11-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள்,அவருடைய புதிய சிருஷ்டியின் வல்லமையினால் பிறரை மன்னிக்க இப்பொழுதே கிருபை பெறுங்கள் !

22. அவர்கள்மேல் ஊதி: பரிசுத்த ஆவியைப் பெற்றுக்கொள்ளுங்கள்
23. எவர்களுடைய பாவங்களை மன்னிக்கிறீர்களோ அவைகள் அவர்களுக்கு மன்னிக்கப்படும், எவர்களுடைய பாவங்களை மன்னியாதிருக்கிறீர்களோ அவைகள் அவர்களுக்கு மன்னிக்கப்படாதிருக்கும் என்றார் . (யோவான் 20:22-23) NKJV.

உயிர்த்தெழுந்த ஆண்டவர் இயேசு,சீஷர்களின் வாழ்வில் சுவாசத்தை ஊதிய தருணத்தில், அவர்கள் புதிய சிருஷ்டியாக மாறினார்கள்! சீஷர்களுக்கு கடவுள் கற்பித்த முதல் விஷயம்,புது சிருஷ்டி பாவங்களை மன்னிக்கும் ஆற்றல் கொண்டது என்பதாகும் .

ஒரு புதிய சிருஷ்டியின் சாராம்சமாக ,பாவங்களை மன்னிக்கவும் அல்லது பாவங்களை தக்கவைத்துக்கொள்ளவும் அதிகாரம் கொண்டது .மனிதன் கடவுளுக்கு எதிராக ( vertical relationship ) அல்லது சக மனிதனுக்கு எதிராக (Horizontal relationship ) பாவங்களைச் செய்யலாம்.
கடவுள் மனிதன் மீது கொண்ட அளவற்ற அன்பினால், முழு மனித இனத்தின் பாவங்களையும் – கடந்த கால, நிகழ்கால மற்றும் எதிர்கால பாவங்களையும் முழுமையாக இயேசுவின் மூலம் மன்னித்திருக்கிறார்! 
ஆனால்,மனிதனின் வாழ்க்கையில் , ஒரு சக மனிதனை முழு மனதோடு மன்னிக்க, (அவனை அல்லது அவளை) அவனுக்கு மன உறுதி தேவைப்படுகிறது.சில நேரங்களில் துரோகம் மிகவும் கடுமையானது, காயம் மிகவும் ஆழமானது ,பிறரை மன்னிக்கவும் ,மறக்கவும் நாம் உண்மையில் போராடுகிறோம். ஆனால் நாம் ஒரு புதிய சிருஷ்டியாக மாறும்போது, ” போகட்டும் விடுங்கள்” (LET GO)என்ற வல்லமை நம்மில் பிறக்கிறது, மேலும் இந்த விடுவிப்பின் கிருபை நம்மை மன்னிக்க உதவுகிறது.

ஸ்டெயின்ஸ் மற்றும் அவரது குடும்பத்தினர் இயேசுவின் அன்பைப் பகிர்ந்து கொள்ள இந்திய தேசத்திற்கு வந்த மிஷனரிகள், கிரஹாம் ஸ்டெய்ன்ஸ் இரக்கமின்றி அவரது அழகான இரண்டு சிறிய மகன்களுடன் உயிருடன் எரிக்கப்பட்டார். இது தேசிய அளவில் செய்தியாகி, குற்றவாளிகள் பிடிபட்டனர்.
இருப்பினும், கிரஹாம் ஸ்டெயின்ஸின் மனைவியும் அவரது விலைமதிப்பற்ற மகளும் அவர்களை முழு மனதுடன் தங்கள் மணிப்பதாக கூறி அவர்களை விடுவிக்கும்படி கோரினர் , ஏனென்றால் அவர்கள் ஒரு புதிய சிருஷ்டியாக இருந்தனர், மன்னிக்கும் வல்லமை கொண்டவர்கள் – கடவுளைப் போலவே தெய்வீகமானவர்கள். புதிய சிருஷ்டிப்பு தெய்வீகமானது, நித்தியமானது, எவராலும் வெல்ல முடியாதது, அழிக்க முடியாதது மற்றும் அழியாதது. .ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள்,அவருடைய புதிய சிருஷ்டியின் வல்லமையினால் பிறரை மன்னிக்க இப்பொழுதே கிருபை பெறுங்கள் !

கிருபை  புரட்சி நற்செய்தி தேவாலயம்.

10-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள் !

