05-03-25
இன்றைய நாளுக்கான கிருபை!
மகிமையின் பிதாவை அறிவது, வெளிப்பாட்டின் மூலம் நமக்கு ஓய்வு அளிக்கிறது!
27. சகலமும் என் பிதாவினால் எனக்கு ஒப்புக்கொடுக்கப்பட்டிருக்கிறது; பிதா தவிர வேறொருவனும் குமாரனை அறியான்; குமாரனும், குமாரன் எவனுக்கு அவரை வெளிப்படுத்தச் சித்தமாயிருக்கிறாரோ அவனும் தவிர, வேறொருவனும் பிதாவை அறியான்.
28. வருத்தப்பட்டுப் பாரஞ்சுமக்கிறவர்களே! நீங்கள் எல்லாரும் என்னிடத்தில் வாருங்கள்; நான் உங்களுக்கு இளைப்பாறுதல் தருவேன். மத்தேயு 11:27-28 (NKJV)
பிதாவை உண்மையாக அறிந்துகொள்வதற்கான ஒரே வழி குமாரன் மூலமேயாகும், இந்த வெளிப்பாடுதான் நம்மை அவருடைய பரிபூரண இளைப்பாறுதலுக்குக் கொண்டுவருகிறது—நம் வாழ்க்கைக்கு அவர் வைத்திருக்கும் மிகச் சிறந்ததாகும்.
தேவனுடைய குமாரன் இந்த உலகத்திற்கு வந்ததன் நோக்கம், பிதாவை—வானத்துக்கும் பூமிக்கும் தேவனாக—நம் அன்பான பிதாவாக வெளிப்படுத்துவதாகும். இயேசு நம்மை தம்மிடம் வரும்படி அழைக்கிறார், ஏனென்றால் அவர் பிதாவை நமக்கு வெளிப்படுத்த விரும்புகிறார். இந்த வெளிப்பாட்டை நாம் பெறும்போது, கிறிஸ்துவில் நம்முடைய பரம்பரையின் முழுமையை அனுபவித்து, தெய்வீக இளைப்பாருதளுக்குள் நுழைகிறோம்.
குமாரன் பிதாவை வெளிப்படுத்தாமல், நாம் வாழ்க்கையில் எந்த நல்ல காரியத்தையும் பெற முடியாது.
குமாரனிடம் வராமல், பிதாவிடமிருந்து எதையும் பெற முடியாது.
பிதா குமாரனை நமக்கு வெளிப்படுத்தாமல், குமாரனிடம் ஒப்படைக்கப்பட்ட ஆசீர்வாதங்களில் நாம் பங்குகொள்ள முடியாது.
பிரியமானவர்களே, பிதாவையும் குமாரனையும் அறிந்துகொள்வதே நமது மிகப்பெரிய முயற்சியாக இருக்க வேண்டும். இதுவே நித்திய ஜீவன் (யோவான் 17:3). _ குமாரனில் ஜீவன் இருக்கிறது, இந்த ஜீவன் எல்லா மனிதர்களுக்கும் வளர்ச்சியையும், ஆசீர்வாதத்தையும், செழுமையையும் கொண்டு வரும் வெளிச்சம் (யோவான் 1:4). பிதா மற்றும் குமாரன் இருவரும் உங்களுக்கு சிறந்ததை வழங்க விரும்புகிறார்கள் – ஆனால் வெளிப்பாட்டின் மூலம் நாம் அவற்றை அறிய முற்படும்போது அது நடக்கும்.
மகிமையின் பிதாவாகிய நம்முடைய கர்த்தராகிய இயேசு கிறிஸ்துவின் தேவன், பிதா மற்றும் குமாரனைப் பற்றிய அறிவில் ஞானம் மற்றும் வெளிப்பாட்டின் ஆவியை உங்களுக்கு வழங்குவாராக! ஆமென் 🙏
மகிமையின் பிதாவை அறிவது,வெளிப்பாட்டின் மூலம் நமக்கு ஓய்வு அளிக்கிறது.
நீங்கள் கிறிஸ்து இயேசுவில் தேவனுடைய நீதி!
கிருபை (பு) நற்செய்தி பேராலயம்!