27-09-24
இன்றைய நாளுக்கான கிருபை!

மகிமையின் ராஜாவாகிய இயேசுவை சந்தித்து,இயேசுவின் இரத்தத்தின் மூலம் ஆட்சி செய்யுங்கள்!
.
9. தேவரீர் புஸ்தகத்தை வாங்கவும் அதின் முத்திரைகளை உடைக்கவும் பாத்திரராயிருக்கிறீர்; ஏனெனில் நீர் அடிக்கப்பட்டு, சகல கோத்திரங்களிலும் பாஷைக்காரரிலும் ஜனங்களிலும் ஜாதிகளிலுமிருந்து எங்களை தேவனுக்கென்று உம்முடைய இரத்தத்தினாலே மீட்டுக்கொண்டு,
10. எங்கள் தேவனுக்குமுன்பாக எங்களை ராஜாக்களும் ஆசாரியர்களுமாக்கினீர்; நாங்கள் பூமியிலே அரசாளுவோம் என்று புதிய பாட்டைப் பாடினார்கள்.வெளிப்படுத்துதல் 5:9,10 NKJV

தேவனின் ஆட்டுக்குட்டியான இயேசுவின் இரத்தம் நம்மை பாவத்திலிருந்தும் அடிமைத்தனத்திலிருந்தும் மீட்டு ராஜாக்களாகவும் ஆசாரியர்களாகவும் இருக்க தகுதியுடையதாக்கியுள்ளது.இதன் விளைவாக நீங்கள் தேவன் நியமித்த இலக்கை அடைந்து ஆளுகை செய்வீர்கள்.

நீங்கள் இயேசுவின் இரத்தத்தை ஊக்குவிக்கும் போது,நீங்கள் அவருடைய மேன்மையை இவ்விதமாய் அனுபவிப்பீர்கள்:
ஒரு ஏழையாக இருந்து செல்வந்தனாக மாறுவீர்கள்;
பாவம் மற்றும் அடிமைத்தனத்தின் பிடியிலிருந்து மீண்டு அதன் மேல் வற்றி சிறப்பீர்கள்.
நிராகரிக்கப்பட்ட நீங்கள் தேவனால் முற்றிலும் ஏற்றுக்கொள்ளப்படுவீர்கள் .

இயேசுவின் இரத்தம் உங்களை எல்லா அடிமைத்தனங்களிலிருந்தும் மீட்கிறது (எபேசியர் 1:7).
இயேசுவின் இரத்தம் உங்களை நியாயப்படுத்துகிறது, உங்களை நீதிமான்களாக அறிவிக்கிறது மற்றும் ஒவ்வொரு ஆசீர்வாதத்திற்கும் உங்களைத் தகுதிப்படுத்துகிறது (ரோமர் 5:9).
இயேசுவின் இரத்தம் எல்லா பாவங்களிலிருந்தும் உங்களைத் தொடர்ந்து சுத்திகரிக்கிறது (1 யோவான் 1:7)
இயேசுவின் இரத்தம் உங்களை சாதாரண நிலையிலிருந்து மகத்துவத்திற்கு வேறுபடுத்துகிறது (எபிரேயர் 13:12).
இயேசுவின் இரத்தம் தேவனுடைய ஜீவனை உங்கள் ஆத்துமாவிலும் உங்கள் உடலிலும் என்றென்றும் செயல்பட வைக்கிறது (ரோமர் 8:10,11).
இயேசுவின் இரத்தம் உங்களை பரலோக வாசிகளுடன் ஐக்கியப்படுத்துகிறது (எபிரேயர் 12:22-24)
இயேசுவின் இரத்தம்,அவருடைய பிரசன்னத்திற்குள் நுழைவதற்கும்,அவருடன் சிங்காசனத்தில் அமருவதற்கும் தைரியத்தையும் அணுகலையும் தருகிறது (எபிரேயர் 10:19).

இயேசுவின் இரத்தம் கடவுளின் சிம்மாசனத்தை அடைய உங்கள் கூக்குரலை எதிரொலிப்பது மட்டுமல்லாமல், அவருடன் ஆட்சி செய்ய உங்களைத் தூண்டுகிறது. அல்லேலூயா!ஆமென் 🙏

மகிமையின் ராஜாவாகிய இயேசுவை சந்தித்து,இயேசுவின் இரத்தத்தின் மூலம் ஆட்சி செய்யுங்கள்.
நம்முடைய நீதியான இயேசு கிறிஸ்துவைப் போற்றுவோமாக!

கிருபை( பு) நற்செய்தி பேராலயம்!!

26-09-24
இன்றைய நாளுக்கான கிருபை!

மகிமையின்ராஜாவாகிய இயேசுவை சந்தித்து,இலக்கை அனுபவித்து தேவ ஆட்டுக்குட்டியானவர் மூலம் ஆளுகை செய்யுங்கள்!