ஆதலால் இயேசுவுக்கு அன்பாயிருந்த சீஷன் பேதுருவைப் பார்த்து: அவர் கர்த்தர் என்றான். அவர் கர்த்தர் என்று சீமோன்பேதுரு கேட்டவுடனே, தான் வஸ்திரமில்லாதவனாயிருந்தபடியினால், தன் மேற்சட்டையைக் கட்டிக்கொண்டு கடலிலே குதித்தான்.
10. இயேசு அவர்களை நோக்கி: நீங்கள் இப்பொழுது பிடித்த மீன்களில் சிலவற்றைக் கொண்டுவாருங்கள் என்றார்.
11. சீமோன்பேதுரு படவில் ஏறி, நூற்றைம்பத்துமூன்று பெரிய மீன்களால் நிறைந்த வலையைக் கரையில் இழுத்தான்; இத்தனை மீன்கள் இருந்தும் வலை கிழியவில்லை.(யோவான் 21:7, 10-11) NKJV

கர்த்தராகிய இயேசுவின் நற்செய்திகளின் மிக அற்புதமான பகுதிகளில் இதுவும் ஒன்றாகும். இயேசுவின் மரணத்தின் காரணமாக சீடர்கள் முற்றிலும் மனச்சோர்வடைந்தனர், ஆனால், கர்த்தர் மீண்டும் உயிர்த்தெழுந்து அவர்களுக்குத் தோன்றியபோது, ​​திடீரென்று அவர்களின் வாழ்க்கை வார்த்தைகளால் விவரிக்க முடியாத புத்துணர்வு பெற்றது .
அவர்கள் புதிய வாழ்க்கையைப் பெற்றனர் – தெய்வீக வாழ்க்கை, நித்திய வாழ்க்கை மற்றும் புதிய சிருஷ்டியாக மாறினர் ! எனினும், அவர்களின் புதிய இயல்பின் வல்லமையை – புதிய படைப்பின் உள்ளார்ந்த வல்லமையை அவர்கள் உணரவில்லை.  பின்பு உயிர்த்த இயேசு மீண்டும் அவர்களுக்கு வெளிப்பட்டார் .இந்த முறை பேதுரு இதை உணர்ந்த கணத்தில், அவர்களால் கூட்டாக இழுக்க முடியாத பெரிய மீன்கள் நிறைந்த வலையை, பேதுரு மட்டும் தனியாக கரைக்கு இழுத்து வந்தார்.

என் அன்பானவர்களே , நம்மில் பலர் புதிய சிருஷ்டியாக இருந்தாலும், நம்மில் குடியிருக்கும் வல்லமையை – புதிய வல்லமையின் சக்தியை முழுமையாக அறியாதவர்களாகவே இருக்கிறோம்.  நாம் இன்னும் பலவீனமாக இருக்கிறோம்,நாம் திறமையற்றவர்கள் என்று உணர்கிறோம். நமது உடல் உணர்வுகள் மற்றும் நமது சூழ்நிலைகளால் நாம் நகர்த்தப்படுகிறோம்.
* ஆனால் , உயிர்த்தெழுந்த இரட்சகர் மற்றும் கர்த்தராகிய இயேசுவின் புதிய வெளிப்பாடு மட்டுமே நம்மை புது சிருஷ்டியின் வெற்றி பாதையில் நடத்தும் .கிறிஸ்துவுக்குள் புது சிருஷ்டியாகிய நீங்கள் யார்?- புது சிருஷ்டியாகிய நீங்கள் ஒரு தெய்வீகமான,நித்தியமான,வெல்ல முடியாத,அழிக்க இயலாத வல்லமையைப் பெறுவீர்கள் இதைக் குறித்த அறிவும்,தொடர்ந்து செய்கிற விசுவாச அறிக்கையே நம்மில் புதிய சிருஷ்டியின் வல்லமையை வெளிப்படுத்தும்.ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்.

09-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள் !

அவர்கள்மேல் ஊதி: பரிசுத்த ஆவியைப் பெற்றுக்கொள்ளுங்கள்;(யோவான் 20:22) NKJV
அப்பொழுது வேதவாக்கியங்களை அறிந்துகொள்ளும்படி அவர்களுடைய மனதை அவர் திறந்து அவர்களை நோக்கி:(லூக்கா 24:45 ) NKJV

உயிர்த்த ஆண்டவராகிய இயேசு, மரித்தோரிலிருந்து உயிர்த்தெழுந்த உடனேயே, “பரிசுத்த ஆவியைப் பெறுங்கள்”என்று சீடர்கள் மீது ஊதினார், உடனே அந்த சீடர்கள் ‘புதிய சிருஷ்டி ‘ ஆனார்கள். அல்லேலூயா ! அவர்கள் தெய்வீக ஜீவனையும், நித்திய ஜீவனையும் பெற்று, அவர்கள் எவராலும் வெல்ல முடியாதவர்களாக மாறினார்கள் . அவர்களின் வாழ்க்கை முறை பரிசுத்த ஆவியால் முற்றிலும் மாற்றப்பட்டது. அவர்களின் பார்வை மாறியது,அவர்களின் நடத்தை மாறியது  ஏனெனில் அவர்களின் புரிதல் முற்றிலும் மாறிவிட்டது.

