06-10-23
இன்றைய நாளுக்கான  கிருபை!

இயேசுவை நோக்கிப் பார்ப்பது,உங்களை தகுதியும்,வலிமையும் உடையவராய் ஆக்குகிறது!.

5. அப்பொழுது மூப்பர்களில் ஒருவன் என்னை நோக்கி: நீ அழவேண்டாம்; இதோ, யூதா கோத்திரத்துச் சிங்கமும் தாவீதின் வேருமானவர் புஸ்தகத்தைத் திறக்கவும் அதின் ஏழு முத்திரைகளையும் உடைக்கவும் ஜெயங்கொண்டிருக்கிறார் என்றான்.
6. அப்பொழுது, இதோ, அடிக்கப்பட்டவண்ணமாயிருக்கிற ஒரு ஆட்டுக்குட்டி சிங்காசனத்திற்கும், நான்கு ஜீவன்களுக்கும், மூப்பர்களுக்கும் மத்தியிலே நிற்கக்கண்டேன்; அது ஏழு கொம்புகளையும் ஏழு கண்களையும் உடையதாயிருந்தது; அந்தக் கண்கள் பூமியெங்கும் அனுப்பப்படுகிற தேவனுடைய ஏழு ஆவிகளேயாம். (வெளிப்படுத்துதல் 5:5-6) NKJV

அந்தச் சுருளின் முத்திரைகளைத் திறப்பதற்குத் தகுதியான மற்றும் வலிமையான எவரும் காணப்படாததால், யோவான் அழுதுகொண்டிருந்தார்.அப்போது மூப்பர்களில் ஒருவர்,யூதா கோத்திரத்தின் சிங்கமாகிய இயேசுவைக் காட்டி அவருக்கு ஆறுதல் கூறினார்.ஆனால் யோவான் பார்க்கையில்,ஆட்டுக்குட்டியானவரான இயேசுவைக் கண்டான்.

சிங்கத்தை விட தைரியமும் வலிமையும் உடையவர் யார்? ஆட்டுக்குட்டியைவிட சாந்தகுணமுள்ளவர் யார்?

இயேசுவே மரணம், பாதாளம் மற்றும் பிசாசை வென்ற யூதா கோத்திரத்தின் சிங்கம் மேலும் உலகின் பாவங்களுக்காக கொல்லப்பட்ட ஆட்டுக்குட்டியானவரும் அவரே.

ஆம் என் அன்பானவர்களே,மகிழ்ந்து களிகூறுங்கள், இயேசுவின் இரத்தம் உங்கள் எல்லா பாவங்களையும் நீக்கி,தேவனின் சிறந்ததை உங்களுக்கு வெளிப்படுத்தத் தகுதியானது.
தேவனின் ஆட்டுக்குட்டியானவரின் இந்த அம்சத்தை மட்டும் அறிவது அவர் தியாகத்தின் பாதியை மட்டுமே அறிவதாகும்.ஆனால்,மகிழுந்து களிகூறுங்கள்!இயேசு மரித்தோரிலிருந்து உயிர்த்தெழுந்தார் என்ற உன்னதனமான சத்தியம் உங்களையும்,என்னையும் இந்த உலகத்தில் எல்லாவற்றையும் மேற்க்கொண்டு எல்லா வெற்றிக்கும் பாத்திரராக்குகிறது.இதுவே உண்மையான சத்தியம்.அல்லேலூயா!

உங்களை என்றென்றும் மிகவும் தகுதியுள்ளவர்களாக மாற்றுவதற்காக இயேசு ஆட்டுக்குட்டியாக கொல்லப்பட்டார்.மற்றும் உங்களை என்றென்றும் வலிமையுள்ளவர்களாக ஆக்குவதற்காக சிங்கத்தின் கர்ஜனையைப் போன்ற இடிமுழக்க தொனியுடன் மரணத்திலிருந்து உயிர்த்தெழுந்தார். அல்லேலூயா!ஆமென் 🙏

சிம்மாசனத்தில் அமர்ந்திருக்கும் சிங்கமும்,ஆட்டுக்குடியானவருமாய் இருப்பவருக்கு நிகரானவர் யார்! பரம்பொருளேப் போற்றி ( PRAISE ADONAI ) !!

இயேசுவை நோக்கிப் பார்ப்பது,உங்களை தகுதியும்,வலிமையும் உடையவராய் ஆக்குகிறது!.
.
கிருபை நற்செய்தி தேவாலயம் .

05-10-23
இன்றைய நாளுக்கான  கிருபை!

இயேசுவை நோக்கிப் பார்ப்பது,உங்கள் உன்னதமான இலக்கின் திறவுகோல்- அது உங்களுக்கான தேவனுடைய மிக சிறந்ததாகும் .!

