28-12-23
இன்றைய நாளுக்கான கிருபை!
இயேசுவை நோக்கிப் பார்ப்பது,என்னில் உள்ள இயேசு கிறிஸ்துவை வெளிப்படுத்துகிறது!
23. அவன்: இதோ, ஒரு கன்னிகை கர்ப்பவதியாகி ஒரு குமாரனைப் பெறுவாள்; அவருக்கு இம்மானுவேல் என்று பேரிடுவார்கள் என்று சொன்னான். இம்மானுவேல் என்பதற்கு தேவன் நம்மோடிருக்கிறார் என்று அர்த்தமாம்.மத்தேயு 1:23 NKJV.
இயேசு இம்மானுவேலாக இருக்கிறார் – கடவுள் நம்முடன் இருக்கிறார் என்று பொருள்படும்!
தேவ குமாரனை நாம் விசுவாசிக்கும்போது,தேவ குமாரர்களாக,என்றென்றும் வாழ,மற்றும் நீதியினாடை அணிந்து,மேன்மையான அரசர்களாக வாழ்வோம் என்பதற்கு அடையாளமாக,கந்தை துணியால் போர்த்தப்பட்ட தொழுவத்தில் அவர் பிறந்தார்.
காலப்போக்கில் வரலாறான இயேசுவின் பிறப்பு,இன்று நம்மூலம் வெளிப்பட கிறிஸ்து நம்மில் பிறந்து, நம்மில் வாழும் போது தேவனின் இரகசியம் வெளிப்படுத்தப்படுகிறது .
ஒவ்வொரு முறையும் நாம் கிறிஸ்துமஸைக் கொண்டாடும்போது, நம்மை நாம் சரிபார்க்க இது ஒரு மென்மையான நினைவூட்டல் –
1. கிறிஸ்து உண்மையில் நம்மில் இருக்கிறாரா?
2 நம்மில் உள்ள கிறிஸ்து ஞானத்திலும்,வளர்த்தியிலும் கடவுளின் தயவிலும். எல்லா மனிதர்களின் தயவிலும் வளர்ச்சியைக் காண்கிறாரா? (லூக்கா 2:52)
அவர் இம்மானுவேலாக நமக்குள் வந்தார் – இன்று மனிதனுக்குள் குடிகொண்டிருக்கிறார்.“In man is El”! ! அல்லேலூயா!
என் அன்பானவர்களே,நம்மோடு இருக்கிற இம்மானுவேல் இன்று நமக்குள் இருக்கிறார்.தேவன் நமக்குள் வாழ்கிறாரா என்று சீர்தூக்கி பார்க்க அழைக்கப்படுகிறோம் ? என்னில் கிறிஸ்துவின் வெளிப்பாடு என்பது தேவன் வெளிப்படுத்தப்பட்ட, வாழ்க்கை மாற்றப்பட்ட, வல்லமை நிரூபிக்கப்பட்ட மற்றும் தேவன் நியமித்த இலக்கை அடைந்த வாழ்வாகும். ஆமென் ! 🙏
நீங்கள் கிறிஸ்து இயேசுவுக்குள் தேவனுடைய நீதி! உங்களில் கிறிஸ்து வாழ்கிறார் என்பது வாக்கு நிறைவேறிய அடையாளம்!
இயேசுவை நோக்கிப் பார்ப்பது,என்னில் உள்ள இயேசு கிறிஸ்துவை வெளிப்படுத்துகிறது!
இனிய கிறிஸ்துமஸ் நல்வாழ்த்துக்கள்!
கிருபை நற்செய்தி தேவாலயம்.