதத்தை பெறுவீர்கள்!! ஆமென்

மகிமையின் ராஜாவாகிய இயேசுவைப் பார்ப்பது,அவருடைய கிருபையும் உங்கள் விசுவாசமும் சந்திக்கும் இடம்.

கிருபை நற்செய்தி தேவாலயம்.

20-02-24
இன்றைய நாளுக்கான  கிருபை!

வாழ்வில் விரக்தியின் மத்தியில் மகிமையின் ராஜாவாகிய இயேசுவை சந்தித்து,உங்கள் இலக்கை அடைய உயர்த்தப்படுங்கள்!

27. இயேசுவைக்குறித்துக் கேள்விப்பட்டு: நான் அவருடைய வஸ்திரங்களையாகிலும் தொட்டால் சொஸ்தமாவேன் என்று சொல்லி;
28. ஜனக்கூட்டத்துக்குள்ளே அவருக்குப் பின்னாக வந்து, அவருடைய வஸ்திரத்தைத் தொட்டாள்.
29. உடனே அவளுடைய உதிரத்தின் ஊறல் நின்றுபோயிற்று; அந்த வேதனை நீங்கி ஆரோக்கியமடைந்ததை அவள் தன் சரீரத்தில் உணர்ந்தாள்.மாற்கு 5:27-29 NKJV.

விரக்தி என்பது மாறுவேடத்தில் வரும் ஒரு ஆசீர்வாதம்,அதை சரியான அணுகுமுறையுடன் கையாளும் போது, ​​உங்கள் இலக்கிற்கு அது உங்களை அழைத்துச் செல்லும்!

வாழ்க்கை உங்களுக்கு உங்கள் தகுதியை விட அதிகமாக வழங்காதபோது,இந்த வாழ்க்கை உங்களை நம்பிக்கையில்லா விளிம்பிற்க்கு தள்ளும்.புத்திசாலித்தனம்,செல்வம்,மக்கள் செல்வாக்கு,கல்வி சாதனைகள் மற்றும் அனுபவங்கள் நீங்கள் விரும்பிய இலக்கை அடைய உதவாத போது மற்றும் உங்கள் உள்மனதின் ஆசை அல்லது இன்றியமையாத தேவைகள் நிறைவேறாதபோது,நீங்கள் அவநம்பிக்கையும் ,விரக்தியும் அடைகிறீர்கள்.உங்கள் எதிர்காலம் உங்களுக்கு இருண்டதாகவும்,என்ன செய்வது என்று தெரியாமல் நம்பிக்கையற்றதாகவும் இருக்கிறது, ஏனென்றால் நீங்கள் உங்களால் முடிந்த அனைத்தையும் முயற்சித்தீர்கள் ஆனால் பயனில்லை.

அப்படிப்பட்ட சமயங்களில்,நெருங்க முடியாத வெளிச்சத்தில் இருக்கும் பரலோகத்தில் உள்ள பெரிய தேவன் உங்களோடு இடைப்படுகிறார்.உங்கள் துக்கத்தை சொல்ல முடியாத மகிழ்ச்சியாகவும் மகிமை நிறைந்ததாகவும்,உங்கள் நோயை ஆரோக்கியமாகவும் இயேசு மாற்றுகிறார்.அப்பொழுது நம் வாழ்வில் நிறைவேறாத கனவுகள் மற்றும் ஆசைகள்,கற்பனைக்கு அப்பாற்பட்ட அற்புதமான இலக்கை அடைகிறது !அல்லேலூயா!!

இன்றே உங்கள் நாள்!இப்போதே உங்கள் அற்புதத்தின் நேரம்!கர்த்தர் உங்கள் விரக்தியிலிருந்து உங்களை உயர்த்தி,உங்கள் இலக்கிற்கு உங்களை அழைத்துச் செல்வார்,அதற்காக நீங்கள் நித்தியமாக நன்றியுள்ளவர்களாக இருப்பீர்கள்,அவருடைய நிபந்தனையற்ற அன்பு மற்றும் விவரிக்க முடியாத பரிசு – இயேசு!

பரிசுத்த ஆவியானவர் இயேசுவின் நாமத்தில் இன்று அவருடைய நீதியாகிய ஆடையின் ஓரத்தைத் தொடும்படி உதவுவீராக!ஆமென் 🙏

நீங்கள் கிறிஸ்து இயேசுவுக்குள் தேவனின் நீதியாயிருக்கிறீர்கள்!

வாழ்வில் விரக்தியின் மத்தியில் மகிமையின் ராஜாவாகிய இயேசுவை சந்தித்து,உங்கள் இலக்கை அடைய உயர்த்தப்படுங்கள்.