இயேசுவின் உயிர்த்தெழுதலின் ஜீவன் அவர்களின் புரிதலைத் திறந்து, அவர்களால் வேதவசனங்களை விளங்க முடிந்தது.
அதுவரை அவர்களுக்குப் போதித்தவர்கள் அவர்களுடைய ஆசாரியர்கள்,ரபிகள், தீர்க்கதரிசிகள் மற்றும் கர்த்தராகிய இயேசுவே.
ஆனால், இப்போது பரிசுத்த ஆவியானவர்,உயிர்த்தெழுந்த இயேசுவின் சுவாசத்தால், அவர்களில் வாசம் செய்து,அவர்களுக்கு ‘போதகர்’ ஆனார். அவர்கள் எல்லாவற்றையும் அறியத் தொடங்கினர் (“ஆனால் உங்களுக்குப் பரிசுத்தரால் அபிஷேகம் உண்டு, நீங்கள் எல்லாவற்றையும் அறிவீர்கள்.”
I யோவான் 2:20 NKJV) அவர்கள் ஆவியானவர் வழிநடத்தும் வாழ்க்கையை வாழ ஆரம்பித்தார்கள், இதுவே பூமியில் வாழ்கின்ற நித்திய ஜீவனாகும்!

என் அன்பானவர்களே ,இது உங்கள் அனுபவமாகவும் இருக்கலாம். இந்த சீடர்களில் பலர் வெறும் மீனவர்கள், அவர்கள் படிக்காதவர்களாகவும்,உலகம் அறியாதவர்களாகவும் இருந்தனர். ஆனால் உயிர்த்த இயேசுவின் மூச்சு அவர்களை ‘புதிய சிருஷ்டியாக ’ ஆக்கியது – முற்றிலும் புதிய இனமாக மாற்றியது .

நீங்களும் இந்த அனுபவத்தைப் பெறலாம்- பரிசுத்த ஆவியானவர்-உங்கள் அனுபவமாக ! கிறிஸ்து உங்களுக்குள் அனுபவமாக ! -24*7 – கற்றுத்தரும் ஆவியானவரின் அனுபவமாக ! உங்கள் புரிதல் ஒளிரும் மற்றும் உங்கள் வாழ்க்கை ஒருபோதும் பழைய நிலையில் இருக்காது.
இந்த புரிதலுக்காகத் தான் கௌதம புத்தர் தனது குடும்பத்தையும், தனது அன்புக்குரியவர்களையும் விட்டுவிட்டு வீட்டை விட்டு வெளியேறினார்.
ஆனால், கிறிஸ்து மூலமாக, பரிசுத்த ஆவியின் உருவில் உள்ள கடவுள், உங்களில் வசிப்பதற்காகவும், தெய்வீகத்திற்கு மட்டுமே சொந்தமான அத்தகைய ஆற்றலையும் புரிதலையும் அளிக்க உங்களைத் தேடி வந்துள்ளார்! உங்கள் இதயத்தைத் திறந்து, இயற்கைக்கு அப்பாற்பட்ட வாழ்க்கையை அனுபவிக்க, அன்பான இரட்சகரும், அற்புதமான ஆண்டவருமான இயேசுவை இன்று உங்கள் வாழ்க்கையில் ஏற்றுக் கொள்ளுங்கள்! ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்

08-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள் !

நம்முடைய பிதாவாகிய தேவனாலும் கர்த்தராகிய இயேசுகிறிஸ்துவினாலும் உங்களுக்குக் கிருபையும் சமாதானமும் உண்டாவதாக.
4. இயேசுகிறிஸ்துவைக்குறித்து தேவன் தம்முடைய தீர்க்கதரிசிகள் மூலமாய்ப் பரிசுத்த வேதாகமங்களில் முன்னே தம்முடைய சுவிசேஷத்தைப் பற்றி வாக்குத்தத்தம்பண்ணினபடி கர்த்தராகிய இயேசுகிறிஸ்துவானவர்,(ரோமர் 1:3-4 )NKJV.

