18-11-24
இன்றைய நாளுக்கான கிருபை!

மகிமையின் ராஜாவாகிய இயேசுவை சந்தித்து,பிதாவின் அன்பையும் பராமரிப்பையும் அனுபவியுங்கள்!

9. நீங்கள் ஜெபம்பண்ணவேண்டிய விதமாவது: பரமண்டலங்களிலிருக்கிற எங்கள் பிதாவே, உம்முடைய நாமம் பரிசுத்தப்படுவதாக;
10. உம்முடைய ராஜ்யம் வருவதாக; உம்முடைய சித்தம் பரமண்டலத்திலே செய்யப்படுகிறதுபோல பூமியிலேயும் செய்யப்படுவதாக.மத்தேயு 6-9,10 nkjv

என் பிதாவுக்கு பிரியமானவர்களே,நம்முடைய கர்த்தராகிய இயேசு செய்த பிரதான ஜெபமானது பிதாவின் ராஜ்யத்தை அழைப்பதை வலியுறுத்துகிறது. இருப்பினும் ஜெபமானது, “பரலோகத்திலுள்ள எங்கள் பிதாவே..” என்று தொடங்குகிறது.

பரலோக ராஜ்யம் பூமியில் முக்கிய பங்கு வகிக்கிகிறது,எனவே,எல்லா வகையிலும் பிரார்த்தனையானது ராஜ்யத்தின் ராஜாவை நோக்கி செலுத்தப்பட வேண்டும்.ஆனால்,பிதாவாகிய தேவன் ராஜாவாக இருந்தாலும், நமக்கு பிதா என்றஉறவு முக்கியமானது.எனவே, “பரலோகத்திலுள்ள எங்கள் பிதா”என்று அவரை அழைக்க வேண்டும் என்று சொல்லப்படுகிறது.

இந்த கூற்றானது நமது புரிதலை ஒளிர செய்கிறது! பல சமயங்களில் நாம் எதிர்கொள்ளும் பெரிய பிரச்சனைகளை மட்டுமே தேவனிடம் கொண்டு வந்து சர்வவல்லமையுள்ள தேவனால் தீர்க்கப்பட வேண்டும் என்று நினைக்கிறோம்.அற்பமான விஷயங்களை அவரிடம் கொண்டு செல்ல கூடாதென்றும் அது அவருக்கு முக்கியத்துவம் இல்லாதிருக்கலாம் என்றும் நினைக்கிறோம்.

ஆனால், தேவன் நம் தந்தையாக,அப்பா பிதாவாக இருக்கும்போது,நம்முடைய பெரிய அல்லது சிறிய, குறிப்பிடத்தக்க அல்லது முக்கியமற்ற எல்லா பிரச்சினைகளிலும் அவரை உதவிக்கு அழைக்க முடியும். பிரார்த்தனைக்காக மற்றவர்களுடன் பகிர்ந்து கொள்ளக்கூடிய விஷயங்கள் அல்லது யாருடனும் பகிர்ந்து கொள்ள முடியாத விஷயங்கள். மிகவும் அந்தரங்கமானவை – அவை அனைத்தையும் நம் பிதாவாகிய தேவன் அறிந்திருக்கிறார். மேலும் இவை அனைத்திலும் ஈடுபடவும் அதை மிக நுணுக்கமாக தீர்த்து வைப்பதும் அவர் சித்தமாக இருக்கிறது.நன்றி அப்பா!

என் அன்பானவர்களே, இந்த வாரம் பரலோகத் தகப்பன் உங்களுக்காக அவர் காட்டும் அக்கறையை வெளிப்படுத்துகிறது. “உம்முடைய ராஜ்யம் வருவதாக” என்பது நாம் சாதாரணமாக நினைப்பது போல் ஒரு நிர்வாக மற்றும் பொதுவான விஷயம் அல்ல,மாறாக அது நீதி நிறைந்தது, அமைதி மற்றும் பரிசுத்த ஆவியில் மிகுந்த மகிழ்ச்சி நிறைந்தது. உங்கள் பிதாவாகிய தேவன் ஈடுபடும்போது அது ஆச்சரியமாகவும், மகிழ்ச்சியாகவும் இருக்கிறது. ஆமென் !

வாழ்க்கையின் மிக அற்பமான பிரச்சனைகளுக்கு கூட தீர்வு பெறுவது இந்த வாரம் உங்கள் சாட்சியாக இருக்கட்டும்.தயவு உங்களை ஒரு கேடயமாக சூழ்ந்துள்ளது.அவருடைய நீதியானது ஒவ்வொரு கோணலான பாதையையும் நேராக்க உங்களுக்கு முன் செல்கிறது. அவருடைய மகிழ்ச்சியே உங்கள் பலம்!ஆமென் மற்றும் ஆமென் 🙏

மகிமையின் ராஜாவாகிய இயேசுவை சந்தித்து,பிதாவின் அன்பையும் பராமரிப்பையும் அனுபவியுங்கள்.

பரிசுத்த பிதாவே, உம்முடைய ராஜ்யம் வருவதாக!