கிருபை நற்செய்தி தேவாலயம்.

19-02-24
இன்றைய நாளுக்கான  கிருபை!

வாழ்வில் விரக்தியின் மத்தியில் மகிமையின் ராஜாவாகிய இயேசுவை சந்தித்து,உங்கள் இலக்கை அடையுங்கள்!

25. அப்பொழுது பன்னிரண்டு வருஷமாய்ப் பெரும்பாடுள்ள ஒரு ஸ்திரீ,
26. அநேக வைத்தியர்களால் மிகவும் வருத்தப்பட்டு, தனக்கு உண்டானவைகளையெல்லாம் செலவழித்தும், சற்றாகிலும் குணமடையாமல் அதிக வருத்தப்படுகிறபொழுது,
27. இயேசுவைக்குறித்துக் கேள்விப்பட்டு: நான் அவருடைய வஸ்திரங்களையாகிலும் தொட்டால் சொஸ்தமாவேன் என்று சொல்லி;மாற்கு 5:25-27 NKJV

அந்தப் பெண் இயேசுவைப் பற்றி கேள்விப்படுவதற்கு முன்பு,அவள் 12 ஆண்டுகளாக மெனோரேஜியாஎன்ற நோயால் மிகவும் அவதிப்பட்டாள்.அது அவளுக்கு சமூக அங்கீகாரமின்மை,பணப்பற்றாக்குறை, தொடர்ச்சியான சோர்வு மற்றும் கொடூரமான வலியை ஏற்படுத்தியது.அவள் சமூகத்தால் ஒடுக்கப்பட்டவளும் மற்றும் நம்பிக்கையற்றவளுமாக இருந்தாள்.ஏனென்றால் அவளுடைய வியாதியிலிருந்து குணமடைய அவள் செய்த அனைத்து தீவிரமான முயற்சிகளும் தோல்வியடைந்தன,அவளுக்கு மருத்துவ முறையிலிருந்து எந்த நிவாரணமும் இல்லை,மாறாக அவளுடைய துன்பம் அதிகரித்தது மற்றும் மருத்துவர்களால் கைவிடப்பட்டு அவளுடைய நிலை மோசமடைந்தது.

அந்தோ!அவள் குணமடைய ஏங்கினாள் ஆனால் அதை எப்படி பெறுவது என்று தெரியவில்லை.

என் அருமை நண்பர்களே,வாழ்க்கையில் தீர்வு காணாமல் ஏற்படும் விரக்தியின் காரணமாக மனச்சோர்வு மற்றும் மனஅழுத்தம் ஏற்படுத்துகிறது.ஆனால் அந்த விரக்தியால் துன்பப்படுபவர்களை இயேசுவிடம் கூட்டிச் சென்றால்,அவர் நிச்சயமாக சில பயங்கரமான சூழ்நிலைகளால் உதவியற்ற முறையில் நீண்ட காலமாக .
துன்பப்படும் ஒவ்வொருவருக்கும் பரிகாரத்தைக் கொண்டு வர முடியும்.

என் அன்பானவர்களே,உங்களுக்கு ஏதேனும் பிரச்சினை இருந்தால்,அது மிகுந்த மன அழுத்தத்தையும், நம்பிக்கையற்ற தன்மையையும் ஏற்படுத்தியிருந்தால்,அதிலிருந்து விடுபட நீங்கள் மிகவும் ஆவலோடிருந்தால்,தயவுசெய்து மகிழ்ச்சியாக இருங்கள்.இயேசு உங்களை முழுமையாக விடுவிக்க முடியும்.காற்றைக் கடிந்து கடலை அமைதிப்படுத்தியவர், இப்போது நீங்கள் அனுபவிக்கும் புயல்களுக்கு முற்றுப் புள்ளி வைப்பார்.

இந்தப் பெண்ணின் விரக்தி அவளை இயேசுவிடம் அழைத்துச் சென்றது! அவள் இயேசுவிடமிருந்து குணமடைந்து நிரந்தரமாக மீட்கப்பட்டாள். அல்லேலூயா!
இன்று இதுவே உங்கள் வாக்கு !உங்கள் வாழ்க்கையின் அச்சுறுத்தும் புயல்களின் மத்தியில் மீட்பராகிய இயேசுவைக்கண்டு அமைதல் பெறுங்கள்.ஆமென் 🙏

வாழ்வில் விரக்தியின் மத்தியில் மகிமையின் ராஜாவாகிய இயேசுவை சந்தித்து,உங்கள் இலக்கை அடையுங்கள்.