மாம்சத்தின்படி தாவீதின் சந்ததியில் ஆண்டவராகிய இயேசு உலகத்தில் தோன்றினார், ஆனால்,ஆதி படைப்பின் முதல் நபராக ஆதாம் இருந்தார் அவருடைய கீழ்ப்படியாததின் காரணமாக பாவத்தின் அடிமைத்தனம், நோய், சிதைவு, சீரழிவு, மரணம் ஆகியவை தலைவிரித்து ஆடியது .சிலுவையில் ஆண்டவராகிய இயேசுவின் மரணம் இந்த பழைய படைப்புக்கு முற்றுப்புள்ளி வைத்தது,
.
இயேசுவின் உயிர்த்தெழுதல் மனிதனுக்கு தெய்வீக வாழ்வைத் தந்தது, அது மனிதனை தெய்வீகமாகவும், நித்தியமாகவும், அழியாததாகவும், வெல்ல முடியாததாகவும், அழியாததாகவும் ஆக்கியது .

கடவுள் இயேசுவை மரித்தோரிலிருந்து எழுப்பினார் என்பதை நீங்கள் உங்கள் இதயத்தில் நம்பி, இயேசுவே உங்கள் நீதி என்று ஒப்புக்கொண்டு அறிக்கைச்செய்யும் போது (உங்கள் நன்மைகள் எதுவும் உங்களைக் காப்பாற்றாது), உயிர்த்த ஆண்டவர் இயேசு தன் உயிர்த்தெழுதலின் ஜீவனை உங்களில் ஊதுகிறார் , மேலும் நீங்கள் ஒரு புதிய படைப்பாக மாறுகிறீர்கள்.! நீங்கள் இயேசுவை முழுமையாக அனுபவிப்பீர்கள்! மனித புரிதலை மிஞ்சிய ஒரு விவரிக்க முடியாத அமைதி உங்களில் இருக்கும், உலகத்தால் வழங்க முடியாத மற்றும் ,உலகத்தால் எடுத்துச் செல்ல முடியாத சமாதானத்தை உங்களுக்கு அளிக்கிறார். உங்கள் வாழ்க்கை எப்போதும் இந்த அவல நிலையில் இருக்காது. நீங்கள் நித்திய மகிழ்ச்சி, சொல்ல முடியாத மகிழ்ச்சி மற்றும் மகிமை நிறைந்ததாக இருப்பீர்கள். என்ன ஒரு அற்புதமான அனுபவம்! உயிர்த்தெழுதலின் மகிமையை வார்த்தைகளால் விவரிக்க முடியாது!  அல்லேலூயா !

என் அன்பானவர்களே,இந்த உயிர்த்த இயேசு உங்களை இன்று மிக உயர்ந்த நிலைக்கு உயர்த்துவார், முழு உலகமும் வியப்பில் நிற்கும்! நாம் இதை முழு மனதோடு நம்ப வேண்டும் ! ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்.

05-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள் !

24. அதற்கு மார்த்தாள்: உயிர்த்தெழுதல் நடக்கும் கடைசிநாளிலே அவனும் உயிர்த்தெழுந்திருப்பான் என்று அறிந்திருக்கிறேன் என்றாள்.
25. இயேசு அவளை நோக்கி: நானே உயிர்த்தெழுதலும் ஜீவனுமாயிருக்கிறேன், என்னை விசுவாசிக்கிறவன் மரித்தாலும் பிழைப்பான்; (யோவான் 11:24-25 )NKJV.

நான் இயேசுவை என் ஆண்டவராகவும் ,என் இரட்சகராகவும் நம்பி ஏற்றுக்கொண்ட என் ஆரம்ப நாட்களில், நான் கடவுளிடம் ஞானம், புரிதல், நீதி அன்பு, பொறுமை, பதவி உயர்வு, குணப்படுத்துதல் மற்றும் இது போன்ற தெய்வீக நற்பண்புகள் மற்றும் ஆசீர்வாதங்களை அருள ஜெபித்தேன் .

இந்த நற்பண்புகள் மற்றும் ஆசீர்வாதங்கள் அனைத்தும் ஒன்றுசேர்ந்த ஒரு நபர் என்பதை ஒரு நாள் பரிசுத்த ஆவியானவர் எனக்கு விளக்கினார், அவருடைய பெயர் இயேசு!
உயிர்த்தெழுதல் என்பது இறுதி நாளில் நிகழும் ஒரு நிகழ்வு என்பதை புரிந்துகொண்டதன் காரணமாக, கடைசி நாளில் தன் சகோதரன் மீண்டும் உயிர்த்தெழுப்பப்படுவார் என்று மார்த்தா நம்பினார். மேல உள்ள வேதக் குறிப்பில் இவ்வாறு காண்கிறோம் .
ஆனால் , அவரே உயிர்த்தெழுதல்,அவரே ஜீவன் என்பது இயேசுவின் பதில். அவர் உருவகப்படுத்தப்பட்ட உயிர்த்தெழுதல் மற்றும் ஜீவனாக இருக்கிறார் .இரண்டாவதாக, நாம் பிரச்சனையின் பதில் மற்றும் விரும்பும் ஆசீர்வாதம் இயேசு தான்.மற்றும் அது இறுதி நாளில் அல்ல இப்பொழுதே . அல்லேலூயா!