கிருபை (பு) நற்செய்தி பேராலயம்!

15-11-24
இன்றைய நாளுக்கான கிருபை!

மகிமையின் ராஜாவாகிய இயேசுவை சந்தித்து,”கேட்கும் இதயம்”பெற்று குணமடையுங்கள்!

10.இந்த ஜனங்கள் தங்கள் கண்களினால் காணாமலும், தங்கள் காதுகளினால் கேளாமலும், தங்கள் இருதயத்தினால் உணர்ந்து குணப்படாமலும்,நான் அவர்களை ஆரோக்கியமாக்காமலுமிருக்க, நீ அவர்கள் இருதயத்தைக் கொழுத்ததாக்கி,அவர்கள் காதுகளை மந்தப்படுத்தி,அவர்கள் கண்களை மூடிப்போடு என்றார்.ஏசாயா 6:10 NKJV‬‬

நன்றாகக் கேட்கக்கூடிய ஒரு புதிய இதயத்தைப் பெறும்போது, நீங்கள் குணமடைவீர்கள்.

இங்கே இதயம் என்பது உடல் உறுப்பைக் குறிக்கவில்லை,மாறாக அது மனித ஆளுமையின் “முக்கிய” பண்பை குறிக்கிறது.

மேலே உள்ள வசனத்தில் உள்ள “மந்தமான” என்ற வார்த்தை, எபிரேய மொழியில் “ஷமன்” என்று பொருள் ஆகும். அதாவது செழிப்பு, செல்வம், வளமானது, பிரகாசிப்பது என்று அர்த்தம். இப்போது, ​​ஒரு வளமான அல்லது செல்வந்தமான இதயம் தேவனுக்கும்,தேவனின் விஷயங்களுக்கும் முரணாகத் தெரிகிறதல்லவா?

ஒரு மனிதனின் இதயம் போதுமானதாக உணர்ந்தால்,”என்னால் நிர்வகிக்க முடியும் அல்லது கையாள முடியும்,என்னால் அதைச் செய்ய முடியும்” என்று தன் நம்பிகையை நம்புகிறது. இப்படித்தான், தேவனை சார்ந்திருப்பதற்குப் பதிலாகத் தன்னம்பிக்கை தலை தூக்குகிறது. அதேபோல் மனித முயற்சிகள் கிருபையை சார்ந்திராமல், ‘நியாயப்பிரமானத்தின் மூலம் வரும் நீதியை’ சார்ந்திருப்பது முதன்மை பெறுகின்றன. இதை எரேமியா 17:9 தெளிவாகவிளக்குகிறது(“மனித இதயம் எல்லாவற்றிலும் மிகவும் வஞ்சகமானது, மேலும் அவநம்பிக்கையானது.அது எவ்வளவு மோசமானது என்று யாருக்குத் தெரியும்?”)

இருப்பினும், இயேசுவின் மரணம் ஒவ்வொரு பொல்லாத மனித இதயத்திற்கும் முற்றுப்புள்ளி வைத்தது மற்றும் அவரது உயிர்த்தெழுதல் ஒரு புதிய இதயத்தை கொண்டு வந்தது – இது தேவனின் இதயத்திற்குப் பிரியமான மனித இதயம்.இந்த நம்மையான இதயம் தேவனை நன்றாகக் கேட்கவும், புரிந்துகொள்ளவும் மற்றும் குணமடையவும் செய்கிறது.

இயேசுவே தேவனிடம் செல்லும் ஒரே வழி என்றும்,அவர் சிலுவையில் உங்களுக்காக மரித்தார் என்றும் தேவன் அவரை மரித்தோரிலிருந்து எழுப்பினார் என்றும் உங்கள் இதயத்தில் நீங்கள் நம்பினால்,நீங்கள் ஒரு புதிய புது சிருஷ்டியாக மாறுவீர்கள்.எப்போதும் தேவனை நம்பும் புதிய இதயம் உங்களுக்கு கொடுக்கப்படிருக்கிறது.அவரை கவனத்துடன் அல்லது உள்நோக்கத்துடன் கேளுங்கள்,அப்போது நீங்கள் இரட்சிக்கப்படுவீர்கள் மற்றும் குணமடைவீர்கள்.

இதுவே “உமது ராஜ்யம் வருவதாக” என்பதன் மையக்கருவாக இருக்கிறது!

நீங்கள் கிறிஸ்து இயேசுவில் தேவனுடைய நீதியாக இருக்கிறீர்கள்! உங்களிடம் சரியான ஆவி, சரியான எண்ணம் இருக்கிறது. உங்கள் எல்லா செயல்களிலும் நீங்கள் தேவனுடைய பார்வையில் நீதிமானாக எண்ணப்படுகிறீர்கள். ஆமென் 🙏

மகிமையின் ராஜாவாகிய இயேசுவை சந்தித்து,”கேட்கும் இதயம்” பெற்று குணமடையுங்கள்.

பரிசுத்த பிதாவே, உம்முடைய ராஜ்யம் வருவதாக!

கிருபை (பு) நற்செய்தி பேராலயம்!!