8. அந்தப் புஸ்தகத்தை அவர் வாங்கினபோது, அந்த நான்கு ஜீவன்களும், இருபத்துநான்கு மூப்பர்களும் தங்கள் தங்கள் சுரமண்டலங்களையும், பரிசுத்தவான்களுடைய ஜெபங்களாகிய தூபவர்க்கத்தால் நிறைந்த பொற்கலசங்களையும் பிடித்துக்கொண்டு, ஆட்டுக்குட்டியானவருக்குமுன்பாக வணக்கமாய் விழுந்து:
12. அவர்களும் மகா சத்தமிட்டு: அடிக்கப்பட்ட ஆட்டுக்குட்டியானவர் வல்லமையையும் ஐசுவரியத்தையும் ஞானத்தையும் பெலத்தையும் கனத்தையும் மகிமையையும் ஸ்தோத்திரத்தையும் பெற்றுக்கொள்ளப் பாத்திரராயிருக்கிறார் என்று சொன்னார்கள். வெளிப்படுத்துதல் 5:8, 12 NKJV

என்ன ஒரு மாறுபட்ட அணுகுமுறை! பரலோகம் முழுவதும் ஆட்டுக்குட்டியானவரை வணங்குகிறது, ஆனால் பூமியில் வசிப்பவர்கள் தேவனின் குமாரன் சிலுவையில் தொங்கியதை பார்த்து,அவர்களுக்காக பலியிடப்பட்ட ஆட்டுக்குட்டியாக மாறிய அவரை இகழ்ந்தனர் !!

அப்போஸ்தலனாகிய பவுல் “கடவுளின் ஞானத்தில் அதை மிக அழகாகக் கூறுகிறார்,ஞானத்தால் உலகம் தேவனை அறியாததால்,தேவஞானத்துக்கேற்றபடி உலகமானது சுயஞானத்தினாலே தேவனை அறியாதிருக்கையில், பைத்தியமாகத் தோன்றுகிற பிரசங்கத்தினாலே விசுவாசிக்கிறவர்களை இரட்சிக்க தேவனுக்குப் பிரியமாயிற்று.
இந்தப்படி, தேவனுடைய பைத்தியம் என்னப்படுவது மனுஷருடைய ஞானத்திலும் அதிக ஞானமாயிருக்கிறது; தேவனுடைய பலவீனம் என்னப்படுவது மனுஷருடைய பலத்திலும் அதிக பலமாயிருக்கிறது. ”(I கொரிந்தியர் 1:21, 25).

மிகவும் கேவலமான மனிதனுக்காக மிக மோசமான மரணத்தை ஒருவனுக்கு வழங்குவது உலகின் பார்வையில் முட்டாள்தனம்.

உலகில் பலவீனமானவர்களைக் காப்பாற்றுவதற்காக எல்லாப் புகழையும் பெருமையையும் இழந்து நிற்பது உலகின் பார்வையில் பலவீனம்.

புத்திசாலிகள் அல்லது ஞானவான்கள் அல்லது வலிமையானவர்கள் என்று அழைக்கப்படுபவர்கள் கடவுளின் இந்த ஞானத்தைப் புரிந்து கொள்ளாததில் ஆச்சரியமில்லை, ஏனென்றால் அவர்கள் அறிந்திருந்தால், அவர்கள் மகிமையின் ராஜாவை சிலுவையில் அறைந்திருக்க மாட்டார்கள் (1 கொரிந்தியர் 2:8).

கிறிஸ்து இயேசுவை சிலுவையில் அறைய பிசாசும் அவனது கூட்டாளிகளும் மும்முறமாக இருந்ததால், அதன் மூலம் அவர்கள் வசமிருந்த கைதிகள் அனைவரையும் அவர் விடுவிக்கிறார் என்பதை அறியாதிருந்தனர். ஆட்டுக்குட்டியானவர் தன் மரணத்தின்மூலம் நரக வாசிகளை கொள்ளையடித்து, பரலோகத்தைப் பெருக்கிக்கொண்டும் இருக்கிறார்! ஆஹா! தேவனின் ஞானம்! இது பெருமைக்குரியது!!

ஆட்டுக்குட்டியானவரை ஏற்றுக்கொள்வது உங்கள் காயங்களை கட்டும் தைலம்!மற்றும்
ஆட்டுக்குட்டியானவரை உங்கள் நீதியாக அறிவிப்பது உங்கள் இலக்கை வரையறுப்பதாகும்!! இது அருமை!!!ஆமென் 🙏

மகிமையின்ராஜாவாகிய இயேசுவை சந்தித்து,இலக்கை அனுபவித்து தேவ ஆட்டுக்குட்டியானவர் மூலம் ஆளுகை செய்யுங்கள்.
நம்முடைய நீதியான இயேசு கிறிஸ்துவைப் போற்றுவோமாக!

கிருபை( பு) நற்செய்தி பேராலயம்!!