என் அன்பானவர்களே,இந்த வெளிப்பாடு எனக்கு வந்தபோது, ​​ஒவ்வொரு நற்பண்பு மற்றும் ஆசீர்வாதத்திற்கும் பதிலாக இயேசு கிறிஸ்துவின் ஆளுமையை நான் தேட ஆரம்பித்தேன்! “ இயேசுவே என் ஞானமும், புரிதலும்”, “இயேசுவே என் நீதி”, “இயேசுவே என் வெகுமதியும் பதவி உயர்வும் ” .ஏன் என்றால் அவரே ஒவ்வொரு நற்பண்பு மற்றும் ஆசீர்வாதமுமாய் இருக்கிறார் .எனவே, என் எதிர்பார்ப்பு இன்றே நடக்கும், அது உங்களுக்கும் இன்றே நடக்கும் என்று விசுவாசிக்கிறேன் .ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்

04-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

25. இயேசு அவளை நோக்கி: நானே உயிர்த்தெழுதலும் ஜீவனுமாயிருக்கிறேன், என்னை விசுவாசிக்கிறவன் மரித்தாலும் பிழைப்பான்;
26. உயிரோடிருந்து என்னை விசுவாசிக்கிறவனெவனும் என்றென்றைக்கும் மரியாமலும் இருப்பான்; இதை விசுவாசிக்கிறாயா என்றார்.
27. அதற்கு அவள்: ஆம், ஆண்டவரே, நீர் உலகத்தில் வருகிறவரான தேவகுமாரனாகிய கிறிஸ்து என்று நான் விசுவாசிக்கிறேன் என்றாள். யோவான் 11:25-27 NKJV.

இயேசு” யார்” என்ற வெளிப்பாடு நம்முடைய வாழ்வில் தோண்ட ,தோண்ட ஊறுகின்ற வற்றாத நீரூற்றை போல இருக்கிறது .நாம் அவரைப்பற்றிய அறிதலில் வளருவோம் .அவர் முதலில் “ தேவ ஆட்டுக்குட்டி “ என்று யோவான் ஸ்னாநகரால் அறிமுகப்படுத்தப்பட்டார்.

அப்போஸ்தலனாகிய யோவான் இந்த முற்போக்கான வெளிப்பாடுகளை அவர் எழுதிய நற்செய்தியில் மிக அழகாக வெளிப்படுத்துகிறார்.
11 வது அத்தியாயத்தில், “இயேசு யார்” என்ற மிக மகிமையான வெளிப்பாட்டைக் காண்கிறோம், அவர் உயிர்த்தெழுதலும், ஜீவனும் என்று இயேசுவே தன்னைப்பற்றி வெளிப்படுத்தினார்.  அல்லேலூயா!
இந்த வெளிப்பாட்டின் முதல் பெறுநர் மார்த்தா ஆவார்.மிகவும் அருமை ! ஆனால்,அது எப்படி? அவர் காலடியில் அமர்ந்து அவர் சொல்வதைக் கேட்கத் தன்னைக் கொடுத்த மேரிக்கு அல்லவா அது இருந்திருக்க வேண்டும், அவள் வாழ்க்கையில் முன்னுரிமைகளை அறிந்திருந்தாள். ஆனாலும், மேலே குறிப்பிடப்பட்ட வெளிப்பாட்டை முதலில் பெற்றவர் மார்த்தா.என்று நாம் பார்க்கிறோம் .

ஆனால் மார்த்தா அந்த வெளிப்பாட்டை புரிந்து கொண்டாளா? புரிந்து கொள்ளாமல் அவள் எப்படி நம்புவாள்? அவளுடைய தொடர்பில்லாத பதில் அவளுக்குப் புரியவில்லை என்பதைத் தெளிவாகக் காட்டுகிறது. இயேசு தேவனின் குமாரன் மற்றும் கிறிஸ்து என்று அவள் பதிலளித்தாள். அவரே கர்த்தர் என்பதில் சந்தேகமில்லை. ஆனால், அவளுடைய சகோதரனின் மரணத்திற்கு தீர்வைக் கண்டறிவதற்கான பொருத்தமான பதில் என்னவாக இருந்திருக்க வேண்டும் .”ஆம், ஆண்டவரே, இப்போதும் லாசருவை உயிர்த்தெழச்செய்யும் உயிர்த்தெழுதல் நீரே என்று நான் நம்புகிறேன்.மேலும், நீர் முடிவில்லாத நித்திய வாழ்க்கையாக இருக்கிறீர், மற்றும் இந்த உலகில் உயிருடன் இருப்பவர்கள் அனைவரும் உம்மை விசுவாசித்தால் ஒருபோதும் இறக்க மாட்டார்கள் .என்று விசுவாசிக்கிறேன் .