கிருபை நற்செய்தி தேவாலயம்.

16-02-24
இன்றைய நாளுக்கான  கிருபை!

மகிமையின் ராஜாவாகிய இயேசுவைப் பார்த்து,வாழ்வில் ஆளுகை செய்ய அவரைப் பற்றிய ஞானத்தால் அறிவொளி பெறுங்கள்!

10. இயேசு இதைக் கேட்டு ஆச்சரியப்பட்டு, தமக்குப் பின் செல்லுகிறவர்களை நோக்கி: இஸ்ரவேலருக்குள்ளும் நான் இப்படிப்பட்ட விசுவாசத்தைக் காணவில்லை என்று, மெய்யாகவே உங்களுக்குச் சொல்லுகிறேன்.
13. பின்பு இயேசு நூற்றுக்கு அதிபதியை நோக்கி: நீ போகலாம், நீ விசுவாசித்தபடியே உனக்கு ஆகக்கடவது என்றார். அந்த நாழிகையிலே அவன் வேலைக்காரன் சொஸ்தமானான். மத்தேயு 8:10, 13 NKJV.

ஏறக்குறைய 30 ஆண்டுகளுக்கு முன்பு பாஸ்டர் பென்னி ஹின்னிடமிருந்து நான் கற்றுக்கொண்ட விசுவாசத்தின் ஏணியில் பல படிகள் உள்ளன.அவற்றை உங்களுக்காக பட்டியலிடுகிறேன்:

1. பொதுவான விசுவாசம்
2. சிறிய விசுவாசம்
3. தற்காலிக விசுவாசம்
4. வலுவான விசுவாசம்
5. பெரிய விசுவாசம் 6. அறிக்கை செய்யும் விசுவாசம்
7. தெய்வீக விசுவாசம்

இயேசு நூற்றுக்கதிபதியின் விசுவாசத்தைக் கண்டு வியந்து,அதை‘பெரிய விசுவாசம்’என்று அழைத்தார்.அது மேற்கண்ட வரிசையில் 5வது படி! யூதராக இல்லாத, ந்த திரித்துவக் கல்லூரியிலும் படிக்காத போதிலும் ‘பெரும் விசுவாசம் ’கொண்ட ஒரு புறஜாதியைக் கண்ட எவரையும் வியக்கச் செய்யும்.

உங்கள் தேவனைப் பற்றிய உங்கள் அறிவு உங்கள் விசுவாசத்தை வரையறுக்கிறது.ஒருபுறம், நீங்கள் யார் என்பதைப் பற்றிய உங்கள் உண்மையான சுய பரிசோதனை,மறுபுறம் உங்கள் தேவன் யார் என்பதைப் பற்றிய உங்கள் ஆழமான சுய-உணர்தல்,இவை உங்கள் விசுவாசத்தின் முழுமையான ஆழத்தை விளக்குகிறது. ஆமென்!

நூற்றுக்கதிபதி இயேசுவை தனது இதயத்தில் ராஜாவாகக் கண்டார்,ஆண்டவராகிய இயேசுவை தேவனின் ஊழியராக அல்ல,சேவை செய்ய வந்தவர் என்று நினைக்கவில்லை.மாறாக
அவர் இயேசுவை ஒரு பெரிய ராஜாவாகக் கண்டார்,அவரை எல்லா படைப்புகளும் வணங்கி,பரிசுத்த்தோடு சேவிக்கின்றதை அறிந்திருந்தார்! அல்லேலூயா!!

அன்புள்ள அப்பா பிதாவே,இயேசுவை உள்ளுணர்வாகவும் நெருக்கமாகவும் அறிந்துகொள்ள ஞானம் மற்றும் வெளிப்பாட்டின் ஆவியை எனக்குக் கொடுங்கள்,அதனால் நான் இயேசுவின் நாமத்தில் மக்களிடமிருந்து அல்ல,தேவனிடமிருந்து புகழ்ச்சி பெற உதவுவீராக.ஆமென் 🙏

மகிமையின் ராஜாவாகிய இயேசுவைப் பார்த்து,வாழ்வில் ஆளுகை செய்ய அவரைப் பற்றிய ஞானத்தால் அறிவொளி பெறுங்கள்!

கிருபை நற்செய்தி தேவாலயம்.

15-02-24
இன்றைய நாளுக்கான  கிருபை!

மகிமையின் ராஜாவாகிய இயேசுவைப் பார்த்து,புரிந்துகொள்ளும் இதயத்தைப் பெற்று,வாழ்வில் ஆளுகை
செய்யுங்கள்!