4. ஒருவனும் அந்தப் புஸ்தகத்தைத் திறந்து வாசிக்கவும் அதைப் பார்க்கவும் பாத்திரவானாகக் காணப்படாததினால் நான் மிகவும் அழுதேன்.
5. அப்பொழுது மூப்பர்களில் ஒருவன் என்னை நோக்கி: நீ அழவேண்டாம்; இதோ, யூதா கோத்திரத்துச் சிங்கமும் தாவீதின் வேருமானவர் புஸ்தகத்தைத் திறக்கவும் அதின் ஏழு முத்திரைகளையும் உடைக்கவும் ஜெயங்கொண்டிருக்கிறார் என்றான்.(வெளிப்படுத்துதல் 5:4-5) NKJV.

6. எல்லாக்காரியத்துக்கும் காலமும் நியாயமுமுண்டு; ஆதலால் மனுஷனுக்கு நேரிடும் சஞ்சலம் மிகுதி.
7. இன்னது சம்பவிக்கும் என்று அவன் அறியானே; அது இன்னவிதமாய்ச் சம்பவிக்கும் என்று அவனுக்குச் சொல்லத்தக்கவன் யார்? (பிரசங்கி 8:6,7).

மனுகுலத்தைக் குறித்து எல்லா தகவல்களுக்கும் தேவன் தான் ஆதாரம் என்பதை யோவான் அறிந்திருந்தார், மேலும் யோவான் உட்பட உங்களையும்,என்னையும் உள்ளடக்கிய ஒவ்வொரு மனிதனைப் பற்றியும் அவர் தனது சுருளில் அனைத்தையும் எழுதியுள்ளார்.ஆனால்,அதில் எழுதியிருந்தவைகளை அவர் அறியாதபடி அந்த சுருள் முத்திரையிடப்பட்டிருந்ததால் யோவான் மிகவும் மனதுருகி அழுதார்.

எனக்கு அநேக நல்ல விஷயங்கள் காத்திருக்கின்றன என்று யார் சொல்ல முடியும்? இவை எப்பொழுது நிறைவேறும்,எந்த வகையில் இவை நிகழும் என்று யாரால் சொல்ல முடியும்? நாம் இதை அறியாமல் இருக்கும் போது துன்பம் அதிகரிக்கிறது.நாம் சிறந்ததை எதிர்பார்க்கிறோம், ஆனால் அது தாமதமாகும்போது சிறந்ததை விட குறைவான எதையும் ஏற்றுக்கொள்ள நாம் தயாராக இருக்கிறோம். ஆம்,எதுவுமே நடக்காதபோது வேதனை அதிகரிக்கிறது,எப்போது நடக்கும் என்று தெரியாமல் வாழ்வில் ஒரு இலக்கில்லாமல் தத்தளிக்கிறோம் .

ஆனால் என் பிரியமானவர்களே,தேவன் உங்களுக்காக சிறந்ததைத் திட்டமிட்டிருந்ததால்,அவருடைய திட்டத்தை நிறைவேற்றுவதை உறுதிப்படுத்த அவர் தனது சொந்த குமாரனை ஆயத்தப்படுத்தி,நிறுத்தினார் அவர் தான் நம் நாதர் இயேசு கிறிஸ்து! அல்லேலூயா.

உங்களுக்காக தேவனின் சிறந்ததை வெளிப்படுத்த தேவன் தேர்ந்தெடுத்த நபர் இயேசு,இன்றே உங்களுக்கான தேவனுடைய நேரம் (KAIROS MOMENT ).இன்றே உங்கள் இரட்சணிய நாள்(ACCEPTED TIME) .அவர் தனது பரிசுத்த ஆவியை அனுப்பியதன் மூலம் தனது திட்டங்களை நிறைவேற்றுகிறார் (வெளிப்படுத்துதல் 5:6).

உங்கள் இருதயத்தைத் திறந்து, கர்த்தராகிய இயேசுவையும் அவருடைய பரிசுத்த ஆவியையும் உங்கள் இருதயத்தில் வரவேற்கவும்.நீங்கள் உங்கள் இதயத்தைத் திறக்கும்போது,உங்களுக்கான தேவனுடைய சிறந்தது அடங்கியிருக்கிற இலக்கை இயேசுவின் நாமத்தில் திறக்கிறார். ஆமென் 🙏

இயேசுவை நோக்கிப் பார்ப்பது,உங்கள் உன்னதமான இலக்கின் திறவுகோல்-உங்களுக்கான தேவனுடைய மிக சிறந்ததாகும்!

கிருபை நற்செய்தி தேவாலயம் .