என் அன்பானவர்களே, இதை நீங்கள் நம்புகிறீர்களா ? ஆம் இயேசுவே உயிர்த்தெழுதல் மற்றும் ஜீவன் !ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்.

03-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

அதற்கு மார்த்தாள்: உயிர்த்தெழுதல் நடக்கும் கடைசிநாளிலே அவனும் உயிர்த்தெழுந்திருப்பான் என்று அறிந்திருக்கிறேன் என்றாள்.
இயேசு அவளை நோக்கி: நானே உயிர்த்தெழுதலும் ஜீவனுமாயிருக்கிறேன், என்னை விசுவாசிக்கிறவன் மரித்தாலும் பிழைப்பான்;யோவான் 11:24-25 NKJV.

உயிர்த்தெழுதல் என்பது சர்வவல்லமையுள்ள கடவுளின் இறையாண்மையின் மிக சக்திவாய்ந்த நிரூபணம். அநீதி மற்றும் அநியாயமான எல்லா விஷயங்களிலும் சர்வவல்லமையுள்ள கடவுளின் இறுதி தீர்ப்பு அல்லது இறுதிக் கூற்று.

மார்த்தா நினைத்தது என்னவென்றால், உயிர்த்தெழுதல் என்பது ஒரு இறுதி நாளாக எதிர்காலத்தில் நடக்கும் நிகழ்வு .ஆனால் இறுதி நாள் என்பது எதிர்காலத்தில் அல்ல ,அது இப்பொழுதே, காரணம்
நம் இயேசு அவரே உயிர்த்தெழுதல் என்று வெளிப்படுத்தினார் .

லாசரு 4 நாட்களுக்குப் பிறகு அனைத்து கல்லறை ஆடைகளுடன் உயிர்த்தெழுந்தது ஒரு நம்பமுடியாத
வல்லமையின் வெளிப்பாடு .இது அனைத்து மாற்றக் கோட்பாடுகளையும் மனிதனால் உருவாக்கப்பட்ட கோட்பாடுகளையும் தூக்கி எறிந்தது.
கடவுளால் சாத்தியமில்லாதது எதுவும் இல்லை என்பதை இது நிரூபித்தது. இன்று நம்மிடம் தேவைப்படுவது உயிர்த்தெழுந்த ஆண்டவராகிய கிறிஸ்துவை “நம்புவது” மட்டுமே .

என் பிரியமானவர்களே, நீங்கள் மேற்க்கூறிய காரியங்களை ஆவியில் உணரும்போது, ​​​​இயேசு கம்பீரமாக நடந்து வருகிறார் ,  எனவே நீங்கள் உங்கள் வாழ்வில் 360 டிகிரி மாற்றத்தை இப்பொழுதே அவருடைய உயிர்த்தெழுந்த வல்லமையால் அனுபவிப்பீர்கள். அல்லேலூயா! ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை இப்பொழுதே உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்.

02-05-23
இன்றைய  நாளுக்கான  கிருபை !

இயேசுவே உயிர்த்தெழுதல்,ஜீவன் என்று பாருங்கள், அவருடைய உயிர்த்தெழுதலை உங்கள் வாழ்வில் அனுபவியுங்கள்!

இயேசு அவளை நோக்கி: நானே உயிர்த்தெழுதலும் ஜீவனுமாயிருக்கிறேன், என்னை விசுவாசிக்கிறவன் மரித்தாலும் பிழைப்பான்; உயிரோடிருந்து என்னை விசுவாசிக்கிறவனெவனும் என்றென்றைக்கும் மரியாமலும் இருப்பான்; இதை விசுவாசிக்கிறாயா என்றார்.யோவான் -11:25-26 NKJV.

ஆசீர்வதிக்கப்பட்ட மே மாதத்தின் வாழ்த்துக்கள் !

கடந்த மாதத்தில் நான் விளக்கியது போல்,உயிர்த்தெழுதல் ஒரு நிகழ்வு மட்டுமல்ல,அது ஒரு அனுபவம்.
உண்மையில்,உயிர்த்தெழுதல் ஒரு தொடர்ச்சியான அனுபவமாக இருக்க வேண்டும் என்றால் பரிசுத்த ஆவியானவர் நமது ஆவிக்குரிய கண்களை திறக்க ஜெபிக்க வேண்டும். உயிர்த்தெழுதல் ஒரு நபரை குறிக்கிறது! அந்த நபர் நம் இயேசுநாதர்!என்ன ஒரு அற்புதம்!