8. நூற்றுக்கு அதிபதி பிரதியுத்தரமாக:ஆண்டவரே! நீர் என் வீட்டுக்குள் பிரவேசிக்க நான் பாத்திரன் அல்ல; ஒரு வார்த்தைமாத்திரம் சொல்லும், அப்பொழுது என் வேலைக்காரன் சொஸ்தமாவான்.
9. நான் அதிகாரத்துக்குக் கீழ்ப்பட்டவனாயிருந்தும், எனக்குக் கீழ்ப்பட்டிருக்கிற சேவகருமுண்டு; நான் ஒருவனைப் போவென்றால் போகிறான், மற்றொருவனை வாவென்றால் வருகிறான், என் வேலைக்காரனை, இதைச் செய் என்றால் செய்கிறான் என்றான்.மத்தேயு 8:8-9 NKJV

நேர்மையான சுயபரிசோதனை மற்றும் தேவனுக்கு அடிபணிதல் அவரைப் பிரியப்படுத்துகிறது,மேலும் இது தேவனிடமிருந்து பெறுவதற்கான விரைவான வழியாகும்.
நூற்றுக்கதிபதி அவனுடைய வாழ்க்கையை முழுமையாக ஆராய்ந்து,இயேசு தன் இல்லத்திற்கு வருவதற்கு அவன் தகுதியற்றவன் என்று இயேசுவிடம் உரைத்தான். காரணம், அந்த நாட்களில் எந்த யூதரும் ஒரு புறஜாதி வீட்டிற்குச் செல்ல இஸ்ரவேலின் சட்டம் அனுமதிக்கவில்லை (அப்போஸ்தலர் 10:28; 11:2).

மனிதகுல வரலாற்றில் இதுவரை வாழ்ந்த ஞானமுள்ள ராஜாவான சாலோமன், தான் ஞானம் இல்லாதவர் என்றும்,ராஜாவாக நியமிக்கப்பட்டாலும், அவர் தனது புரிதலில் அப்பாவியாகவும், உண்மையான அர்த்தத்தில் ராஜாவாக இருக்க தகுதியற்றவர் என்றும் தேவனிடம் ஒப்புக்கொண்டார் (1 ராஜாக்கள். 3:7-9).இந்த ஜெபம் தன்னைப் பற்றிய உண்மையான நிலையை முழுமையாகப் புரிந்துகொண்டு தேவனுக்குச் சமர்ப்பிக்கப்பட்டது,கடவுளைப் பிரியப்படுத்தியது (1 இராஜாக்கள் 3:10).சாலோமன்,அரச பரம்பரையில் பிறந்தாலும்,ஆட்சி செய்ய ஞானமாகப் பிறக்கவில்லை என்றாலும்,சர்வ வல்லமையுள்ள கடவுளிடம், தன் குறைபாடு மற்றும் இயலாமையை மனத்தாழ்மையுடன் கடவுளுக்குச் சமர்ப்பித்ததால்,அவர் ஞானமுள்ளவராக மாறினார்.சாலோமன் அரச குடும்பத்தில் பிறந்து அரியணை ஏறினாலும்,அரசனாகும் தெய்வீக குணம் அவரிடம் இல்லை என்பதை புரிந்து கொண்டார்.தேவனுக்கு முன்பாக இந்த நேர்மையான சமர்ப்பணம் கடவுளின் ஞானத்தைப் பெறுவதற்கான திறவுகோலாகும்! இதன் விளைவாக,சாலொமோன் அவருடைய காலத்திலும் அதற்குப் பிறகு கர்த்தராகிய இயேசு வரும் வரையிலும் எல்லா மனிதர்களுக்கும் மேலாக ஞானமுள்ளவராக ஆனார்.

என் அன்பு நண்பர்களே,எந்த மாறுவேடமும் இல்லாமல் தேவனிடம் உண்மையாக நேர்மையாக இருங்கள், அவர் உங்களை உயர்ந்த நிலைக்கு உயர்த்துவார்.உண்மையான மனத்தாழ்மையுடன் மகிமையின் ராஜாவுடன் ஒரு சந்திப்பு உங்களை வளப்படுத்தும் மற்றும் இயேசுவின் பெயரில் ஒரு ராஜாவாக உங்களை அரியணையில் அமர்த்தும்.ஆமென் 🙏

மகிமையின் ராஜாவாகிய இயேசுவைப் பார்த்து,புரிந்துகொள்ளும் இதயத்தைப் பெற்று,வாழ்வில் ஆளுகை செய்யுங்கள்!

கிருபை நற்செய்தி தேவாலயம்.