நானே உயிர்த்தெழுதல்”என்று இயேசு சொன்னார்,இப்போதும் கூறுகிறார்.அவர்தான் உயிர்த்தெழுதல்!அவர் உயிர் கொடுக்கும் ஆவியாயிருக்கிறார் !நமது சாவுக்கேதுவான உடலின் ஒவ்வொரு பாகத்தையும் அவர் உயிர்ப்பிக்கிறார் (ரோமர் 8:11). இறந்து போனதையும், நம்பிக்கையில்லாமல் இறந்துவிட்டதாகத் தோன்றுவதையும்,இயேசு புதுப்பித்து உயிர்ப்பிக்கிறார்.  அல்லேலூயா!

என் அன்பானவர்களே,உங்கள் நம்பிக்கை வீணாய்ப்போனதா? உங்களுக்கு உறவுகள் உடைந்த நிலையில் இருக்கிறதா? நீங்கள் புற்றுநோயின் இறுதி கட்டத்தில் இருக்கிறீர்களா அல்லது ஏதேனும் பயங்கரமான நோயால் பாதிக்கப்பட்டுள்ளீர்களா? வாழ்க்கையில் வெற்றி பெற முடியாது என்று நினைக்கிறீர்களா? நீங்கள் பாவப் பழக்கத்திற்கு அடிமைப்பட்டிருக்கிறீர்களா?
இது உங்கள் உயிர்த்தெழுதல் தருணம்! இயேசுவே உங்கள் உயிர்த்தெழுதல் தருணம் .இன்றும், இந்த மாதத்தின் பிற்பகுதியிலும், உங்கள் வாழ்க்கையின் ஒவ்வொரு அம்சத்திலும், குறிப்பாக உங்கள் உடலின் ஒவ்வொரு உறுப்பு மற்றும் உங்கள் ஆன்மாவிலும் அவருடைய உயிர்த்தெழுதலை நீங்கள் அனுபவிப்பீர்கள் . பரிசுத்த ஆவியானவர் உங்களுக்கு இயேசுவையும், உயிர்த்தெழுதலையும், ஜீவனையும் வெளிப்படுத்துவாராக .ஆமென்!🙏

இயேசுவே உயிர்த்தெழுதல்,ஜீவன் என்று பாருங்கள்,, அவருடைய உயிர்த்தெழுதலை உங்கள் வாழ்வில் அனுபவியுங்கள்!

கிருபை  புரட்சி நற்செய்தி தேவாலயம்.

28-04-23
இன்றைய  நாளுக்கான  கிருபை !

ஜீவ அப்பமாகிய இயேசுவைப் பாருங்கள்,அவருடைய வார்த்தையின்படி வாழ்வதை அனுபவியுங்கள் !

இயேசு அவர்களை நோக்கி: ஜீவ அப்பம் நானே, என்னிடத்தில் வருகிறவன் ஒருக்காலும் பசியடையான், என்னிடத்தில் விசுவாசமாயிருக்கிறவன் ஒருக்காலும் தாகமடையான்.(யோவான் 6:35 NKJV)
அவர் பிரதியுத்தரமாக: மனுஷன் அப்பத்தினாலேமாத்திரமல்ல, தேவனுடைய ஒவ்வொரு வார்த்தையினாலும் பிழைப்பான் என்று எழுதியிருக்கிறதே என்றார்.(லூக்கா 4:4 NKJV)

என் பிரியமானவர்களே, இந்த மாத இறுதிக்கு வரும் வேளையில் ,​​பரிசுத்த ஆவியானவர் பேசிய அனைத்தையும் சுருக்கமாக சிந்திக்க அழைக்கப்படுகிறோம் :

கடவுள் மனிதனைப் படைத்தபோது, ​​அவர் கடவுளின் சுவாசத்தை மனிதனுக்குள் ஊதினார், மேலும் மனிதன் உயிருள்ள ஆன்மாவானான் (ஆதியாகமம் 2:7). அப்படியெனில் ,மனிதன் கடவுளின் சுவாசத்தால் வாழ வேண்டும் ஆனால் அவன் தன் ஆன்மாவால் வாழத் தேர்ந்தெடுத்தான். மனிதனின் விருப்பத்தின் பின் விளைவுகளில் ஒன்று ‘உணவு’ அவனது வாழ்க்கையின் முதன்மையானதாக மாறியது.
இயேசு பூமியில் வாழ்ந்த நாட்களில், அவர் 5 அப்பங்களைப் பெருக்கியபோது, ​​​​திரளான மக்கள் உணவளிக்கப்பட்டனர்.பின்பு ,அவர்கள் அவரைத் தேட ஆரம்பித்தார்கள், அவர்கள் அதிசயத்தைக் கண்டதால் அல்ல, ஆனால் அவர்கள் சாப்பிட்டு வயிறு நிரம்பியதால் (யோவான் 6:26).

உணவு முக்கியமானது ஆனால் வாழ்க்கையின் முதன்மையான முன்னுரிமை அது அல்ல. இதன் காரணமாகவே மனிதன் அப்பத்தினால் மாத்திரமல்ல,கர்த்தருடைய வாயிலிருந்து புறப்படும் ஒவ்வொரு வார்த்தையினாலும் பிழைப்பான் என்று இயேசு கூறினார்.மனிதகுலத்தை மீட்டெடுக்க கடவுள் தம்முடைய ஒரே குமாரனாகிய இயேசுவை பூமிக்கு அனுப்பினதின் நோக்கம் ,அதாவது அவருடைய வார்த்தையின்படி வாழ வேண்டும். கடவுளின் வார்த்தையில் நீங்கள் மூழ்கியிருக்கும்போது, ​​அந்த வார்த்தையே உங்கள் உணவாக மாறும், உணவின் மீதான உங்கள் இயற்கையான பசி நீங்கும். உண்மையாகவே நம்முடைய வாழ்வின் மாற்றமானது அவருடைய ஜீவனுள்ள,ஜீவன்கொடுக்கும் வார்த்தையினால் இருக்கிறது .ஆமென்!🙏

ஜீவ அப்பமாகிய இயேசுவைப் பாருங்கள்,அவருடைய வார்த்தையின்படி வாழ்வதை அனுபவியுங்கள்!

கிருபை  புரட்சி நற்செய்தி தேவாலயம்.

27-04-23
இன்றைய  நாளுக்கான  கிருபை !

ஜீவ அப்பமாகிய இயேசுவைப் பாருங்கள்,தெய்வீகப் பரிமாற்றத்தை அனுபவியுங்கள்!

அவருடைய மரணத்தின் சாயலில் நாம் ஒன்றுபட்டிருந்தால், நிச்சயமாக நாமும் அவருடைய உயிர்த்தெழுதலின் சாயலில் இருப்போம்.”
ரோமர் 6:5 NKJV

ஆண்டவராகிய இயேசுவின் சிலுவை மரணத்தின் நோக்கத்தை நாம் புரிந்துகொள்ளும்போது அவருடைய உயிர்த்தெழுதலின் வல்லமை நம் வாழ்வில் அனுபவமாகிறது.

சிலுவையில் ,அவர் அனுபவித்த துன்பங்கள் என்னை நீதிமானாக்கியிருக்கிறது என்பதை ஒப்புக்கொண்டு அறிக்கை செய்யும்போது அவருடைய உயிர்த்தெழுதலின் வல்லமை நம் வாழ்வில் செயல்படுகிறது

நம்முடைய துக்கங்களையும் ,வலிகளையும் ,இழப்புகளையும் ,வேதனைகளையும் இழுத்து சிலுவையில் அவர் பட்ட வேதனைகளோடு இணைக்கும் பொழுது அவருடைய தெய்வீக பரிமாற்றமாகிய ,
அவருடைய நித்திய மகிழ்ச்சியையும் மற்றும் சொல்லிமுடியாத ஆசீர்வாதங்களையும் நிச்சயமாக பெற்றுக்கொள்ளுகிறோம்

அதேபோல், நம்முடைய மன வேதனையை அவருடைய சிரசின் முள் முடியோடு இணைக்கும் பொழுது அவர் நீதியை நாம் பெற்றுக்கொண்டு அவருடைய உயிர்த்தெழுதலின் வல்லமையால் அனைத்து மன அழுத்தம் மற்றும் மனச்சோர்வுகளிலிருந்து நாம் முழுமையாக விடுபடுகிறோம்.
.
. அப்படியே நமது பாவம், வியாதி,வறுமை மற்றும் மனச்சோர்வு ஆகிய பாடுகளை சிலுவையின், பாடுகளோடு இணைக்கும் போது தெய்வீக பரிமாற்றமாக ,ஆறுதல் மற்றும் நிரந்தர விடுதலையை
அவருடைய உயிர்த்தெழுந்த வல்லமையால் பரிமாறிக்கொள்ளுகிறோம் .இந்த தெய்வீகப் பரிமாற்றமே சிலுவையின் மூன்றாவது நோக்கமாகும். ஆமென்!🙏

ஜீவ அப்பமாகிய இயேசுவைப் பாருங்கள்,தெய்வீகப் பரிமாற்றத்தை அனுபவியுங்கள்!

கிருபை  புரட்சி நற்செய்தி தேவாலயம்